Thursday, July 30, 2009

မိုးကောင်းသူ နဲ့ Newyork Newyork - Giant Burger တွေ့သောအခါ

မိုးကောင်းသူရဲ့ အစ်ကိုတော်က အပြင်မှာတစ်ခုခုကျွေးမယ်ဆိုပြီး ပြောနေတာကြာနေပါပြီ။ ဒီလင်မယားကလဲ ရက်ချိန်းတွေအများသားမို့ အစ်ကိုတော်ကို အလှည့်မပေးနိုင်ဘူး။ ဟိုရက်ရွေ့ဒီရက်ရွေ့လုပ်နေလိုက်တယ်။ အစ်ကိုဆိုတော့ ဘယ်အချိန်ကျွေးခိုင်း ကျွေးခိုင်းရတယ်လေ နော်။ အမေ့ကိုတောင် သူကပြောနေသေးတယ်။ အမေ့သမီးက ဒီမှာမအားဘူးတဲ့။ သူ့ကျွေးဖို့ကိုတောင် မနည်းရက်ချိန်းယူရတယ်တဲ့လေ။ ဒါနဲ့ မဖြစ်ချေတော့ဘူး သွားစားမှဆိုပြီး အစ်ကိုတော်လဲ သောကြာနေ့ညနေ ရုံးကစောပြန်လို့ရတယ်ဆိုတာနဲ့ သွားစားလိုက်ပါတယ်။ ပြောတာ ပြောရတယ် ဘာစားရမလဲ မသိဘူး။ ရောက်မှ သွားကြည့်ကြတာပေါ့ဆိုပြီး စီးတီးဟောဘူတာ (City Hall MRT) မှာပဲ ချိန်းလိုက်တယ်။ ၃ ယောက်သားစုံသာနဲ့ City Link ဘက်ကိုသွားကြတယ်။ ဘာစားမလဲလို့ ဟိုကြည့် ဒီကြည့်လုပ်တော့တာပေါ့။


ပထမဆုံး Newyork Newyork ဆိုင်တော့တွေ့တယ်။ လူတန်းကြီး ရှည်တာနဲ့ ရှေ့ဆက်သွားလိုက်တယ်။ Xin Wang Hong Kong Cafe ဆိုင်တွေ့တယ်။ အဲဒီဆိုင်ရဲ့ Spaghetti တော့စားချင်သား။ ဟိုတစ်ခါ ကိုယ်တော်ကြီး စားတဲ့လိုမျိုးကို ပြန်စားချင်သား။ ဒါကလဲ လူတန်းကြီးရှည်လို့။ ရှေ့ဆက်တော့လဲ ဂျပန်ဆိုင်ရယ်၊ Thai Express ဆိုင်ရယ်ပဲရှိတော့တယ်။ ဂျပန်စာတော့ စားချင်ဘူးလို့။ အဲဒီထိုင်းဆိုင်ကြတော့လဲ အရမ်းကြီးမကောင်းဘူး။ အရသာက ပေါ့တော့တော့နဲ့လို့။ ဆက်သွားနေလဲ ဗိုက်ကမစောင့်နိုင်တော့ဘူး။ ဒါနဲ့ လာရာလမ်းကို ပြန်ကွေ့ပြီး Newyork Newyork ဆိုင်မှာပဲ တန်းစီလိုက်တယ်။ စောစောကတည်းက တစ်ခါတည်းစီလိုက်ရင်ပြီးပြီ လျှာရှည်တော့ ပြန်စောင့်ပေါ့။ တတ်နိုင်ဘူးလေနော်။ မိုးကောင်းသူတို့ ကံကောင်းချင်တော့လဲ ထိုင်ခုံက ၃ ယောက်စာလွတ်တာပဲ ရှိသေးတယ်တဲ့။ အရှေ့ကလူအုပ်က ၈ ယောက်အုပ်စု၊ ၁၀ ယောက်အုပ်စုမို့လို အရင်ဝင်လိုက်ရပါတော့တယ်။ အဲဆိုင်ရဲ့ Giant Burger ကို မြင်နေတာတော့ ကြာပေါ့။ ၂ ယောက်တည်းနဲ့စားမယ်ဆိုတော့လဲ မကုန်နိုင်တာနဲ့ မစားဖြစ်ဘူး။ အဲဒါကိုစားမယ်လို့။ ကိုယ်တော်ကြီးက ကုန်နိုင်လို့လားတဲ့။ ၄ ယောက်စာတဲ့။ အဲဒါပဲစားမှာလို့ ကုန်တယ်လို့။ ဒါနဲ့ Giant Burger ရယ်၊ တန်ပူရာ အကြော်ရယ် (နာမည်တောင်သေချာမသိတော့ဘူး)၊ coke ရယ်၊ ရေရယ်မှာပြီး စောင့်နေလိုက်ပါတော့တယ်။ ကျွန်မရဲ့ ဗိုက်တော့ အတော်လေးကိုဆာနေပါပြီ။


အရင်ဆုံး ရေပုလင်း လာချပေးတယ်။ ရေသောက်ပေါ့။ coke ကသံဗူး ရိုးရိုးပါ။ နောက် တန်ပူရာအကြော်လာချပေးတယ်။ ပုံစံလေး မိုက်လို့မှာလိုက်တာ။ ဘာကြော်ကြီးများလဲလို့ သခွားသီးကြော်နဲ့ မှိုကြော်ကြီး။ ကိုယ့်ဟာကိုယ်ရီချင်တာလေ။ ဟီးဟီး တတ်နိုင်ဘူး မှာပြီးပြီ စားရတော့မှာပေါ့။ အရသာတော့ ကောင်းပါတယ်။ နောက်ဆိုသိပြီ အဲလိုမျိုး အိမ်မှာကြော်ကျွေးမယ်လို့ ပြောလိုက်တယ်။ နောက်ဆုံး Giant Burger လာချပေးပါတယ်။ အလိုလေး အာလူးတွေကလဲ ၁ ကီလိုတစ်ထုပ်လုံးများ ထည့်ကြော်ပေးထားသလား မှတ်ရတယ်။ များလိုက်တယ်။ အားလူကြိုက်တဲ့ကျွန်မ အဲဒါကြီးကို ကုန်အောင်မစားနိုင်ခဲ့ဘူး။ burger တစ်စိတ်ကိုတောင်မှ အအေးနဲ့မျှောချ ရေနဲ့မျှောချပြီး နားလိုက်စားလိုက်လုပ်ပြီး မနည်းစားရတယ်။ အစ်ကိုတော်နဲ့ ကိုယ်တော်ကြီးတို့ကတော့ တစ်စိတ်ခွဲစီစားကြတာပေါ့။ အစားကြီးကြတယ်နော်။ စားပြီးသောက်ပြီးတော့ ပြန်လာကြပါတော့တယ်ကွယ်။





Giant Burger (သုံးဆောင်သွားပါအုံးလား) အလှူလက်ဖက်နဲ့မျက်နှာလုပ်လိုက်တယ်။ အစ်ကို ပိုက်ပိုက်လဲ ညီမပိုက်ပိုက်ပဲပေါ့။ :D



တစ်စိတ်တောင် မနည်းစားခဲ့ရတယ်ကွယ်။



တန်ပူရာအကြော် (စားလို့တော့ကောင်းပါတယ်)


ရေသန့် (ကိုရီးယားကထဲက အရက်ပုလင်းလေးတွေနဲ့တူတယ်နော်။ သူတို့ ၂ ယောက်တော့ အရက်မှတ်ပြီးသောက်ကြလားမသိ။ :D)

Tuesday, July 28, 2009

East Coast Park မှာ ၀ါးတီး

ပြီးခဲ့တဲ့ စနေနေ့ကပေါ့ east coast သွားကြတယ်။ ၀ါးတီးတွေလဲ ပိတ်ရက်တိုင်း ဆက်တိုက်ဖြစ်နေတော့ ပိတ်ရက်ဆို အားတယ်လို့ မရှိဘူး။ အစားအသောက် မီးလိုတောက်သော ကျွန်မနဲ့ အိုကေမှာ စိုပြေနေတာပဲ။ ကျွေးတဲ့သူရှိတော့လဲ ကျွန်မတို့က လိုက်စားပေးရတာပေါ့။ ဒါမှ အလှူ့ရှင်ကလဲ ၀မ်းသာမှာလေ။ နော်။ ဒီတစ်ပတ်က ဘောလုံး တစ်သင်းစာရှိတဲ့ အုပ်စုနဲ့ပေါ့။ အဲနေ့က လူအုပ်စုက ၂၂ ယောက်လား၊ ၂၃ ယောက်လားမသိဘူး လာကြပါတယ်။ များလွန်းလို့တောင် မမှတ်မိတော့ဘူး။ ရွက်ဖြင်တဲတောင် ၈ လုံးထိုးပါတယ်။ ဒါတောင် မအိပ်ဘဲ ပြန်တဲ့လူလဲ ပြန်ကြသေးတယ်။ ကျွေးတာတွေ အားလုံးတောင် ဓာတ်ပုံ မရိုက်ခဲ့မိဘူး။ ငါးသလဲထိုးကြော်ရယ်၊ ငါးကျည်းခြောက်ကြော်ရယ်၊ လက်ဖက်ရယ်၊ အားလူးကြော်ရယ်၊ ဘာညာ ဘာညာတွေ ပါသေးတယ်။ မီနီဖူဖေးမှာတဲ့ဟာကိုပဲ ဓာတ်ပုံရိုက်ခဲ့လိုက်တယ်။ ဒီနေ့လဲ အလှူလက်ဖက်နဲ့ မျက်နှာလုပ်လိုက်အုံးမယ်။ အားမနာတမ်း သုံးဆောင်သွားပါအုံးလား။


ကျွေးတဲ့ အလှူရှင်တွေကိုလဲ ဆုတောင်းပေးအုံးမှ။ စားတော့စားပြီးနော်။ ဒီထက်မက ကျွေးနိုင်ပါစေ။ ကျန်းမာ ချမ်းသာပါစေလို့ ဆုတောင်းပေးလိုက်ပါတယ်ရှင်။



အားမနာနဲ့နော်။ သုံးဆောင်သွားပါအုံး။


နောက်တစ်မျိုးရိုက်လိုက်တယ်။ ဟိုနောက်နားက နှစ်ဘူးက ကြက်သားနဲ့အာလူးချက်နော်။


အီကလဲ ။ တော်တော်လေးကောင်းတယ်။ အဲဒီဆိုင်ရဲ့ အထူးစပယ်ရှယ် ဆိုပဲ။



ပေါက်စီ (စားလို့ကောင်းပါတယ်။)



ကော်ပြန့်ကြော် ပူပူလေး

ထမင်းကြော် ပူပူလေး (တရုတ်လို ရောင်းစွန်းဆောင်ဖန့် ဆိုလား ဘာဆိုလား။ လျှာလဲ ခလုတ်တိုက်နေပြီ။ :D နာမည်ကို မှတ်တော့ မှတ်ခဲ့တာပဲ။ ဟုတ်မဟုတ် သိဘူးနော်)


ငါးကြော်


ကိုက်လန်ကြော် စိမ်းစိမ်းလေး။ ဘယ်လိုကြော်လဲ မသိဘူး။ စိမ်းနေတာပဲ။ စားကောင်းတယ်။



ကျွန်မရဲ့ ပန်းကန်


သစ်သီးစုံ အချိုရည် အေးအေးလေး (အချိုမကြိုက်တဲ့ ကျွန်မတောင် တစ်ခွက်သောက်ခဲ့သေးတယ်။ အချိုပေါ့လေး သောက်လို့ကောင်းတယ်)


ဆော့စ်

ဆော့စ်

ဒီပန်းကန်တွေနဲ့ ထည့်စားတယ်။


ကိုယ်တော်ကြီး နဲ့ ကျွန်မတို့ရဲ့တဲ (ဒီမှာတော့ တဲတစ်လုံးကြီးတောင် ပိုင်တယ်ကွယ်)

Friday, July 24, 2009

ဝက်သား ပုန်းရည်ကြီးချက်

အရင်တစ်ခေါက်က အမဲသား ပုန်းရည်ကြီးချက်ဆိုပြီး ဒီမှာ ပို့စ်တင်ဖူးပါတယ်။ ၀က်သား ၀ယ်ထားတာ မရှိလို့ ရှိတာနဲ့ချက်တင်လိုက်တယ်။ နည်းတစ်မျိုးရတာပေါ့။ နော့်။ ဒီနေ့တော့ ၀က်သား ပုန်းရည်ကြီးချက်လေး ချက်စားလိုက်ပါတယ်နော်။



ဝက်ပုန်းရည်ကြီးချက် သုံးဆောင်သွားပါအုံးလား။




ဆီတော့ နည်းနည်းများတယ်ကွယ်။



လိုအပ်သောအရာ

ဝက်သား မိမိကြိုက်နှစ်သက်သော အပိုင်း (သုံးထပ်သားဆိုပိုကောင်းတယ်။ ဒီနေ့တော့ သုံးထပ်သား ၀ယ်ထားတာ မရှိလို့ အသားကြီးပဲချက်လိုက်တယ်။)
ပုံရည်ကြီးထုပ် ၂ ထုပ်
ကြက်သွန်နီ ၃ လုံး၊ ကြက်သွန်ဖြူ ၅ တက် (အနှစ်များချင်ရင်တော့ ကြက်သွန်နီများများထည့်ပါနော်)

ချက်ပြုတ်ပုံ

ဝက်သားကို အနေတော် အတုံးတုံးထားပြီး ဆား၊ အချို့မှုန့် အနည်းငယ်ထည့်ပြီး နယ်ထားပါ။ ကြက်သွန်နီ၊ ကြက်သွန်ဖြူကိုထောင်းထားပါ။ ချက်မယ့်အိုးထဲသို့ ဆီထည့်ပါ။ ဆီကျက်လာရင် ထောင်းထားသော ကြက်သွန်နီ၊ ကြက်သွန်ဖြူကိုထည့်ပါ။ အရောင်နီအောင်ထိ ကြော်ပေးပါ။ အရောင်တင်မှုန့်၊ ဆနွင်းနည်းနည်းထည့်ပြီး ဆီသတ်ပါ။ ပြီး နယ်ထားသော ၀က်သားကိုထည့်ပါ။ ၁၀ မိနစ်လောက်လုံးထားပေးပါ။ ပြီး ရေနွေးထည့်ပြီး အသားနူးအောင်တည်ထားပါ။ ဆီပြန်လာခါနီး ပုံရည်ကြီးထုပ်ကိုထည့်ပါ။ ပုံးရည်ကြီးကို စီးစီးလေးစားချင်လို့ မီးဖြည်းဖြည်းနဲ့ ကြာကြာချက်ထားပါတယ်နော်။ (အခြောက်ထုပ်ဆိုရင် ရေနွေးနဲ့အရင်ဖျော်လိုက်ပါနော်) ဆီပြန်လာရင် ၀က်ပုံးရည်ကြီးချက်ရပါပြီ။ မြည်းကြည့်သွားပါအုံးနော်။

Wednesday, July 22, 2009

မန္တလေး မုန်လာချဉ်သုပ်

ခုရက်ပိုင်း အချဉ်တွေ အသုပ်တွေကြီးပဲ လုပ်စားနေလိုက်တယ်။ မမလုဆီကနေနည်းကြည့်ပြီး ၀က်သားချဉ် (၀က်ခေါက်ချဉ်) လဲ တည်ထားပါသေးတယ်နော်။ ရနေပြီ။ နောက်နေ့စားမယ်။ ဒီလို မုန်လာချဉ်သုပ်နည်းကို မန္တလေးရောက်မှ စားဖူးတာပါ။ ကျွန်မ ၃ တန်းနှစ်တုံးကလားမသိဘူး။ မန္တလေးကို အလည်လာရင်း တည်းတဲ့အိမ်က ၀ယ်ပြီးသုပ်ကျွေးလို့ ကြိုက်သွားတာ။ အိမ်မှာဆိုရင်တော့ ရိုးရိုးပဲသုပ်စားတတ်ပါတယ်။ မန္တလေးမှာဆိုရင် မောင်းထုပြီးရောင်းတဲ့ အချဉ်ပေါင်းတွန်းလှည်းနဲ့ အသည်တွေအများကြီးပဲ။ အဲဒီ တွန်းလှည်းသည်တွေမှာလဲ မုန်လာချဉ်သုပ်ပါရောင်းတယ်။ ဘယ်တွန်းလှည်းသည် နေနေ စားကောင်းတာကြီးပဲ။ နေ့လည် နေ့ခင်း ထမင်းအေးအေးနဲ့ မုန့်လာချဉ်သုပ်နဲ့ စားရတာလဲ ကောင်းမှကောင်းပဲ။ ပြီး ရေနွေးလေးပါ တည်ထားအုံး။ ရေနွေးကြမ်းလေးနဲ့ စားရင်လဲ ကောင်းတယ်နော့်။ ဒီလိုလေး လုပ်စားကြည့်ပါလား။



မုန်လာချဉ်သုပ်။ အားမနားတမ်း သုံးဆောင်သွားပါအုံးလား။ ပဲကျက်မှုန့် နဲ့ မြေပဲဆံထောင်း များများလေးထည့်သုပ်ထားပါတယ်။ ကိုယ်တော်ကြီးက ပဲကျက်မှုန့်ထွေးထွေးလေးနဲ့ ပိုကြိုက်လို့။



မန္တလေး မုန်လာချဉ်သုပ်နည်းအတိုင်း သုပ်ထားပါတယ်နော်။ (မြေပဲဆံထောင်း၊ ပဲကျက်မှုန့်၊ ပုဇွန်ခြောက်ထောင်း၊ ငံပြာရည်၊ အချိုမှုန့်၊ ငရုတ်သီးအကျတ်မှုန့်၊ ငရုတ်သီးစိမ်း၊ နံနံပင်တို့ထည့်ပြီး နယ်ထားပါတယ်နော်။)


၃ ရက်ကြာသောအခါ


ဗူးသန့်သန့်ထဲ လေလုံအောင်ပိတ်ထားလိုက်ပါတယ်နော်။



မုန်လာချဉ်တည်နည်း

မုန်လာဥကို အခွံနွှာပြီး အရှည်လိုက် လှီးလိုက်ပါတယ်နော်။ မုန်လာဥ အရိုးအရွက်တွေပါ ပါရင် ပိုကောင်းတယ်။ ဒီမှာ ကတော့ အရွက်ပါတာ သိပ်မတွေ့ဘူး။ ရှိတော့ ရှိတယ်။ ရှားတယ်။ ပြီးနယ်မယ့် ဇလုံထဲသို့ ထမင်း လက်တဆုပ်ထည့်၊ ဆားထည့်(ပုံမှန်ထက် ၂ ဆထည့်) ပြီးအရင်နယ်ပါ။ ဆားနည်းလွန်းရင်လဲ စားလို့မကောင်းဘူးနော့်။ မချဉ်ဘူး ဖြစ်တတ်တယ်။ ထမင်းနဲ့ ဆားနဲ့ ရောသွားအောင် နာနာနယ်ပေးပါ။ ပြီးရင် အရှည်လိုက်လှီးထားတဲ့ မုန်လာဥကို ထည့်ပြီးနယ်ပေးပါ။ နယ်ပြီးရင်တော့ ဗူးသန့်သန့်လေးထဲမှာထည့်ပါ။ အရည်နဲ့လိုချင်ရင်တော့ ရေအေးအေး (ရေခဲရေ ဆို ပိုကောင်းတယ်) ထည့်ပါ။ ရာသီဥတုပူရင်တော့ ၃ ရက်ဆိုရပါပြီ။ ရာသီဥတုအေးရင်တော့ ၄ ရက်၊ ၅ ရက်လောက်ထားပေးပါ။ အချဉ်ရရင်တော့ ပိုပြီးမချဉ်သွားစေရန် ရေခဲသေတ္တာထဲထည့်ထားပေးပါ။ စားချင်တဲ့အခါထုတ်ပြီး သုပ်စားနိုင်ပါပြီနော်။

Monday, July 20, 2009

ဆလပ်ရွက်သုပ်

ဆလပ်ရွက်ကို အတို့အနေနဲ့စားလို့ ရသလို သုပ်စားလဲ ရတယ်နော်။ ဆလပ်ရွက်သုပ်က သူငယ်ချင်းအိမ်သွားတုံးက သူငယ်ချင်းမိန်းမက သုပ်ကျွေးတာ။ သူ့အတိုင်းသုပ်ထားပါတယ်နော်။ အိမ်တစ်အိမ်လည်ရင် အနည်းဆုံးဟင်းတစ်မျိုးတော့ တိုးတယ်။ တစ်အိမ်နဲ့ တစ်အိမ်လဲ ဟင်းချက်နည်းတွေ မတူကြဘူးလေနော်။ ကြိုက်ပြီဆိုရင် ချက်နည်းလေးမေးခဲ့တယ်။ ဒီနေ့တော့ ဆလပ်ရွက်ကို သုပ်စားလိုက်ပါတယ်နော်။ အားမနာတမ်း သုံးဆောင်သွားပါအုံးလား။



ဆလပ်ရွက်သုပ် (ဆလပ်ရွက်အနေတော်ပါးပါးလှီး၊ နှမ်းထောင်း (သို့) မြေပဲဆံထောင်း၊ ကြက်သွန်နီ တစ်လုံးကို ပါးပါးလှီး၊ တစ်လုံးကို ဆီကျက် ၀ါဝါချက်၊ ပဲကျက်မှုန့်၊ ပုဇွန်ခြောက်ထောင်း၊ ဆား၊ အချိုမှုန့်၊ ငရုတ်သီးအကျက်မှုန့် ထည့်ပြီး နယ်လိုက်ပါတယ်နော်)



ပုဇွန်ငါးပိချက်

ပုဇွန်ငါးပိချက်၊ ဆလက်ရွက်သုပ် နဲ့ ဗူးသီးချဉ်ဟင်းရည်။ သုံးဆောင်သွားပါအုံးလား။



ပုဇွန် ငါးပိချက် အတွက် လိုအပ်သောအရာ

ပုဇွန်
ခရမ်းချဉ်သီး ၃ လုံး
ငရုတ်သီးစိမ်း ၅ တောင့်
ဗမာနံနံ
ငါးပိစိမ်း (သို့) ငါးပိကင်


ချက်ပုံ

ပုဇွန်ကို အခွံခွာရေဆေးပြီး ဆား၊ အချိုမှုန့်၊ ဆနွင်းမှုန့်နည်းနည်းနဲ့နယ်ထားပါ။ အခွံကလေးနဲ့ကြိုက်လဲ မခွံမခွာပဲချက်စားလို့ရပါတယ်နော်။ ခရမ်းချဉ်သီးကို ပါးပါးလှီးထားပါ။ ချက်မယ့်အိုးထဲသို့ ဆီထည့်ပါ။ ဆီကျက်လာရင် ခရမ်းချဉ်သီးကိုထည့်ပါ။ ငါးပိထည့်၊ ဆားထည့်၊ အချိုမှုန့်ထည့်၊ အရောင်တင်မှုန့်အနီထည့်ပါ။ ခရမ်းချဉ်သီးများ အိပြီး လိတ်သွားအောင်အထိချက်ပေးပါ။ ပြီးရင် နယ်ထားသော ပုဇွန်ထည့်ပါ။ ၁၀ မိနစ်လောက်နေရင် ပုဇွန်လဲရပါပြီနော်။ မီးဖိုပေါ်က ပုဇွန်အိုးချခါနီး ငရုတ်သီးစိမ်းပါးပါးလှီးထည့်၊ နံနံပင် ပါးပါးလှီးထည့်ပါ။ ဒီနေ့ ကျွန်မမှာ နံနံပင်မရှိလို့ မထည့်လိုက်ဘူးနော်။ ဒီ ပုဇွန်ငါးပိချက်နည်းကလဲ သူငယ်ချင်းမိန်းမရဲ့ ချက်နည်းပါပဲနော်။ ကြက်သွန်ဖြူ နီ မပါဘဲ ရိုးရိုးရှင်းရှင်းလေးနဲ့ စားကောင်းပါတယ်။ ဒီလိုလေးလဲ ချက်စားကြည့်ပါလား။

Friday, July 17, 2009

မိုးကောင်းသူ နဲ့ အမဲ အဆုတ် နပန်းလုံးရပုံ

ဟိုရက်က ဈေးသွားခဲ့တာ အမဲသားကို အသား၊ အရွတ်၊ အဆုတ်ဝယ်ခဲ့တယ်။ အဆုတ်ကို ပထမရက်က ချက်တာ မအောင်မြင်ပါ။ ထမင်းအိုးပိုင်ရှင် ကျွန်မ မိုးကောင်းသူ အမဲ အဆုတ်ချက် နဲ့တွေ့မှပဲ စာမေးပွဲကျတော့တယ်။ တတ်နိုင်ဘူး။ စိတ်ထဲ နံလို့ သွန်ပစ်လိုက်တယ်။ ခေါင်းတွေတောင်မှ ကိုက်သွားတယ်။ ဒုတိယတစ်ခါ ကြတော့ ကြော်လိုက်ပါတယ်။ အဆုတ်ကို တစ်ခါမှလဲ မစားဖူး၊ မကိုင်ဖူးတော့ ဘယ်လိုချက်စားရလဲ မသိဘူးလေ။ ပြီးတော့ ကိုယ်တော်ကြီးက အသဲဆိုလဲကြိုက်တယ်ဆိုတော့ အဆုတ်လဲ ကြိုက်ကောင်းရဲ့ဆိုပြီး လျှာရှည်ပြီးဝယ်လာခဲ့တာပါ။ သူက မကြိုက်ဘူးတဲ့။ တတ်နိုင်ဘူး ၀ယ်ခဲ့တာကိုတော့ ချက်စားကြည့်ရမှာပဲလို့။ ဒါနဲ့ အဆုတ်က ပျော့စိစိကြီးနော်။ ခုမှသိတယ်။



အမဲသားတွေကို ကျွမ်းကျင်စွာချက်တဲ့သူ(ကျွန်မထက် ဟင်းချက်ကောင်းသူ) ကျွန်မရဲ့သူငယ်ချင်း မိန်းမဆီ ဖုန်းဆက်မေးရတယ်။ အဆုတ်ကို ဘယ်လိုလုပ်ရမလဲပေါ့။ ကြော်တာ အကောင်းဆုံးဆိုလို့ ကြော်လိုက်ပါတော့တယ်။ မိုးကောင်းသူတို့ နောက်ကွယ်မှာဖြစ်ပျက်နေပုံများနော်။ အဲလို အဲလို .............. ပြောချင်ပါဘူး။ နောက်ခါများတော့ အမဲအဆုတ်မ၀ယ်တော့ပါ။ ကြောက်ပါပြီကွယ်။ ကဲ ခုလဲ အားမနာတမ်း သုံးဆောင်သွားပါအုံးနော်။



ဒုတိယရက် ကြော်စားတာပါ။


ကြက်ဥကြော်၊ ပုဇွန်သုပ်၊ အမဲအဆုတ်ကြော် (မလေးရှားက ကိုယ်တော်ကြီးတို့ သူငယ်ချင်း တစ်ယောက်လဲ ရောက်နေလို့ ညလည်စာကို လုပ်ပေးလိုက်ပါတယ်။ အဆုတ်ကို ကုန်အောင်ကြော်လိုက်ပါတယ်။ မိုးကောင်းသူရဲ့ စေတနာတွေ စေတနာတွေ) ဟီးဟီးးးးးးး



ပုဇွန်သုပ်။ မင်းသားသုပ်နည်း အတိုင်း သုပ်ထားပါတယ်။ လှပအောင်လို့ ဘေးနားကို ဆလပ်ရွတ်တွေထည့်လိုက်တယ်။ ဟီးဟီး (ပဲကြာဇံပြုတ်၊ ပုဇွန်ပြုတ်၊ ကြက်သွန်နီပါးပါး၊ ခရမ်းချဉ်သီးပါးပါး၊ ငရုတ်သီးဆော့၊ သံပရာသီး၊ ငံပြာရည်၊ အချိုမှုန့်၊ ငရုတ်သီးစိမ်း၊ နံနံပင် တို့နဲ့ရောပြီးသုပ်ထားပါတယ်နော်။)




ကြက်ဥနဲ့ ၀က်အူချောင်း ကြော်ထားပါတယ်။



အဆုတ်ကြော်

---------------------------

ပထမရက်ကြော်စားတာပါ။



သုံးဆောင်သွားပါအုံးလား။
(မှတ်ချက် ။ ။ ဒီနေ့ သူမှ ထမင်းပိုမထည့်ပါ။ နောက်ခါ အမဲ အဆုတ်ပဲ ချက်ကျွေးမည်။ အကုန်အကျသက်သာသည်။ :D)



ဥနီသုပ် (ဥနီကိုခြစ်လိုက်တယ်။ ကြက်သွန်နီ ၁ လုံး ပါးပါးလှီးလိုက်တယ်။ ၁ လုံးကိုကြော်လိုက်တယ်။ နှမ်းထောင်းလိုက်တယ်။ ပြီး ဆား၊ အချိုမှုန့်၊ ငရုတ်သီးအကျက်မှုန့်၊ သံပရာသီးနဲ့ ထည့်သုပ်လိုက်ပါတယ်နော်။)



အမဲအဆုတ်ကြော် ။ (ဆား၊ အချိုမှုန့်၊ ဆနွင်းမှုန့်၊ ဂျင်းထောင်းရည် နဲ့ ကျွတ်ကျွတ်လေး ကြော်ထားပါတယ်)

Thursday, July 16, 2009

အမဲအရွတ် စပ်စပ်ချက်

ဒီနေ့တော့ တမျိုးတဖုံဖြစ်အောင်ချက်လိုက်ပါတယ်နော်။ အမဲသားကို အသားကြီးပဲစားရတာလဲ ပျင်းလာပြီတဲ့။ သူတုံးရှိမတုံးနော်။ အမဲအရွတ်ကို စပ်စပ်ချက်လေးစားချင်တယ်တဲ့။ ပိုတောင် ဈေးသက်သာသေးတယ်လို့။ နေ့တိုင်းချက်ကျွေးမယ်လို့။ ဟီးဟီး။ ဒါနဲ့ ဈေးသွားပြီး အမဲသားကို မျိုးစုံဝယ်ခဲ့တယ်။ အမဲကို အသားကြီးပဲ တတ်တတ်ရယ်၊ အရွတ်ရယ်၊ အဆုတ်ရယ် (တစ်ခါမှ မစားဖူး၊ မချက်ဖူးပါ။ နောက်နေ့လိုက်တင်မယ်နော်)။ ဒါတောင် အသဲ မတွေ့ခဲ့လို့ မ၀ယ်ခဲ့ရဘူး။ ပိုဆိုးကြမ်းလို့ခေါ်လားမသိ အဲဒါတော့ တွေ့ခဲ့တယ်။ မလုပ်တတ်တော့ မ၀ယ်ခဲ့ဘူး။ ဒီနေ့တော့ အမဲအရွတ် စပ်စပ်ချက်လေးနဲ့ သုံးဆောင်သွားပါအုံးနော်။


အမဲအရွတ် စပ်စပ်ချက်လေး သုံးဆောင်သွားပါအုံးလား။



ပုံစံတမျိုး ရိုက်ထားတယ်။ စားချင်အောင်လို့။ :D



အမဲအရွတ် စပ်စပ်ချက်နဲ့ တွဲစားတဲ့ ဟင်းတွေကတော့ ပဲဝါလေး ဟင်းရည် (ကြာဇံလေးပါခတ်လိုက်တယ်)၊ ပဲတီချဉ် နဲ့ ဆလတ်ရွက် အတို့ ပါပဲ။

လိုအပ်သောအရာ

အမဲအရွတ်
ခရမ်းချဉ်သီး ၂ လုံး
ကြက်သွန်နီ ၂ လုံး
ကြက်သွန်ဖြူ ၅ တက်
ငရုတ်သီးစိမ်း
ငါးပိစိမ်း
နံနံပင်


ချက်နည်း

အမဲအရွတ်ကို ရေသေချာဆေးပါ။ ကျွန်မတော့ ထုံးစံအတိုင်း မန်ကျည်းမှည့်နဲပါ ဆေးလိုက်ပါတယ်။ အမဲအရွတ်ကို ဆား၊ အချိုမှုန့်၊ ဆနွင်းမှုန့်နဲ့ နယ်လိုက်ပါတယ်။ ကြက်သွန်ဖြူ နီကို ထောင်းထားပါ။ မဟုတ်လဲ တောက်တောက်စင်းထားပါ။ ခရမ်းချဉ်သီး ရေဆေးပြီး ပါးပါးလှီးထားပါ။ ချက်မယ့်အိုးထဲသို့ဆီထည့်ပါ။ ဆီကျက်လာရင် ထောင်းထားတဲ့ ကြက်သွန်ဖြူ နီထည့်ပြီး အရင် အိလာအောင်ကြော်လိုက်ပါ။ ပြီးရင် အရောင်တင်မှုန့် နဲ့ ဆနွင်းမှုန့် နည်းနည်းစီထည့်ပါ။ ပြီးရင် ပါးပါးလှီးထားသော ခရမ်းချဉ်သီးကိုထည့်ပါ။ ပြီးရင် ငါးပိစိမ်း၊ ဆား၊ အချိုမှုန့် နည်းနည်းထည့်ပါ။ ပြီးရင် အမဲအရွတ်ကိုထည့်ပါ။ ၅ မိနစ်လောက် လုံးပေးပါ။ ပြီးရင် ရေနွေးနည်းနည်းထည့် ပြီးနူးနေအောင်တည်ထားပါလေ။ ဆီပြန်လာခါနီး ငရုတ်သီးစိမ်းများထည့်၊ နံနံပင်ထည့်ပါ။ အနံ့များ မွှေးကြိုင်လာလိမ့်မယ်။ ပြီးရင် ဆားအပေါ့ အငန်လေး မြည်းကြည့်လိုက်ပါနော်။ တစ်ခါတစ်လေ အမဲအရွတ်ကလေးချက်စားကြည့်ပါလား။ စားကောင်းတယ်နော်။ ကျွန်မတောင် ကြိုက်သွားပြီ။ နောက်ခါလဲ အဲလို ချက်ချက်ကျွေးအုံးမယ်။ ဟင်းတစ်မျိုးတိုးပြီ။

Tuesday, July 14, 2009

ငယ်ဘ၀ကို သတိရစေတဲ့ဟင်း တဂ်ပို့စ် - ၂ (မျှစ်ချဉ်လှော်၊ ပဒဲကော ငရုတ်သီးကြော် နဲ့ မယ်ဇလီရွက် ဆန်လှော်ဟင်းရည်)

ငယ်ဘ၀ကို သတိရစေတဲ့ဟင်း တဂ်ပို့စ် - ၂ ဆက်ရေးလိုက်ပါအုံးမယ်နော်။ မိုးကောင်းမြို့မှာ သီတင်းကျွတ်ရင် ဘုန်းကြီး ကန်တော့ပွဲဆိုပြီး ရှိတယ်။ မိုးကောင်းတစ်မြို့လုံးမှာ ဘုန်းကြီးကျောင်း ၁၃ ကျောင်းလား ၁၄ ကျောင်းလား မသိဘူးရှိတယ်။ မမှတ်မိတော့ဘူး။ ဘုန်းကြီးကတော့ပွဲ ဆိုပြီး မြို့တွင်းတစ်ရက်၊ မြို့ပြင်တစ်ရက်ဆိုပြီး ဘုန်းကြီးကန်တော့ပွဲရှိတယ်။ ကျွန်မတော့ မြို့တွင်း ဘုန်းကြီးကန်တော့ပွဲရက်ပဲ သွားဖူးပါတယ်။ မြို့ပြင်ကန်တော့ပွဲကိုတော့ အိမ်ကဝေးလို့ မလွတ်ဘူး။ အဲတုံးက ကျွန်မ သုံးတန်းလား ၊ လေးတန်းလားမသိဘူး ၉ နှစ်၊ ၁၀ နှစ်အရွယ်ပဲ ရှိသေးတယ်။ တစ်ချို့လဲ လမ်းလျှောက်သွားတယ်။ တစ်ချို့လဲ စက်ဘီးစီးပြီးသွားကြတယ်။ မြို့တွင်း ဘုန်းကြီးကတော့ပွဲတော့ လမ်းလျှောက်ပြီးသွားကြတယ်။ ရပ်ကွက်အလိုက် သွားကြတာ တစ်ကျောင်းဝင် တစ်ကျောင်းထွက်နဲ့ ဘုရားကန်တော့ ကြတယ်။ မုန့်တွေကျွေးတော့ ပိုပျော်စရာကောင်းတယ်။ တကယ်ပါ ကလေးဘ၀ကမို့လို့ပဲလားမသိဘူး ဘုန်းကြီးကန်တော့ ဖို့ထက် မုန့်စားရမယ်ဆိုတော့ ပျော်စရာကြီး။ ပြီးတော့ အင်္ကျီအသစ်လဲဝယ်ပေးတယ်။ မဟုတ်လဲ အသစ်ချုပ်ပေးတယ်။ ပြီးတော့ ဆံပင်ကို တစ်ခေါင်းလုံးကောက် ဒါမှမဟုတ်ရှေ့ပဲကောက်ပေးသေးတယ်။



(အကျည်းတန်မှန်ကြိုက်ဆိုပြီးရှိတော့ ကျွန်မလဲ ရုပ်ဆိုးလို့လားမသိဘူး လှချင်တာပေါ့လေ။ မြင်ယောင်ကြည့်ပါ။ တစ်ခေါင်းလုံးကို ဆံပင်ကောက်ထားတာ စာကလေး ငှက်သိုက်ထက်ဆိုးမယ်ထင်တယ်။ အဲဒီအချိန်တုံးကတော့ မိုးကောင်းမှာ ဆံပင်ကောက်တာ ခေတ်စားတယ်။ ရှင်ပြု အလှူရှိတယ်လို့ ကြားလိုက်တာနဲ့ ဆံပင်သွားကောက်ပြီးသားပဲ။ ကျွန်မက အလှပဂေးဆိုတော့ ကွန်းတောင်ကိုင် ပန်းတောင်ကန်ခေါ်တယ်လေ။ တစ်အိမ်တစ်ယောက်နှုန်းလိုက်ရတော့ ကျွန်မပါရတော့တာပေါ့။ အဲတုံးက ရိုက်ထားတဲ့ ဓာတ်ပုံတွေကြည့်ရင် ရီချင်တယ်ဆို။ အဲ .......... သတိရစေတဲ့ဟင်းကနေ ကျွန်မရဲ့ အလှအပ အကြောင်းရောက်သွားပြီ။ ဟီးဟီး။ စားတဲ့အကြောင်း ပြန်ဆက်မယ်နော်။) ဒီအချိန်က ဘယ်ရပ်ကွက်က ကန်တော့တဲ့အချိန်၊ ဘယ်အချိန်က ဘယ်ရပ်ကွက်က ကန်တော့တဲ့အချိန်ဆိုပြီးခွဲထားတယ်။ အဲ ........ ဘုန်းကြီးကျောင်းတိုင်း ကျောင်းတိုင်း လာပြီးကန်တော့ကြတဲ့သူတွေကို ထမင်း (သို့) မုန့်ပဲသားရေစာတွေကျွေးတတ်တယ်။ လက်ဖက်အသားကြီးပဲသုပ်၊ မယ်ဇလီဖူးသုပ်၊ ဇီးဖြူးသီးထောင်း စတာတွေလဲ ကျွေးတတ်တယ်။ ဇီးဖြူသီးထောင်းများပေးခဲ့ရင်တော့ လမ်းသွားရင်စားလိုက် ရေသောက်လိုက်နဲ့ အဆင်ကိုပြေလို့။ ကျောင်းတိုင်းက ကျွေးတာကို စားတယ်နော်။ မစားနိုင်လဲ လမ်းသွားရင်းစားဖို့ ဖက်နဲ့ထုပ်ပြီးပေးတယ်၊ မဟုတ်လဲ လက်ထဲထည့်ပေးခဲ့သေးတယ်။ အခုအချိန်ပြန်ပြီး သွားစားချင်ပါသေးတယ်။ အခုက အရမ်းကြီး မစည်ကားတော့ဘူးလို့တော့ ပြောတယ်။



အဲဒီကျွေးတဲ့ ဘုန်းကြီးကျောင်းတွေထဲကမှ ဘုန်သာ ဘုန်းကြီးကျောင်းကတော့ အမြဲတမ်းလို ထမင်းကျွေးတယ်။ ဟင်းကတော့ မျှစ်ချဉ်လှော်ရယ်၊ ပဒဲကော ငရုတ်သီးစပ်စပ်ကြော်ရယ်၊ မယ်ဇလီ ဆန်လှော်ဟင်းရည်ရယ်ဆိုပြီး နှစ်တိုင်း နှစ်တိုင်း ဒီဟင်းကျွေးတာများပါတယ်။ ခုတော့ ကျွေးသေးလား မသိတော့ဘူး။ ထမင်းချက်ထားတာဆိုရင်လေ အများကြီးပဲ။ ထမင်းနဲထိုးတဲ့ မိုးပြဲဒယ်အကြီးစားနဲ့ ထမင်းချက်တယ်။ ချက်ပြီး ထမင်းတွေကို ဖျာခင်းပြီးပုံထားတယ်။ တောင်ပုံရာပုံပဲနော်။ ဟင်းကိုကြည့်လိုက်ပါအုံး အချဉ်ရယ် အစပ်ရယ် အခါးရယ်ဆိုပြီး စားရတာ ကောင်းမှကောင်းပဲ။ စားပွဲဝိုင်းတွေနဲ့ သူအဖွဲ့ ငါ့အဖွဲ့ စားကြတယ်။ ဟင်းတွေကုန်လဲ ပြန်ပြီးသွားတောင်းလို့ ရတယ်။ မ၀ မချင်းတောင်းနေကြတာပေါ့။ ကျွန်မ ညီမ၀မ်းခွဲတစ်ယောက်ရှိတယ်။ ကိုယ့်ထက်ငယ်တယ်ဆိုတော့ ကလေးပီပီ နင်သွားတောင်းဆိုပြီးလွတ်လိုက်တယ်။ ပထမ တစ်ခေါက်၊ နှစ်ခေါက်တော့ သွားတောင်းပါတယ်။ နောက်တော့ မျှစ်ချဉ်လှော်ယူလဲ ဒီမျက်နှာ၊ ပဒဲကောကြော် ယူလဲ ဒီမျက်နှာ၊ ဆန်လှော်ဟင်းယူလဲ ဒီမျက်နှာ ဆိုပြီးသွားမယူတော့ဘူး။ အခုချိန်ထိ စကားကြုံကြိုက်ရင် သူ့ကို စကြတုံးပဲ။ "တစ်ခါလာလဲ ဒီမျက်နှာ တစ်ခါလာလဲ ဒီမျက်နှာ" လို့ဆိုပြီးပေါ့။



မျှစ်ချဉ်လှော်နည်းလဲ ပြောအုံးမှ။ ကိုယ့်ငါးချဉ် ကိုယ်ချဉ်လိုက်ပါအုံးမယ်နော်။ မျှစ်ချဉ်ဆိုရင် ခုချိန်ထိ ကချင်ပြည်နယ်က မျှစ်ချဉ်အကြိုက်ဆုံးပဲ။ မျှစ်ချဉ်မှာ ပုံစံ ၂ မျိုးရှိတယ်။ အဖူးလိုက်ရယ်၊ သေးသေးနုတ်နုတ်လေးတွေစင်းထားတဲ့မျှစ်ချဉ်ရယ် ဆိုပြီးပေါ့။ ၀က်သားနဲ့ချက်စားမယ်ဆိုရင် အဖူးကိုစားတာများပါတယ်။ ကြော်စားလှော်စားမယ်ဆိုရင် သေးသေးနုတ်နုတ်မျှစ်ချဉ်ကိုစားပါတယ်။ အခုက မျှစ်ချဉ်လှော်ဆိုတော့ အသေးစားကိုစားတာပေါ့နော်။ မျှစ်ချဉ်လှော်မယ်ဆိုရင် အရင်ဆုံးမျှစ်ချဉ်ကို နူးနေအောင်ပြုတ်ထားပါတယ်။ မျှစ်ချဉ်လှော်အတွက်လိုအပ်တာတွေကတော့ မျှစ်ချဉ်ရယ်၊ ကန်စွန်းရွက်ရယ်၊ ခစော့သီးသေးသေးရယ်၊ ငရုတ်သီးစိမ်းရယ်၊ ပင်စိမ်းရွက်ရယ်၊ ပုဇွန်ခြောက်ထောင်းရယ်၊ ငါးပိကင်ရယ်၊ ကြက်သွန် ဖြူ နီထောင်းရယ်၊ ဟင်းပြင်းရွက်ရယ် (ဟင်းပြင်းရွက်ကို ကချင်ပြည်နယ် နဲ့ ရှမ်းပြည်တော့ ရှိတာသိပါတယ်။ ကျန်တဲ့နေရာမှာတော့ ရှိမရှိ ကျွန်မ သေသေချာချာမသိဘူးနော်။ အခေါ်အဝေါ်ကွဲချင်လဲ ကွဲမှာပေါ့လေ။)



မျှစ်ချဉ်လှော်တော့မယ်နော်။ မျှစ်ချဉ်လှော်မယ့်အိုးတည်ပြီ။ ဆီနည်းနည်းထည့်ပါ။ ဆီကျက်လာရင် ကြက်သွန်းဖြူ နီထောင်းထည့်ပြီး နည်းနည်းအိအောင်ကြော်လိုက်ပါ။ ပြီးရင် ပြုတ်ထားတဲ့မျှစ်ချဉ်ကို ထည့်ပြီး ရောမွှေလိုက်ပါ။ ပြီးရင် ခစော့သီးကိုထည့်ပါ။ အလုံးလိုက်ထည့် ဒါမှမဟုတ် နှစ်ခြမ်း ခြမ်းပြီးထည့်လဲရပါတယ်။ ၃ မိနစ်လောက်ကြာအောင်ထားလိုက်တယ်။ ပြီးရင် ငါးပိကင်ထည့်၊ ပုဇွန်ခြောက်ထောင်းထည့်၊ ဆားထည့်၊ အချိုမှုန့်ထည့် ပါ။ မွှေပေးပါ။ ပြီးရင် ကန်စွန်းရွက်ထည့်၊ ဟင်းပြင်းရွက်ထည့်၊ ငရုတ်သီးစိမ်းကို အရှည်လိုက် နှစ်ခြမ်းလောက်ခြမ်းပြီးထည့်ပါ။ မျှစ်ချဉ် နဲ့ အရွက်တွေနဲ့ အိသွားရင်တော့ မီးဖိုပေါ်က မျှစ်ချဉ်လှော်အိုး ချခါနီး ပင်စိမ်းအုပ်ပြီး မျှစ်ချဉ်လှော်စားနိုင်ပါပြီရှင်။


ပဒဲကော ငရုတ်သီးကြော်နည်းကတော့ ပုဇွန်ခြောက်ကြော်နည်းအတိုင်းပါပဲနော်။ ပဒဲကောမှုန့် လေးပါထည့်ကြော်လိုက်တာပါ။ ပဒဲကောထည့်ထားတော့ အနံ့လဲ ပိုမွှေးတယ်။


မယ်ဇလီ ဆန်လှော်ဟင်းရည်နည်းကတော့ သိကြမယ်ထင်ပါတယ်နော်။ ချက်နည်း ရေးတော့ဘူးနော်။



အခုအချိန်မိုးလေးကလဲ အေးအေးနဲ့ ဒီဟင်းသုံးမျိုးနဲ့ လွေးလိုက်ရရင်ဖြင့် ......................


နောက်ထပ် ရေးရအုံးမလား။ သတိရစေတဲ့ဟင်းတွေ ရှိသေးတယ်နော်။ :D

Monday, July 13, 2009

ငယ်ဘ၀ကို သတိရစေတဲ့ဟင်း တဂ်ပို့စ် - ၁ (မှိုကပ်ပေါင်း)

ညီမလေး မေကဆုန် ငယ်ဘ၀ကို သတိရစေတဲ့ဟင်းဆိုပြီး တဂ်ထားတာတော့ တစ်ပတ်ကြော်ရှိတော့မယ်။ ငယ်ဘ၀ကို သတိရစေတဲ့ဟင်းတွေကလဲ အများသားမို့ ဘယ်ဟင်းကို ဦးစားပေးရမလဲမသိဘူးဖြစ်နေတယ်။ ပြီးတော့ အိမ်ကို ဓာတ်ပုံလေးလှမ်းပို့ခိုင်းနေတာနဲ့ နည်းနည်းကြာသွားတယ်။ မစောင့်တော့ပါဘူး။ ဒါနဲ့ကြာတော့မယ်။ ဓာတ်ပုံရောက်လာမှ ပြန်တင်လိုက်မယ်။ ကချင်ပြည်နယ်သူဆိုတော့လဲ ကချင်ပြည်နယ်က အစားအစာတွေကို အရင်စပြောရတော့မယ်နော်။ အသက်အရွယ်ပဲ ကြီးလာလို့လားတော့မသိဘူး။ အသားဟင်းတွေထက် အသီးအရွက်ဟင်းတွေကို ပိုပြီးသတိရတယ်။ အိမ်မှာဆိုရင် ဟင်းတွေက ချက်ဟင်းထက် ပေါင်းတာ၊ ကင်တာ၊ အုံးတာ (မီးသွေးမီးလေးနဲ့ အုံးတာပါ)၊ ကြော်တာ၊ လှော်တာ၊ ထောင်းတာ၊ သုပ်တာ တွေ ပိုလုပ်စားတတ်ပါတယ်။


ပေါင်းတာက စပြောမယ်နော်။
မှိုကပ်ပေါင်း
မုန့်ညှင်းပေါင်း (မုန့်ညှင်းပေါင်းကိုတော့ ဒီမှာ ရေးဖူးပါတယ်နော်။)

ပိန်းပေါင်း (ပိန်းပေါင်းတော့ ကျွန်မ မလုပ်တတ်ဘူး။ ပိန်းဥ နဲ့ ပိန်းရွက်က ကျွန်မလက်နဲ့လဲ မတည့်ဘူး။ လက်ယားတတ်လို့ပါ။ လက်အိတ်စွတ်လဲ ယားတယ်။ စားတာက စားလို့ရတယ်။ လျှာကတော့ မယားတတ်ဘူး။ :D)
ဟင်းစုံပေါင်း


မှိုကပ်ပေါင်း အရင်စားချင်တယ်ကွယ်။ ကချင်ပြည်နယ်သူ ကချင်ပြည်နယ်သားတွေတော့ မှိုကပ်ပေါင်း၊ မှိုကပ်ထောင်းဆိုရင် သိကြပါတယ်။ မှိုဆိုလို့ အကြီးစားကြီးမဟုတ်ဘူးနော်။ တကယ့် သေးသေးလေးပါ။ ဘယ်လောက်သေးသလဲလို့ပြောရရင်တော့ လက်သန်းရဲ့လက်သည်းခွံလောက်ပဲရှိမယ်ထင်တယ်။ ဒီထက်သေးချင်သေးအုံးမယ်နော်။ အဲမှိုက သစ်တုံးတွေမှာ ကပ်ပြီးပေါက်တတ်တယ်။ ဈေးမှာရောင်းရင်တော့ နို့ဆီဗူးနဲ့ချိန်ပြီးရောင်းကြတယ်။ မှိုကပ်ပေါင်းက စားရတာ ကောင်းသလောက် လုပ်ရတာ လက်ပေါက်တော်တော်ကတ်တယ်ပြောရမယ်။ မှိုကို အရင်ဆုံး ၁ နာရီလောက် ရေစိမ်ထားပြီး စိတ်ရှည်လက်ရှည်နဲ့ မှိုကို ရေသေသေချာချာဆေးရတယ်။ လက်သန်းရဲ့လက်သည်းခွံလောက်သာရှိပေမယ့် သစ်တုံးမှာကပ်ပြီးပေါက်တတ်တာမို့ သဲတွေအရမ်းများပါတယ်။ အနည်းဆုံး ရေဆေးရတာ ၁၅ ခါကနေ အခါ ၂၀ ကြားတော့ အသာလေးရှိလိမ့်မယ်ထင်တယ်။ တကယ်လို့သဲမပြောင်ဘူးဆိုရင် စားရတဲ့အခါမှာ အရသာပျက်တယ်။ ပါးစပ်ထဲ သဲကျလိ ကျလိနဲ့။ အဲ........... မှိုကို ရေသေချာဆေးပြီးပြီဆိုရင် ငရုတ်ဆုံမှာထောင်းရပြန်တယ်။


ပြီးရင် မှိုကပ်ပေါင်းထဲ ထည့်မယ့်အဆာပလာတွေလုပ်ကြပြန်တယ်။ ထည့်ရတဲ့ အဆာပလာတွေက ငှက်ပျောဖူးရယ်၊ ကန်စွန်းရွက်ရယ်၊ ဖရုံညွန့်ရယ်၊ ကြက်သွန်နီ၊ ကြက်သွန်ဖြူ၊ ခရမ်းချဉ်သီး၊ ငရုတ်သီးစိမ်း၊ ရှမ်းနံနံ၊ ပုဇွန်ခြောက်ထောင်း၊ ငါးပိကင်၊ ဆား၊ အချိုမှုန့်၊ ဆီ၊ ဆန်ကြမ်းမှုန့် တို့ပဲဖြစ်ပါတယ်။ ငှက်ပျောဖက်လေးကိုလဲ မီးကင်ထားလိုက်ပါအုံးနော်။ အဆာပလာတွေနယ်ပြီးရင် ငှက်ပျောဖက်နဲ့ ထုပ်မှာမို့လို့ပါ။ ငှက်ပျောဖက်အစိမ်းဆိုရင် ကျွတ်လို့ ထုပ်လို့သိပ်မကောင်းဘူးနော်။

ငှက်ပျောဖူးကို ရင့်တဲ့အဖတ်တွေအရင်ခွာလိုက်ရပါတယ်။ ပြီးရင် နှစ်ခြမ်းခြမ်းပြီး ဓားနဲ့ပါးပါးလှီး ရေဇလုံထဲ ထည့်ထားပါတယ်။ ဆားနည်းပါ ထည့်ထားရင်တော့ ပိုကောင်းတယ်နော်။ ငှက်ပျောဖူးအရမ်းကြီးမည်းမသွားအောင်လို့ပါ။ ပြီးရင် ရေ ၂ ခါ၊ ၃ ခါ ပြန်ဆေးလိုက်ပါအုံး။ အဖန်ရည်တွေထွက်သွားအောင်ပါ။ ကန်စွန်းရွက်လဲ ရေဆေး ပါးပါးလှီး၊ ဖရုံညွန့်လဲ ရေဆေး ပါးပါးလှီး၊ ကြက်သွန်ဖြူ နီကိုထောင်း၊ ခရမ်းချဉ်သီးကိုလဲ နုတ်နုတ်ဆင်း၊ ငရုတ်သီး နဲ့ ရှမ်းနံနံကိုလဲ ပါးပါးလှီးထားလိုက်တယ်။ ကဲ.......... အဆာပလာတွေကတော့ပြင်ထားပြီးပြီးကွယ်။


ရောပြီးနယ်ဖို့ပြောတော့မယ်နော်။ ဇလုံကြီးကြီးနဲ့နယ်မယ်ကွယ်။ ဇလုံထဲသို့ ထောင်းထားတဲ့ မှိုကပ်ထည့်၊ အဖန်ရည်ထွက်အောင်ဆေးထားတဲ့ ငှက်ပျောဖူးထည့်၊ ကန်စွန်းထည့်၊ ဖရုံညွန့်ထည့်၊ ကြက်သွန်ဖြူ နီထောင်းထည့်၊ နုတ်နုတ်ဆင်းထားတဲ့ ခရမ်းချဉ်သီးထည့်၊ ပါးပါးလှီးထားတဲ့ ငရုတ်သီးစိမ်းနဲ့ ရှမ်းနံနံထည့်၊ ပုဇွန်ခြောက်ထောင်းထည့်၊ ဆားထည့်၊ အချိုမှုန့်ထည့်၊ ဆန်းကြမ်းမှုန့်ထည့်၊ ဆီနည်းနည်းလေးထည့်ပြီး သမသွားအောင် နာနာနယ်ပေးပါ။ (ဆီထည့်ရတာကတော့ အသီးအရွက်တွေ နည်းနည်းအိသွားအောင်ပါ။ ဆီမထည့်ပြန်လဲ ခြောက်ကပ်ကပ်ကြီးဖြစ်တယ်) နယ်ပြီး အပေါ့အငန် ဆားပြားလေး လက်ညိုးနဲ့ တို့ပြီး မြည်းချင်မြည်းလိုက်ပါအုံး။ အပေါ့ အငန် အစပ် အနေတော်ပဲဆိုရင်တော့ မီးကင်ထားတဲ့ ငှက်ပျောဖက်ထဲသို့ နယ်ထားတဲ့ မှိုကပ်ကိုအနေတော် ထည့်ပြီးထုပ်ပါ။ တစ်ခါစားလောက်ပေါ့။ ပြီးရင် ပေါင်းချောင်ထဲသို့ စီစီရီရီထည့်ပါ။ ပြီးရင် ဒယ်ပိုင်းထဲသို့ ရေထည့်ပါ။ ပေါင်းချောင်ကို အပေါ်ကနေတင်လိုက်ပါ။ ၁ နာရီလောက်ဆူနေအောင်တည်ထားပေးပါ။ ကျွန်မတို့တော့ အနံရလာတာနဲ့ တစ်ထုပ်လောက်အရင်ဆုံး မြည်းကြည့်လိုက်တာပဲ။ ၁နာရီလောက်ဆိုရင်တော့ အနံတွေလဲ မွှေးကြိုင်လာပါပြီ။ စားလို့လဲရပါပြီ။ မှိုကပ်ပေါင်းကို ထမင်းနဲ့တွဲစားရတာထက် ရေနွေးကြမ်းလေးနဲ့ ဒီအတိုင်းစားရတာကို အကြိုက်ဆုံးပဲ။ ပူပူလေးစားကောင်းမှကောင်းပဲ။ ရေးနေရင်း အိမ်ကိုတောင် သတိရလာပြီ။ အမေ့အိမ်ပြန်မှ ကချင်ပြည်နယ်အစားအစာတွေ တ၀ကြီးစားတော့မယ်။


မှိုကပ်ကိုထောင်းစားလဲ ရသေးတယ်နော်။ ထောင်းစားရတာတော့ လွယ်ပါတယ်။ ငရုတ်သီး နဲ့ ကြက်သွန်ဖြူကို ဒယ်ပိုင်းမှာ မီးဖြည်းဖြည်းနဲ့လှော်လိုက်တယ်။ ပြီးရင် ရေသေချာဆေးထာတဲ့မှိုကိုလဲ လှော်လိုက်တယ်။ ပြီးရင် မှိုရယ်၊ ငရုတ်သီးရယ်၊ ကြက်သွန်ဖြူရယ်၊ ဆားရယ်၊ အချိုမှုန့်ရယ် ထည့်ပြီး ထောင်းလိုက်ပါတယ်။နော်။ ဆီမပါဘဲနဲ့ စားကောင်းတယ်ကွယ်။ ဟိုနေ့က အမေ့အိမ်မှာ ၀ါဆိုသင်္ကန်းကပ်တယ်။ အဲနေ့က ဖုန်းဆက်လိုက်သေးတယ်။ ဘုန်းကြီးကို ဘာဟင်းတွေနဲ့ကပ်လဲလို့ မေးလိုက်တော့ မှိုကပ်ပေါင်း၊ ငါးအုံး၊ ကြက်သားအုံး နဲ့ ဘာညာ ဘာညာတွေပေါ့။ တခြားဟင်းတွေထက် ဒီဟင်းကို ပိုပြီးစားချင်ပါတယ်။ အမျိုးတွေလဲ စုံလို့ပေါ့။ ကဲ ရှည်လဲ ရှည်သွားပြီ။ အသီးအရွက်ပေါင်းတာတွေကိုတော့ ဒီလောက်နဲ့ပဲ ရပ်လိုက်ပြီနော်။ ကျန်တဲ့ဟင်းတွေလဲ ရှိသေးတာမို့ ဆက်လက်ပြီး ပို့စ်တင်ပါအုံးမယ်။ ညီမလေး မေကဆုန် နည်းနည်းကြာသွားလို့ စိတ်ဆိုးနဲ့နော်။

ကျန်းမာ ချမ်းသာကြပါစေ။

Friday, July 10, 2009

မုန့်ဟင်းခါး နဲ့ ပဲခြမ်းကြော်

ညီမလေးမြူး မုန့်ဟင်းခါးချက် တင်တုံးက ပဲခြမ်းကြော်လေးကိုယ်တိုင်ကြော်တယ်ဆိုလို့ လုပ်နည်း သိချင်ပါတယ်လို့ လှမ်းမေးလိုက်တယ်။ ပဲခြမ်းကို တစ်ခါမှ မကြော်ဖူးဘူး။ အိမ်မှာကြော်မယ်ဆိုရင်များများလဲ စားရတယ်။ ပြီးတော့ စမ်းကြော်ချင်တာလဲပါတယ်။ ကိုယ်တော်ကြီး နဲ့ ကျွန်မက မုန့်ဟင်းခါးစားရင် ပဲခြမ်းကြော်ထက် အီကြာကွေးတာ ၀ယ်စားများတယ်။ သူက အီကြာကွေးထည့်စားတာ ပိုကြိုက်တယ်။ အီကြာကွေးလေးနဲ့တွဲစားတော့ အဆာလဲခံတယ်။ ဗိုက်ခဏ ခဏမဆာတော့ဘူးပေါ့။ အကြံနဲ့နော်။ နို့မို့လို့ရှိရင် ထမင်းဟင်းပြန်ချက်နေရမယ်လေ။ ကုန်သွားလို့ ပြန်ချက်ရတာက အရေမကြီးဘူး မကုန်ဘဲ တခြားဟာတွေ ပြန်မချက်ချင်ဘူး။ နှမျှောစရာကြီးလေ။


အိမ်မှာဆိုရင် ကျွန်မကို ကျန်တာတွေ အကုန်သိမ်းကျုံးစားလို့ ကျန်ကျုံး (ခေါ်) စည်ပင်သာယာလို့လဲခေါ်တယ်။ နှမျှောလို့ စားတာနဲ့ လူလဲဖက်တီးပုပ်ဖြစ်နေပြီ။ :D ပင်နီဆိုလာရောက်တိုင်း မုန့်ဟင်းခြောက်ထုပ်နဲ့မုန့်ဖတ်ခြောက်တော့ အမြဲဝယ်ခဲ့တယ်။ အဆင်သင့်ဆိုတော့ ဘာမှသိပ်လုပ်စရာမလိုဘဲ ချက်စားလို့ရတယ်လေ။ လွယ်လဲလွယ်တယ်။ နောက်ပိုင်းဝယ်စားဖြစ်တဲ့ မုန့်ဟင်းခါးခြောက်ကတော့ ခင်ထွေးရီတံဆိပ်ပဲ ၀ယ်စားဖြစ်တယ်။ ခင်ထွေးရီမှာ မုန့်ဖတ်ခြောက်လဲရှိတယ်။ ခုတစ်ခါမှ ခင်ထွေးရီမုန့်ဖတ်ခြောက်ဝယ်ခဲ့တာ။ မုန့်ဖတ်က နန်းသေးပါ။ နန်းသေးကြိုက်သူများ ခင်ထွေးရီမုန့်ဖတ်လဲ မဆိုးဘူးနော်။ စားကောင်းတယ်။

ညီမလေး မြူးရဲ့မုန့်ဟင်းခါး

ညီမလေးမြူးရဲ့ပဲခြမ်းကြော်နည်း (ညီမလေးမြူးရေ ကျေးဇူးပါနော်။ ညီမလေးပြောတဲ့အတိုင်း ကြော်စားလိုက်ပါတယ်။ အစ်မကြော်တာ ဆီတော့များတယ်။ ဆီဘယ်လိုစစ်လဲဟင်။ အဲနေ့က အကြော်စားတာ တော်တော်လေး အီသွားတယ်။ ကြော်လိုက် မြည်းလိုက်နဲ့မို့လို့)




အိမ်နီးလို့ မင်းသား နဲ့ မင်းသမီးကိုလဲ လှမ်းခေါ်လိုက်သေးတယ်။ အိမ်သားတစ်ယောက်လဲ တိုးလာပြီကွယ်။ လူဆိုးပေါ့။ :D ။ အဂ္ဂဘုန်းဖေဖေ နဲ့ အဂ္ဂဘုန်းမေမေ မခေါ်လို့ စိတ်ဆိုးနဲ့အုံးနော်။ ပြီးခဲ့တဲ့ တနင်္ဂနွေနေ့က လုပ်စားတာပါ။


နောက်တစ်ကြိမ်စားတော့ ရခိုင်သုပ်လေး စားကြတယ်။ အိမ့်စည်းစိမ် အာပူလျှာပူ တံဆိပ်ပါ။ ကျန်တဲ့ ၄ ယောက်က အသုပ်စားကြတယ်။ (ငါးပိထောင်းစပ်စပ်ရယ်၊ ဆီကျက်ဝါ၀ါရယ်၊ ငံပြာရည်၊ အချိုမှုန့်၊ ပဲကျက်မှုန့်၊ မန်ကျည်းရည် ထည့်ပြီး သုပ်ထားပါတယ်။)


ကျွန်မကတော့ အရည်နဲ့စားပါတယ်။ ငါးပိထောင်းက မြုပ်နေတယ်နော်။ (မန္တလေး အာပူလျှာပူလို ငါးပိထောင်းနဲ့စားတယ်ရှင်)


အီကြာကွေး

ကိုယ်တိုင် ပထမဆုံး ကြော်ဖူးတဲ့ ပဲခြမ်းကြော်။ ဗူးသီးလဲရှိနေတာနဲ့ တစ်ခါတည်းကြော်လိုက်ပါတယ်။


မုန့်ဟင်းခါး ဟင်းရည်အိုး


ပုံမလှ ပန်းမကျ ပဲခြမ်းကြော် ကျွတ်ကျွတ်လေး။ ပထမဆုံးဆိုတော့လဲ ဒီလောက်တော့ ရှိတော့မပေါ့လေ။

Wednesday, July 8, 2009

ငါးကင်

အမှန်ငါးကိုဝယ်ခဲ့တုံးက ကျွတ်ကျွတ်လေး ကြော်စားမယ်ပေါ့။ ငါးဆီလေးနဲ့ ထမင်းလေးနဲ့နယ်စားမယ်ပေါ့။ စိတ်ကူး စိတ်ကူး။ ပြီးတော့ စိတ်ကူးက တစ်မျိုးပြောင်းသွားတယ်။ ငါးကို ကင်ကြည့်မယ်ပေါ့။ မိုးကောင်းသူတို့ အုန်းသီးရထားလို့။ မျောက် အုန်းသီးရသလိုပေါ့။ ကင်စက်လေးဝယ်ထားပြီလေ။ ဒီမိုးကောင်းသူ ကြွားတာနော်။ ကင်စက်လေးဝယ်ပြီး မစမ်းသတ်ရသေးဘူး။ ကော်ပြန့်ကိုတော့ မကြော်ပဲ ကင်စက်ထဲထည့်ပြီးတော့ စားပြီးပြီ။ မဟုတ်က ဟုတ်က စမ်းချင်နေတာကြာပေါ့။ ငါး ကင်မယ်ဆိုတော့ အမွှေးအကြိုင်အရွက်လိုသေးတယ်။ အဓိက ဖက်ဖယ်ရွက်လေးပါရင် ရပါပြီ။ ဖက်ဖယ်ရွက်လေး ဆင်းဝယ်ပြီး ဒီလိုလေး ကင်လိုက်ပါတယ်နော်။ အားမနားတမ်း သုံးဆောင်သွားပါအုံးလား။

တခြား စားချင်စဖွယ် ငါးကင်များ

မမလုရဲ့လက်ရာ

ညီမဂျာမုန်းဒန်ရဲ့လက်ရာ


ကျွန်မ မိုးကောင်းသူရဲ့လက်ရာ




ကင်ပြီးပုံ (စပ်စပ်လေးနော်)။ ပြီး ထမင်းပူပူနဲ့ ရေနွေးကြမ်းနဲ့ လွေးကြတယ်ကွယ်။ အိမ်သားတစ်ယောက်တိုးလာလို့ ငါးပိုကင်လိုက်တယ်နော်။


မကင်ခင်ပုံ


အစပ်ပြေ နာနတ်သီးသုပ် (ဆား၊ ငရုတ်သီးမှုန့်နဲ့သုပ်ထားပါတယ်)


ငါးကင် အတွက် လိုအပ်သောအရာ

ငါး (မိမိကြိုက်နှစ်သက်ရာ ငါး။ အိမ်မှာတော့ စလားဖီးငါး ကင်တာများတယ်)
ကြက်သွန်နီ ၃ လုံး (အနှစ်များများစားချင်ရင် ကြက်သွန်နီများများထည့်ပါနော်။ တစ်ခါတစ်လေ ငါးထက် အနှစ်ကိုပိုစားချင်တယ်။)
ကြက်သွန်ဖြူ ၇ တက်
ဂျင်း လက် ၄ ဆစ်
ငရုတ်သီး ၁၀ တောင့် (စပ်စပ်လေးဖြစ်အောင်ထည့်လိုက်တယ်ကွယ်)
ပင်စိမ်းရွက် (ကျွန်မမှာ မရှိလို့မထည့်လိုက်ပါဘူး)
ဖက်ဖယ်ရွက်
နံနံပင်
ရှမ်းနံနံ (ကျွန်မမှာ မရှိလို့မထည့်လိုက်ပါဘူး)



ငါးကင်အတွက် ပြင်ဆင်ပုံ

ငါး အကြေးခွံကိုသေချာခွာရေနဲ့ဆေးလိုက်တယ်။ ပြီးရင် မန်ကျည်းမှည့် နည်းနည်းကို ရေဖျော်ပြီး ငါးကို ဆေးပါ။ အိမ်မှာတော့ ဘယ်ငါးချက်ချက် မန်ကျည်းမှည့်နဲ့ ဆေးတတ်ပါတယ်။ ငါး အညှီနံတွေ ပျောက်သွားအောင်ပါ။ ပြီးရင်တော့ ငါးကို ဆား၊ အချိုမှုန့်နဲ့ နယ်ထားပြီး ၁၅ မိနစ်လောက်နပ်ထားပါ။ ငါးထဲ ဆားလေး ပြားလေး ၀င်သွားအောင်ပါ။ ငါးကို နပ်ထားတဲ့အချိန် အဆာပလာကို လုပ်ပါမည်။ ကြက်သွန်နီ၊ ကြက်သွန်ဖြူ၊ ဂျင်း၊ ငရုတ်သီးစိမ်း၊ ပင်စိမ်း၊ ဖက်ဖယ်ရွက်၊ နံနံပင်တို့ကို ဆား နဲ့ အချိုမှုန့် နည်းနည်းထည့်ပြီး တောက်တောက်စင်းပါ မဟုတ်လဲ ထောင်းနိုင်ပါတယ်နော်။ (ဆား နဲ့ အချိုမှုန့်ထည့်ဖို့ မမေ့နဲ့နော်။ မဟုတ်ရင် အဆာပလာက အရသာမရှိဘူးဖြစ်နေလိမ့်မယ်) ပြီးရင် ငါးဗိုက်ထဲသို့ အစာပလာသွတ်၊ ပါးဟက်ထဲသို့ အစာပလာသွတ်ပြီး ကင်နိုင်ပါပြီ။ ဒီနေ့ဝယ်ထားတဲ့ငါးက သေးတော့ အပေါ်ကနေပဲ အစာပလာဖြန့်ပြီးဖြူးလိုက်ပါတယ်။ ပြီး ဆီစိမ်းနည်းနည်းဆမ်းလိုက်တယ်။ ဆီလေးပါတော့ အဆာပလာအိသွားအောင်လို့။ ဆီမထည့်လဲရတယ်နော်။ ပြီး ကင်စက်ထဲထည့်လိုက်တယ်။ အပေါ်မီး မိနစ် ၂၀၊ အောက်မီး ၂၀ နဲ့ကင်လိုက်ပါတယ်နော်။ အပူချိန် ၂၀၀ လောက်ထားလိုက်ပါတယ်။ ဒီတစ်ခါ ကင်စက်လေးရှိသွားပြီကွယ်။ ကြုံတုံး ကြွားလိုက်တယ်နော်။ ဒီလိုလေး လုပ်စားကြည့်ပါလား။

Tuesday, July 7, 2009

ဗူးသီး နဲ့ ၀က်သားချက်

ဒီဟင်းက အရင်အပတ်တုံးကချက်တဲ့ဟင်းနော်။ ကြွေးကျန်တွေတင်နေတာ။ တစ်ရက်တစ်လေလဲ ဘာဟင်းချက်စားရမှန်းမသိဘူး။ အိမ်ရှင်မတွေများ ဟင်းချက်ရတာထက် ဟင်းစဉ်းစားရတာကို ပိုခက်မယ်ထင်တယ်နော်။ အစတုံးကတော့ အမေကဈေးသွားရင် ဘာဟင်းစားကြမလဲလို့ အမြဲတမ်းမေးတယ်။ အာ......... အမေကလဲ အမေကြိုက်တာ အဆင်ပြေတာချက်လို့။ အကုန်စားတယ်လို့။ ခုတော့ အမေရဲ့ဝဋ်တွေလည်နေပါပြီ။ ကိုယ်တော်ကြီး ရုံးသွားခါနီး ညနေစာဘာစားမလဲလို့မေးမေးရတယ်။ သူလဲ ပြောရှာပါတယ် သဘော့ပါ့တဲ့။ အဲလို သဘောပါ့လို့တော့ မပြောနဲ့လို့။ စားချင်တာပြောလို့။ ဒါမှ ချက်ရမှာပေါ့လို့။ ၁၀ ခါမေးရင် တစ်ခါတော့ပြောရှာပါတယ်။ တစ်နေ့တာ ဟင်းစပ်နည်းစာအုပ်ထွက်ရင်ကောင်းမယ်နော်။

ကျွန်မမှာ ငယ်ငယ်တုံးက မိုးကောင်းမြို့ တစ်ရပ်ကွပ်တည်းသားချင်းပဲ ယောကျာ်းလေးသူငယ်ချင်းတစ် ယောက်ရှိတယ်။ သူ မန္တလေးမှာ ကျောင်းတက်တော့ သူ့အမေက လိုက်လာလို့မအားဘူး။ အိမ်အလုပ်လဲရှိသေးတော့ အမျိုးတစ်ယောက်နဲ့ သူ့ကို မန္တလေးမှာကျောင်းထားတယ်။ ပြောချင်တာတွေဘယ်ရောက်သွားမှန်းမသိတော့ဘူး။ သူ့အမေက သူ့သားကို တစ်လလုံးစာ ချက်ရမယ့် ဟင်းစပ်တွေရေးပေးပြီးပို့တယ်။ နောက်တစ်လဆို နောက်တစ်ခါပြန်ပို့တယ်။ သူ့တွေ့ရင်တော့ သူ့အမေရေးပေးတဲ့ ဟင်းချက်နည်းစာအုပ်တောင်းပြီး ကော်ပီလေးကူးထားအုံးမှပဲ။ ကဲ ဒီနေ့တော့ ၀က်သားနဲ့ဗူးသီးအရော ဟင်းလေး သုံးဆောင်သွားပါအုံးလား။


အားနာနဲ့နော်။


ဝက်သား သုံးထပ်သား နဲ့ ရောချက်ထားပါတယ်။ ဆီလည် ရေလည်ချက်လိုက်တယ်။ ဟင်းရည်ချက်စရာလိုတော့ဘူးပေါ့။


ပဲပင်ပေါက်သုပ်။ ဒါက သူ့အကြိုက်။ (ပဲပင်ပေါက်ကို ရေနွေးဖျောလိုက်တယ်။ ပြီးရေစစ်လိုက်တယ်။ သုပ်မယ့်ပန်းကန်ထဲသို့ ပဲပင်ပေါက်ထည့်၊ ဆားထည့်၊ အချိုမှုန့်ထည့်၊ ပဲကျက်မှုန့်ထည့်၊ ငရုတ်သီးအကျက်မှုန့်ထည့်၊ ကြက်သွန်နီဆီကျက်ထည့်ပြီး သုပ်ထားပါတယ်။ ချဉ်စပ်လေးစားချင်ရင်တော့ သံပရာသီး (သို့) မန်ကျည်းမှည့်ရည်ထည့်ပါနော်။)



အအီပြေ စားသွားပါအုံးလား။