Tuesday, March 8, 2011

ငပူသီးထောင်း


ဒီကိုပြန်လာတော့ အမေ့အိမ်ကနေ စားစရာတွေအများကြီး ထည့်ပေးလိုက်တယ်။ အဲဒီထဲမှာ ငပူသီးလဲ ပါတယ်။ ငပူသီးက ခရမ်းချဉ်သီး လိုပုံစံ၊ သိပ်တော့မကြီးဘူး ခပ်သေးသေး၊ အရောင်က ၀ါစိမ်းစိမ်းအရောင်ပါ။ ရန်ကုန်အခေါ် စိန်ခရမ်းချဉ်သီး ခေါ်လားတော့မသိဘူး။ သူ့ရဲ့ အရသာက ဗမာ ခရမ်းချဉ်သီးထက် ပိုပြီးချဉ်ပါတယ်။ အိမ်မှာတော့ ငပူသီးကို ထောင်းပဲစားတယ်။ ကျန်တာ ဘယ်လို လုပ်စားလို့ ရသေးလဲတော့ မပြောတတ်ဘူး။ ဟင်းချိုဟင်းရည်၊ ပဲဟင်းရည် စတဲ့ ဟင်းရည်တွေနဲ့ အလွန်လိုက်ဖက်လှပါတယ်။ ဒီနေ့လဲ ဆီမပါတဲ့ ငပူသီးထောင်းကို အားမနာတမ်း သုံးဆောင်သွားပါအုံးလား။



ငပူးသီးထောင်း၊ အမဲခြောက်ကြော်၊ ပဲနီလေးနဲ့ကြာဇံဟင်းရည်


ငပူသီးထောင်း (ဒါက အမေ့အိမ်မှာတုံးက စားခဲ့တဲ့ ငပူသီးထောင်းပါ။)


ငပူသီးထောင်း (ဒါက ကျွန်မထောင်းတဲ့ ငပူသီးထောင်းပါ။)


ငပူသီးကို အညှာဖြတ်၊ လေးခြမ်းစိတ်ပြီး ရေနည်းနည်းနဲ့ ခမ်းအောင် ပြုတ်လိုက်ပါတယ်။ (မီးသွေးမီးနဲ့ဆို ဖုတ်လို့၊ကင်လို့ လဲရပါတယ်နော်။)


ငပူသီးထောင်းအတွက် လိုအပ်သောအရာ

ငပူသီး ၁၀ လုံး
ကြက်သွန်ဖြူ ၁ ဥ
ပုဇွန်ခြောက် အနည်းငယ် (ရှင်းရှင်းလင်းလင်း စားချင်ရင်တော့ ပုဇွန်ခြောက်မထည့်လဲ ရပါတယ်နော်။)
ငရုတ်သီး ၁၀ တောင့်
ဆား အနည်းငယ်
အချိုမှုန့် အနည်းငယ်

ငပူသီးထောင်းပုံ
ပထမဦးဆုံး ငပူသီးကို အညှာဖြတ်၊ လေးခြမ်းစိတ် ရေဆေးလိုက်တယ်။ ပြီး ငပူသီးပြုတ်ပါတော့မယ်။ ပြုတ်မယ့်အိုးထဲသို့ ရေနည်းနည်းထည့်၊ ငပူသီးထည့်ပြီး ရေခမ်းနေအောင် ပြုတ်ပေးပါ။ ငပူသီးပြုတ် ရပြီဆိုရင်တော့ ထောင်းပါတော့မယ်။ ငရုတ်ဆုံထဲသို့ ကြက်သွန်ဖြူထည့်၊ ငရုတ်သီးစိမ်းထည့်၊ ပုဇွန်ခြောက်ထည့်၊ ဆားထည့်၊ အချိုမှုန့်ထည့် ပြီး အရင်ထောင်းလိုက်ပါ။ အားလုံး ညှက်သွားရင် ငပူသီးပြုတ်ကို ထည့်ပြီးထောင်းပါ။ ဆားလေး ပြားလေးမြည်းကြည့်ပါ။ ဆား ပြား အနေတော်ဖြစ်ရင်တော့ ခံတွင်းတွေ့စေမယ့် ငပူသီးထောင်း ရပါပြီနော်။


ကျန်းမာ ချမ်းသာကြပါစေ။
at

11 comments:

  1. khamMarch 8, 2011 at 11:48 PM

    that' s amazing,my favourite,thks for sharing,,

    ReplyDelete
  2. T T SweetMarch 8, 2011 at 11:57 PM

    ငပူသီးဆိုလို့ တစ်ခါမှ ကြားတောင်မကြားဖူးဘူး။ ပြင်ထားတာတော့ သရက်သီးထောင်းတို့ ဘာတို့လို လျှာရည်လည်စရာပဲ ။

    ReplyDelete
  3. ဆောင်းနှင်းရွက်March 9, 2011 at 12:05 AM

    ငပူသီး ဆိုတာ
    ကြားတောင် ကြားဖူးဘူးရော ..
    ကြည့်ရတာ စားချင်စရာလေး ..း))

    ReplyDelete
  4. ချော(အစိမ်းရောင်လွင်ပြင်)March 9, 2011 at 2:49 AM

    တို့က မပူသီး (ဆင်ခရမ်းချဉ်သီး) လို့ခေါ်တယ်
    ကြိုက်လဲကြိုက်လဲကြိုက်တယ်။
    ငရုပ်သီးစပ်စပ်လေးနဲ့ ထောင်းစားရင် ရှယ်ဘဲ
    အစိမ်းလဲပါးပါးလှီး နှုတ်နှုတ်စင်းပြီး ပဲသီးတို့နဲ့ ရောပြီး ထောင်းစားသေးတယ်။

    ReplyDelete
  5. မင်္ဂလာပါ ....March 9, 2011 at 9:59 AM

    တစ်ခါမှမစားဘူးပေမယ့် ပုံစံကြည့်ပြီး စားချင်စိတ်ဖြစ်မိတယ် ..။ ငပုသီးရဲ့ပုံကိုမမြင်ဘူးဘူး။

    နှင်းဟေမာ
    www.hninhaymar.com

    ReplyDelete
  6. Mon Petit AvatarMarch 9, 2011 at 10:33 AM

    တခါမှမကြားဖူး မစားဖူးဘူး။ ကြည့်ရတာတော့ စားလို့ကောင်းမှာပဲ။

    ReplyDelete
  7. khinMarch 9, 2011 at 12:20 PM

    ညီမလေးေ၇

    ပုံမှာကြည်.၇တာတော. ၇န်ကုန်ကခ၇မ်းကျွတ်သီးနဲ.တူပါတယ်ကွယ်။ ကြည်.ယုံနဲ.တင်သေ၇ကျလာပြီ။

    ReplyDelete
  8. IoraMarch 9, 2011 at 12:39 PM

    တခါမှမစားဘူးဘူး။ အရမ်းစားချင်တယ်။ စားရင်ကြိုက်မှာသေချာတယ်။
    Iora

    ReplyDelete
  9. IoraMarch 9, 2011 at 12:43 PM

    ချောရဲ့မှတ်ချက်ကိုတွေ့ မှ ဆင်ခရမ်းချဉ်သီးဆိုတာသိသွားတယ်။ ဒါဆို စားဘူးတာပေါ့။ တအိမ်လုံးကြိုက်ကြပါတယ်။ ဒီတော့ပိုစားချင်သွားပြန်ပြီ။
    Thanks,
    Iora

    ReplyDelete
  10. PAUKMarch 9, 2011 at 10:31 PM

    ခရမ်းကဇော့် သီးမဟုတ်ဘူးလား..။
    မစားရတာကြာပေါ့..။

    ReplyDelete
  11. SunnyMarch 14, 2011 at 3:20 AM

    ငပူသီးကို အနော်တို့လည်း ဆင်ခရမ်းချဉ်သီးလို့ပဲ သိတာ.. အတူတူပါပဲလေ.. သူ့ကို အစိမ်းပါးပါးလှီး၊ ငရုတ်သီးစိမ်း၊ ငါးပိမီးဖုတ် (သို့) ပုစွန်ခြောက်ထောင်း ၊ ဆား ၊ အချိုမှုန့်၊ သံပုရာသီးနည်းနည်းညှစ်ပြီး သုပ်စားလည်း ကောင်းတယ်..

    ReplyDelete