ကြာဆံဟင်းခါး နဲ့ ရှောက်သီးသုပ်

ထမင်းအိုး ဘလော့လေး မ၀င်ဖြစ်တာလဲ အတော်ကြာသွားပြီ။ မိုးကောင်းသူလေးရဲ့ မွေးနေ့ပွဲမှာ သူငယ်ချင်းတွေကို ချက်ကျွေးဖြစ်တာကတော့ ကြာဆံဟင်းခါး နဲ့ ရှောက်သီးသုပ်ပါရှင်။ တခြားဘာချက်ကျွေးရမလဲ မှန်းမသိတာနဲ့ ကြာဆံဟင်းခါးလေးပဲချက်ကျွေးဖြစ်တယ်။ ကြာဆံဟင်းခါးဆိုတော့ သူနဲ့တွဲစားရတဲ့ ရှောက်သီးသုပ်လေးလဲ မပါမဖြစ်ပေါ့။ မွေးနေ့ပွဲကို ညကြီးမင်းကြီးမှ စီစဉ်လိုက်ရတာကြောင့် ရှောက်သီးကတော့ မရဘူးပေါ့။ မြန်မာကုန်တိုက်လဲ သွားမ၀ယ်ဖြစ်တော့ပါဘူး။ သံပရိုသီးကြီးကြီးကို ၀ယ်ပြီး ရှောက်သီးအစား ထည့်သုပ်လိုက်ပါတယ်။ ရှောက်သီးကတော့ နည်းနည်းကြာရင် ခါးသွားတတ်ပါတယ်။ သံပရိုသီးကတော့ သုပ်တာ နည်းနည်းကြာသွားလဲ မခါးပါဘူး။ အတော်လေးကို အဆင်ပြေပါတယ်။ ရှောက်သီးသုပ် အလွမ်းပြေစားမယ်ဆိုရင် အဆင်ပြေပါတယ်။ အားမနာတမ်း သုံးဆောင်သွားပါအုံးလား။



ကြာဆံဟင်းခါး ပူပူလေး သုံးဆောင်သွားပါအုံးလား။


ရှောက်သီးသုပ် စပ်စပ်လေးနဲ့ တွဲစားကြပါတယ်။ အချဉ်လိုက သံပရာသီးထည့်။ အငံလိုက ငံပြာရည်ထည့်။ အစပ်လိုက ငရုတ်သီးထည့်။ ပူပူလေးဖြစ်လိုက ငရုတ်ကောင်းထည့် ကြိုက်ရာစိတ်ကြိုက်ထည့်စားနိုင်ပါတယ်နော်။

ီ
ငုံးဥ၀ယ်လို့ မရလို့ ကြက်ဥပဲ ပြုတ်ထားပါတယ်။


ကြိုက်ရာ ၀ိုင်းထဲ ၀င်စားနိုင်ပါတယ်နော်။

ကြာဆံဟင်းခါး မလောက်မှာ မပူနဲ့နော်။ နှစ်အိုးချက်ထားပါတယ်။


အိုးလိုက်ချထားတယ်နော်။


ကြာဆံဖတ်မပါသေးတဲ့ အရည်ကြီးပဲအိုး။ စားခါးနီးမှ ကြာဆံဖတ်ရောပါတယ်။ ဒီက ကြာဆံဖတ်တွေက တစ်ခါတည်းချက်လိုက်ရင် ကော်ရည်လိုဖြစ်သွားလို့ပါ။


ကြာဆံဟင်းခါး အတွက်လိုအပ်သောအရာ

• ပဲကြာဆံ
• ကြက်သား (ကျွန်မ ၀ယ်ခဲ့တာကတော့ ရင်ဖုံသားရယ်၊ လည်ပင်းရိုးကြီးပဲ တတ်တတ်ရယ်၊ ကြက်ခြေတောက်ကြီးပဲ တတ်တတ်ရယ်ပါ။ အရိုးကြိုက်တဲ့ ကျွန်မ အတွက်ကတော့ လည်ပင်းနဲ့ ခြေတောက်က အကြိုက်ပေါ့။)
  
• ငါးဖယ် (ဒီက fish cake ကိုဝယ်ထည့်လိုက်ပါတယ်။ အလုပ် သိပ်မရှုပ်တော့ဘူးပေါ့။)
• ငုံးဥ (ငုံးဥ ၀ယ်မရတာနဲ့ ကြက်ဥပဲ ပြုတ်လိုက်ပါတယ်။ ဈေးလဲ ပိုသက်သာပါတယ်။ :D)
  
• ကြွက်နားရွက်မှို (သို့) မှိုတုံတုံ
• မှိုခြောက် ပန်းခြောက် (အထုံးလေးတွေ ထုံးလိုက်ပါတယ်။)
  
• ပိတ်စွယ် (ဒီမှာတော့ ပိတ်စွယ် ၀ယ်လို့ မရပါဘူး။ မရတော့လဲ မထည့်တော့ဘူးပေါ့။)
• အသားတု လုံး (အသားတုလဲ ၀ယ်မရလို့ မထည့်လိုက်ပါဘူး။ အဟီး ၀ယ်လို့မရတာတွေက များနေပြီ။)
  
• ပဲပြား (အထုံးလေးတွေ ထုံးထားတဲ့ ပဲပြားခြောက်ကို ၀ယ်ပါတယ်။ အထုံးလေးက ပိုပြီး စားကောင်းပါတယ်။)
• ကြက်သွန်နီ အလုံးသေးသေး (အခွံခွာပြီးသားကို ၀ယ်ခဲ့ပါတယ်။)
  
• ဗမာ နံနံပင်
• ကြက်သွန်မြိတ်
• ငရုတ်သီး အကျက်မှုန့် (အကျက်မှုန့် ၀ယ်ထားတာ ကုန်သွားတာနဲ့ ကိုယ်တိုင်ကျိတ်ပြီး ကြော်ထားပါတယ်။)
  
• သံပရာသီး
• ငရုတ်ကောင်း

ကြာဆံဟင်းခါး ချက်နည်း

ပဲကြာဆံဖတ်၊ ကြွက်နားရွက်မှို၊ မှိုခြောက်ပန်းခြောက်တို့ကို ရေစိမ်ထားပါတယ်။ ကြက်သားကို အနေတော် အတုံးသေးသေးလေးတွေ တုံးလိုက်ပါတယ်။ ကြာဆံဟင်းခါး ချက်မယ့်အိုးထဲသို့ ရေထည့်ပြီး ဆူနေအောင်တည်ထားလိုက်ပါတယ်။ ကြက်ခြေတောက်တွေကို ခြေသည်းတွေဖြတ်၊ လည်ပင်းရိုးကို အရေခွံခွာ၊ ရင်ဖုံအသားတွေ တုံးပြီး အရိုးတို့ကို ဆူနေတဲ့အိုးထဲသို့ ထည့်တည်ထားလိုက်ပါတယ်။ ငါးဖယ်ကိုလဲ ပါးပါးလှီးလိုက်ပါတယ်။ အတုံးသေးသေးတုံးထားတဲ့ ကြက်သားကို ဆား၊ အချိုမှုန့်ထည့်ပီးနယ်လိုက်ပါတယ်။ ကြက်သားကို ဆီသတ်တော့ပါမယ်။ ဆီသတ်မယ့်အိုးထဲသို့ ဆီထည့်ပါ။ ဆီကျက်လာရင် တုံးထားတဲ့ ကြက်သားကိုထည့်ပါ။ ၁၀ မိနစ်လောက် ဆီနဲ့ကြော်သလို ၊ လုံးသလို လုပ်လိုက်ပါတယ်။ ပြီးရင် အရောင်တင် ငရုတ်သီးမှုန့်ကိုထည့်လိုက်ပါတယ်။ အခွံခွာထားတဲ့ ကြက်သွန်နီ အလုံးသေးသေးတွေကိုလဲထည့်ပြီး ဆီသတ်လိုက်ပါတယ်။ ပြီးရင် ဆူနေသော အိုးထဲသို့ ဆီသတ်ထားတဲ့ ကြက်သားကိုထည့်လိုက်ပါတယ်။ ရေစိမ်ထားတဲ့ ကြွက်နားရွက်မှို နဲ့ မှိုခြောက်ပန်းခြောက်၊ ပါးပါးလှီးထားတဲ့ ငါးဖယ်၊ ပဲပြားအထုံးလေးတွေကို ထည့်၊ ငံပြာရည်ထည့်ပြီး ဆူနေအောင် တည်ထားလိုက်ပါတော့တယ်ရှင်။ ကြာဆံဖတ်ကိုတော့ စားတော့မယ်ဆိုမှ အိုးအသေးထဲသို့ ထည့်ပြီး ရောလိုက်ပါတယ်။ ကြာဆံဟင်းခါး ရပါပြီရှင်။


ရှောက်သီးသုပ်အတွက် လိုအပ်သောအရာ
်

• ရှောက်သီး (ရှောက်သီးကို အခွံခွာ ပါးပါးလှီးပြီး ဆားရည်နဲ့ စိမ်လိုက်ပါတယ်။ ဒီနေ့တော့ သံပရိုသီးနဲ့သုပ်လိုက်ပါတယ်။)
• ငါးပိကင် (ခေါ်) ငါးပိဖုတ်
  
• ပုဇွန်ခြောက်ထောင်း
• ငရုတ်သီးစိမ်း (ပါးပါးလှီးထားပါ)
  
• ငရုတ်သီး အကျက်မှုန့်
• မြေပဲဆံထောင်း
• ကြက်သွန်နီ ပါးပါးလှီးထားပါ။
• ငံပြာရည်
• အချိုမှုန့်

ရှောက်သီးသုပ်နည်း

သုပ်မယ့် ပန်းကန်ထဲသို့ ပါးပါးလှီးထားတဲ့ရှောက်သီးရယ်၊ ပါးပါးလှီးထားတဲ့ ကြက်သွန်နီ၊ ပါးပါးလှီးထားတဲ့ ငရုတ်သီးစိမ်း၊ ငရုတ်သီး အကျက်မှုန့်၊ ငါးပိကင်၊ ပုဇွန်ခြောက်ထောင်း၊ မြေပဲဆံထောင်း၊ ငံပြာရည်၊ အချိုမှုန့်တို့ထည့်ပြီး ရောနယ်လိုက်ပါတယ်ရှင်။ ရှောက်သီးသုပ် စပ်စပ်လေး ရပြီးနော်။ အားမနာတမ်း သုံးဆောင်သွားပါအုံးလား။


အားလုံး ကျန်းမာ ချမ်းသာကြပါစေရှင်။