သင်္ဘောသီးကြော် (သို့) သဘောင်္သီး ကမောင်းကြော်

သင်္ဘောသီး အစိမ်းတစ်လုံး sheng siong ကနေ ၀ယ်ထားတာရှိတယ်။ ၀ယ်လာတုံးကတော့ သင်္ဘောသီးသုပ် (သို့) အစုံသုပ် လုပ်စားမယ်ဆိုပြီး ၀ယ်လာတယ်။ သင်္ဘောသီးသုပ် လုပ်စားမယ်ဆိုရင် အဆာပလာတွေပါ အစုံလုပ်ရမယ်။ အဆာပလာ မစုံပြန်ရင်လည်း စားမကောင်းဘူး။ အဆာပလာဆိုလို့ အာလူးနဲ့ ပဲကြာဇံပဲရှိတယ်။ နောက်ထပ်လည်း သွားဝယ်ရမှာ ပျင်းပြီ။ နဂိုကတည်းက အပျင်းကလည်း ပေါ်နေတော့ သင်္ဘောသီးသုပ် လုပ်မစားတော့ဘဲ စိတ်ကူးပြောင်းလိုက်တယ်။ သင်္ဘောသီးကြော်က အဆာပလာတွေ ဘာမှ ထူးထူးခြားခြားလဲ ထည့်စရာမလိုဘဲ သူ့ကျည်းပဲကြော်စားတာပါ။ ကြော်စားတဲ့ အရသာက ချိုလဲချိုပါတယ်။ သဘောင်္သီးကြော်ကို ရေနွေးခြမ်းလေး အဆာပြေစားစား၊ ဒါမှမဟုတ် ထမင်းခြမ်းအေးအေးနဲ့ တွဲပြီးစားစား အလွန် ကောင်းပါတယ်။  ဒီနေ့တော့ သင်္ဘောသီးကြော် (သို့) ကမောင်းကြော် ကို အားမနာတမ်း သုံးဆောင်သွားပါအုံးလား။

သဘောင်္သီးကြော်ရယ်၊ မန်ကျည်းမှည့်အချဉ်ရည်ရယ်၊ ရေနွေးကြမ်းရယ်

အကြော်အိုးပေါ်က ချချခြင်း သဘောင်္သီးကြော်ပါ

ဗမာနံနံပင်လေးပါ ထည့်ထားတဲ့ မန်ကျည်းမှည့် အချဉ်ရည်ပါ

သဘောင်္သီးခြစ်ထားတာကရယ်၊ ကြက်သွန်နီပါးပါးရယ်(လေတိုက်ရင်လွင့်မတတ် လှီးထားပါတယ်။ :D ) ၊ ကြက်သွန်ဖြူထောင်းရယ် (ဆန်စိမ်းမှုန့်အောက် ရောက်နေပါတယ်။) ၊ ငရုတ်သီးစိမ်းပါးပါးရယ် (ကတ်ကြေးနဲ့ လက်တစ်ဆစ်စာလောက် ညှပ်ထားပါတယ်။ :D ၊ ဆန်စိမ်းမှုန့်ရယ်၊ ဆားရယ်၊ အချိုမှုန့်ရယ်

သဘောင်္သီးအစိမ်းကို ရေဆေးပြီး ခြစ်ထားတယ်။

အဆာပလာတွေထည့်ပြီး နယ်ပြီးပုံ

ယိုးဒယားတံဆိပ် ဆန်စိမ်းမှုန့်

သင်္ဘောသီး ကြော်အတွက် လိုအပ်သောအရာ

သဘောင်္သီး အစိမ်း ၁ လုံး
ကြက်သွန်နီ ကြီးကြီး ၃ လုံး
ကြက်သွန်ဖြူ ၇ တက်
ဆန်စိမ်းမှုန့် (ယိုးဒယားတံဆိပ် ဆန်စိမ်းမှုန့် သုံးပုံ တစ်ပုံထည့်လိုက်ပါတယ်။ ဆန်စိမ်းမှုန့် ခပ်ထွေးထွေးလေး စားချင်ရင်တော့ ပိုထည့်ရင် ရပါတယ်နော်)
ငရုတ်သီးစိမ်း (မိမိစိတ်ကြိုက်ထည့်ပါ။ မထည့်လဲ ရပါတယ်နော်။)


သဘောင်္သီးကြော်ရန် အဆာပလာနယ်နည်း

သင်္ဘောသီးကို အခွံနွှာပါ။ ပြီးရင် ရေဆေးပြီး သင်္ဘောသီးခြစ်နဲ့ ခြစ်ပါ။ ပြီး နယ်မယ့် ဇလုံထဲသို့ သဘောင်္သီးခြစ်ထားတာကရယ်၊ ကြက်သွန်နီပါးပါးရယ်၊ ကြက်သွန်ဖြူထောင်းရယ်၊ ငရုတ်သီးစိမ်းပါးပါးညှပ်ထားတာရယ်၊ ဆန်စိမ်းမှုန့်ရယ်၊ ဆားရယ်၊ အချိုမှုန့်ရယ် နယ်ပေးပါ။ အရအသာ အနေတော် သိချင်ရင်တော့ သဘောင်္သီးနယ်ထားတာကို လက်ညှိးနဲ့ တို့ပြီး ဆားပြား အနေတော် ဟုတ်မဟုတ် မြည်းကြည့်ပါ။ အရသာလဲ အနေတော်ဖြစ်ရင်တော့ ကြော်မယ့် ဒယ်အိုးထဲ ဆီထည့်ပြီး ကြော်နိုင်ပါပြီနော်။ ဒါဆိုရင်တော့ သဘောင်္သီးကြော် (သို့) သဘောင်္သီး ကမောင်းကြော် ရပါပြီနော်။


ကျန်းမာ ချမ်းသာကြပါစေ။

မျှစ် ဆူးထိုးချက်

ဒီနေ့ မျှစ်ဆူးထိုးချက်ဟင်း တင်လိုက်ပါတယ်နော်။ မျှစ်ဆူးထိုးချက်လို့ ခေါ်ရတဲ့ အကြောင်းအရင်းကတော့ မျှစ် စိမ်းကို ဆူးချွန်ချွန် ဒါမှမဟုတ် ဓားချွန်ချွန်နဲ့ ထိုးလို့ မျှစ်ဆူးထိုးဟင်းလို့ခေါ်ရတာပါ။ အိမ်ကတော့ မျှစ်စိမ်းနုနု (၀ါးပိုးလို့မျှစ်ခေါ်လားမသိ) သေးသေးလေးတွေ ပေါတဲ့အချိန်ဆို များများ ၀ယ်ပါတယ်။ ပြီး မျှစ်ဆန်လှော်ဟင်းရည်တစ်လှည့်၊ မျှစ်ပလောဟင်းရည်တစ်လှည့်၊ မျှစ်ဆူးထိုးဟင်းတွေကို တစ်လှည့် ပြီးတစ်လှည့် ချက်စားတော့တာပဲ။ အခု မျှစ်ဆူးထိုးလုပ်ပုံက မျှစ်ရဲ့အပြင်က အခွံမာမာအဖတ်တွေကို ခွာပလိုက်ပါတယ်။ ပြီးရေဆေးတယ်။ ပြီးတော့ မျှစ်တစ်ချောင်းလုံးကို စိတ်ရှည်လက်ရှည်နဲ့ သေးသေးနုတ်နုတ် ဟိုဖက် ဒီဖက်ပေါက်သွားအောင် ဓားချွန်ချွန်နဲ့ထိုးပါတယ်။ ပြီးဇလုံကြီးကြီးထဲ ရေစိမ်းထည့် တစ်ည နှစ်ည စိမ်ထားလိုက်တယ်။ မျှစ်အဆိပ်အတောက်တွေပြေသွားအောင်ပါ။ မျှစ်ကို နှစ်ညလောက် စိမ်ထားပြီးရင်တော့ (မျှစ် နှပ်သွားပြီလို့ပြောရမလားမသိဘူး) မျှစ်ဆူးထိုး ချက်စားလို့ ရပါပြီနော်။ ကျွန်မ အလုပ်မရှုပ်ရလေအောင်ဆိုပြီး တစ်ခါတည်း ထိုးပြီးသား မျှစ်စိမ်းကို ထည့်ပေးလိုက်တယ်။ သူနဲ့လိုက်ဖက်တဲ့ဟင်းတွေကတော့ မန်ကျည်းသီးစိမ်းထောင်းရယ်၊ ပဲဟင်းချိုချိုနဲ့ အင်မတန်လိုက်ဖက်လှပါတယ်။ ဒီနေ့တော့ အမျှစ်ဆူးထိုးချက်ကို အားမနာတမ်း သုံးဆောင်သွားပါအုံးလား။



မျှစ် ဆူးထိုးချက်။ (မစားရတာ ကြာနေလို့လားမသိဘူး။ မျှစ်က နုပြီး အရမ်းကို ချိုနေတာပဲ။ ဒီနေ့တော့ ထမင်းကို အားပါးတရ စားပလိုက်တယ်။)



ဖြူဖြူဖွေးဖွေး မျှစ်ဆူးထိုးချက်လေး



မျှစ်ဆူးထိုးချက် အတွက်လိုအပ်သောအရာ

မျှစ်စိမ်း
ကြက်သွန်နီ ၂ လုံး လေးခြမ်းစိတ်လှီးထားပါ။
ကြက်သွန်ဖြူ ၂ တက်ထောင်းလိုက်ပါ။
ပုဇွန်ခြောက်ထောင်း နည်းနည်း


မျှစ်ဆူးထိုးချက်နည်း

နှစ်ညလောက် စိမ်ထားတဲ့ မျှစ်ကို အရင်ဆုံး နူးနေအောင် အရင်ပြုတ်လိုက်ပါတယ်။ ပြီး ပြုတ်ထားတဲ့မျှစ်ကို ရေစစ်ထားလိုက်တယ်။ ပြီး ချက်မယ့်အိုးထဲသို့ ဆီနည်းနည်းထည့်ပါ။ ဆီကျက်လာရင် ထောင်းထားတဲ့ ကြက်သွန်ဖြူရယ်၊ လေးခြမ်းစိတ်ထားတဲ့ ကြက်သွန်နီတို့ကို ဆီသတ်လိုက်တယ်။ အနီရောင်သန်းလာရင်တော့ ပြုတ်ထားတဲ့မျှစ်ထည့်၊ ထောင်းထားတဲ့ ပုဇွန်ခြောက်ထည့်၊ ငံပြာရည်နည်းနည်းထည့်၊ အချိုမှုန့်နည်းနည်းထည့်ပြီး မီးဖြည်းဖြည်းနဲ့ဆီပြန်လာအောင် ချက်ပါတယ်။ ဆနွင်းတွေ အရောင်တင်တွေ မထည့်တော့ပါဘူး။ ဖြူနဲ့ဖွေးဖွေး မျှစ်ဆူးထိုးချက်လေး ရပါပြီရှင်။


ကျန်းမာ ချမ်းသာကြပါစေ။

ပုတတ်ကြော် ကျွတ်ကျွတ်လေး

ဒီလတော့ အစ်ကိုတော်အိမ်ပြန်တာနဲ့ အမေ့အိမ်နဲ့ မေမေ့အိမ်မှ ထည့်ပေးလိုက်သော ပွကြောများများရထားပါတယ်။ အဲဒီပွကြောများထဲမှ ရှာမှရှား ဆတ်ရယ်၊ ပုတတ်ကြော် နဲ့ ကြွေးခြောက်တို့ကို အမေအိမ်မှ ထည့်ပေးလိုက်တယ်။ ဘာကြီးတွေဘာလိမ့်လို့ ထင်နေတော့မယ်။ ပုတတ်ကြော်ဆိုလို့ ကျိုက်ထီးရိုးမှာရောင်းတဲ့ သတ်သတ်လွတ်ကြော်စားလို့ရတဲ့ ပဒတ်ခြောက်နဲ့ မှားနိုင်ပါတယ်။ ဖွတ် ၊ ပုတတ်လို့ တွဲပြောရင်တော့ ပုတတ်ကို အကောင်မှန်းသိပါလိမ့်မယ်ထင်ပါတယ်။ ပုတတ် ရဲ့ အကောင်ပုံစံက ပုတ်သင်ညိုအကောင် နဲ့ တူပါတယ်။ အကောင်လိုက်ထည့်ပေးလိုက်ရင်လဲ စစ်ဆေးရင် ဘာကောင်တွေ လဲထင်မည်စိုးသောကြောင့် အိမ်ကကြော်ပြီးမှထည့်ပေးလိုက်တယ်။ ပုတတ်ရဲ့အရသာက တော်တော်လေးကို ချိုပါတယ်။ လေးလေးပင်ပင်ကြီးကို ချိုလှပါတယ်။ ဘယ်အသားရဲ့ အရသာနဲ့ ခိုင်းနှိုင်းရမလဲတော့ ကျွန်မလဲ မပြောတတ်ဘူး။ ပုတတ်ကိုလုပ်စားလို့ရတဲ့နည်းကတော့ အကောင်ကို နူးနေအောင်ပြုတ်တယ်။ ပြီး ကြော်စားတယ်။ ပြီး ကြက်သွန်နီလေးနဲ့ ချက်စားတယ်။ ပြီး ထောင်းစားတယ်။ ပြီး ပြုတ်ရည်ကို ဟင်းချိုရွက်နဲ့ ဟင်းချိုလုပ်တယ်။ အဟဲ......... လုပ်တဲ့နည်းဘာကျန်သေးလို့တုံး မိုးကောင်းသူရဲ့လို့ပြောတော့မယ်။ ကျွန်မလဲ အိမ်ကချက်နည်းမှန်သမျှကို အကုန်ပြောတာပဲ။ ဘာကျန်သေးလဲ သိတော့ဘူး။ ဒီနေ့တော့ အားမနားတမ်း ပုတတ်ကြော်ကို သုံးဆောင်သွားပါအုံးလား။ နောက်နေ့များမှ ဆတ်ရယ်၊ ကြွေးရယ် လာပါအုံးမယ်။



ပုတတ်ကြော် ကျွတ်ကျွတ်လေး သုံးဆောင်သွားပါအုံးလား။

ပုတတ် ပုံပါ။ ပုတတ် အကောင်မြင်ပြီး မစားရဲ ဘဲနေတော့မယ်။ (ကိုယ်တော်ကြီးက ပုတတ် မမြင်ဖူးဘူးဆိုလို့ အစ်မတော်ကို ဓာတ်ပုံရိုက်ခိုင်းလိုက်တယ်။ ပုံလဲမြင်ရော ကြောက်စရာကြီးတဲ့။ :D)

ပုတတ်ကြော်နည်း

ပုတတ်ခြောက်ကို ရေဆေးပါတယ်။ ပြီး ပြုတ်မယ့်အိုးထဲသို့ ရေထည့် ၊ ပုတတ်ထည့်ပြီး နူးနေအောင်ပြုတ်ပါတယ်။ ပြုတ်ရည်ကို ဟင်းချိုရွက်ခတ်ပြီး ဟင်းချိုဟင်းလုပ်သောက်ပါတယ်။ (အိမ်က ကြော်ထည့်ပေးလိုက်တော့ ဟင်းချိုဟင်းတော့ လုပ်သောက်လို့မရဘူးပေါ့။) ပုတတ်နူးသွားရင် ငရုတ်ဆုံထဲထည့်ပြီး ထောင်းလိုက်ပါတယ်။ ပြီး ကြော်မယ့်အိုးထဲသို့ ဆီနည်းနည်းထည့်ပါတယ်။ ဆီကျက်လာရင် ထောင်းထားတဲ့ ပုတတ်ထည့်ပါတယ်။ ဆားနည်းနည်း ထည့်ပြီး မီးဖြည်းဖြည်းနဲ့ ကျွတ်နေအောင် ကြော်ပါတော့တယ်။ ပုတတ်ကြော် များများ ပွားချင်ရင်တော့ ကြက်သွန်နီရယ် ၊ ကြက်သွန်ဖြူရယ် ရောပြီးကြော်ပါတယ်။ အခုက ပုတတ်အရသာကြီးပဲ ဖြစ်အောင်လို့ ပုတတ်ကို သူ့ကြီးပဲ ပလိန်းကြော်ပေးလိုက်တယ်။ (ဒီတစ်ခါတော့ ဟင်းချိုမှုန့် မထည့်တော့ပါဘူး။ နဂိုကတည်းက ပုတတ်က ချိုတော့ ဟင်းချိုမှုန့်ထည့်စရာ မလိုပါဘူး)


အားလုံး ကျန်းမာ ချမ်းသာကြပါစေ။

မျှစ်ပလောဟင်းရည် (ယောနယ်ဟင်း)

ဒီမှာ အခုရက်ပိုင်းမိုးတွေကလဲ အမြဲတမ်းလိုလိုရွတ်နေတယ်။ ရွာလိုက်ရင်လဲ သည်းသည်းမည်းမည်းနဲ့။ မိုးကအေးအေးလေးနဲ့ဆိုတော့ ဘာချက်စားရရင်ကောင်းမလဲလို့ မိုးကောင်းသူတို့လဲ စဉ်းစားခန်းထုတ်နေတာပေါ့။ တနေ့တနေ့ စိတ်ကူးထဲတွင် ဒီနေ့တော့ ဒီလိုလေးချက်လိုက်မယ်၊ ဟိုလိုလေးချက်လိုက်မယ်ဆိုပြီး အမျိုးမျိုးစိတ်ကူးနေလေရဲ့။ လူဆိုတာမျိုးကလဲ အစားအသောက်နဲ့တည့်တကိုး။ (အထူးအဖြင့် မိုးကောင်းသူလေးပေါ့ နော် ဟဲဟဲ) မျှစ်ဆိုတာမျိုးကလဲပူတယ်လေ။ နေပူတဲ့အချိန်မှာချက်စားရင်တော့ အဆင်မပြေပြန်ဘူး။ ရာသီဥတုအခြေအနေကိုလဲ ကြည့်ရ၊ ဒီနေ့က ဒီဟင်းချက်ပြီး၊ ဟိုနေ့က ဟိုဟင်းချက်ပြီး မတူအောင်ချက်အုံးမှဆိုပြီး တမျိုးတဖုံစဉ်းစားရပြန်တယ်။ (ကြာလာရင်တော့ မိုးကောင်းသူရဲ့ဟင်းများမှာလဲ ထပ်လာပါလိမ့်မယ်) ဟိုနေ့က ဂိုးဒင်းမိုင်း(ထိုင်းပလာဇာ)က၀ယ်ခဲ့တဲ့ မျှစ်ပြုတ်လေးကို ဒီနေ့တော့ ချက်စားအုံးမှဆိုပြီး မျှစ်ပလောဟင်းရည်လေးချက်လိုက်ပါတယ်။ (အိမ်ကချက်သလိုမျိုးချက်စားတယ်။ အိမ်ကိုလဲ လွမ်းနေတာပါတာပေါ့နော်) အမှန်တကယ် မျှစ်ပလောဟင်းရည်ချက်မယ်ဆိုရင် မျှစ်အစိမ်းကိုဓားနဲ့ပေါက်ပြီး ရေအေးနဲ့စိမ်ထားရပါတယ်။(တစ်ရက်တန်သည်၊ နှစ်ရက်တန်သည် ထားထားရတယ်) ဒါမှ မျှစ်ထဲမှာပါတဲ့အပူတော်တော်များများကရေနဲ့ပါသွားတယ်။ မဟုတ်ရင် မျှစ်စားလိုက်တာ တောက်လို့ ဘာလို့ဖြစ်နေမှာစိုးလို့နဲ့တူတယ်။ ဒီမျှစ်ပလောဟင်းရည်ကတော့ ယောနယ်ကချက်စားတဲ့ဟင်းရည်ပါ။ တခြားနယ်တွေမှာကော ချက်စားသလားတော့ ကျွန်မလဲ ကောင်းကောင်းမသိပါ။ မျှစ်စိမ်းကိုရေစိမ်ပြီး မျှစ်ပလောဟင်းရည်ချက်စားတတ်သလို မျှစ်ဆူးထိုးဟင်းဆိုပြီးလဲ ချက်စားတတ်ပါသေးတယ်။ မျှစ်ဆူးထိုးဟင်းကို အခွင့်အခါကြုံကြိုက်ခဲ့ရင်တော့ ချက်စားပြီး ပို့စ်တင်ပါအုံးမယ်။ မျှစ်ပလောဟင်းရည်ဆိုသည်မှာ မျှစ်စိမ်းနဲ့ပလောရွက်ကိုရောပြီးချက်လို့ မျှစ်ပလောလို့ခေါ်တာပါ။ ပလောရွက်မှာ ချွဲချွဲပြစ်ပြစ်အရွက်တမျိုးပါ။ ဒီမှာတော့ ပလောရွက်ဝယ်မရလို့ ချွဲတာချင်းတူတဲ့ ရုံးပတေသီးကိုပဲ ပလောရွက်နေရာမှာအစားထိုးပြီး ချက်စားလိုက်ပါတယ်။ မျှစ်ပလောဟင်းရည်နဲ့ အလိုက်ဖက်ဆုံးကတော့ ပဲပုတ်ထောင်းသံပရာညှစ်ပါ။ ပဲပုတ်ကလဲဝယ်ထားတာမရှိတော့ ငါးပိထောင်းကိုသံပရာညှစ်ပြီးအစားထိုးလိုက်ပါတယ်။ ဒီနေ့တော့အစားထိုးတာတွေလဲများနေပြီ။ အကယ်လို့ဒီမှာများ ယောနယ်အသင်းအကျွေးအမွေးကို မျှစ်ပလောဟင်းရည်နဲ့ရှဘဲထောင်းသံပရာညှစ် (ပဲပုတ်သံပရာညှစ်ကိုပြောတာပါ) တည်ခင်းဧည့်ခံခဲ့မယ်ဆို ရင်တော့သွားပြီးစားချင်ပါသေးသည်။ ကျွန်မ မိုးကောင်းသူကိုခေါ်လေလား မခေါ်လေလားတော့မသိပါ။ ကျွန်မကလဲ ကျွန်မပဲလေ ဒါကိုကြိုက်မိရင်တော့ ဒါကိုပဲထပ်တလဲလဲစားချင်တယ်။



ဟောဒီက မျှစ်ပလောဟင်းရည် ချွဲပြစ်ပြစ်လေး (ကဲ အားမနာတမ်း သုံးဆောင်သွားပါအုံးလား။)


ဒီမျှစ်ပြုတ်ပါ။ (ဒီနေ့ကို ၂ ချောင်းပဲချက်ပါတယ်။ နောက်ရက်မှာမှ ကျန်တဲ့ ၂ ချောင်းကို ၀က်သားနဲ့ရောချက် ဒါမှမဟုတ် မျှစ်ဆန်လှော်ဟင်းရည်ချက်ပြီးစားပါမည်။)


ငါးပိထောင်းသံပရာညှစ်


ဆိတ်သားခြောက်ငါးပိချက်ကို ဒီမှာရေးဖူးပါတယ်။ ဒီတခါ ငရုတ်သီးကို အတောင့်လိုက်ထည့်လိုက်တယ်။ ဗိုက်ဗိုက်အခြေအနေက သိပ်မကောင်းသေးလို့။ :)



မျှစ်ပလောဟင်းရည်ချက်ရန် လိုအပ်သောအရာ

မျှစ်
သခွားသီး တခြမ်း(ကျွန်မကတော့မနေ့က တခြမ်းကျန်တာနဲ့အတော်ပဲဖြစ်သွားတယ်)
ရုံးပတေသီး ၂ တောင့်
ပင်စိမ်း
ကြက်သွန်နီ ၁ လုံး လေးခြမ်းစိတ်
ကြက်သွန်နီ ၃ တက်ထောင်း
ပုဇွန်ခြောက်ထောင်း
ငါးပိ


မျှစ်ပလောဟင်းရည်ချက်ပုံ

မျှစ်ကို မိမိစိတ်ကြိုက်ပုံစံ အတုံးတုံးထားပါ။ ဟင်းရည်တည်မယ့်အိုးထဲသို့ ရေထည့်ပြီးတည်ပါ။ ရေဆူလာရင် မျှစ်၊ ကြက်သွန်နီ၊ ကြက်သွန်ဖြူထောင်း၊ ပုဇွန်ခြောက်ထောင်း၊ ငါးပိ၊ ဆား၊ အချိုမှုန့်တို့ကိုထည့်ပြီး ဆူနေအောင်တည်ထားပေးပါ။ မျှစ်မို့လို ကြာကြာတာတည်ထားပေးပါ။ မျှစ်ကကြာကြာတည်လေကောင်းလေပါ။ အယ် စားတော့မယ်ဆိုရင်တော့ သခွားသီးပါးပါးလှီးပြီးထည့်၊ ရုံပတေသီးကိုအတုံးတုံးပြီးထည့်၊ ပင်စိမ်းရွက်လေးထည့်ပြီး မီးဖိုပေါ် ခဏပြန်တည်ပြီး စားလို့ရပါပြီ။ ကဲ အားမနာတမ်းသုံးဆောင်သွားပါအုံးလား။