ငါးပိတစ်ချက်

ဒီအပတ် ရုံးပိတ်ရက် ငါးပိတစ်ချက် ချက်စားတာကို တင်လိုက်ပါတယ်နော်။ ငါးပိတစ်ကို ရိုးရိုး ရှင်းရှင်းချက်စားလို့ ရသလို၊ အုန်းနို့နဲ့လည်းချက်စားလို့ ရပါတယ်။ အုန်းနို့နဲ့ချက်တာကို အလှူ ငါးခြောက်ချက်လို့လဲ ခေါ်ကြတယ်။ ချက်စားတာမဟုတ်လဲ ငရုတ်သီး ခွဲခြမ်းဖတ်နဲ့ ခပ်စပ်စပ်လေး ကြော်စားလဲ ရပါတယ်။ ခုတစ်လော ရာသီဥတုကလည်း ပူတာမို့ အုန်းနို့နဲ့မချက်ဘဲ ရိုးရိုး ငါးပိတစ်ချက်ပဲ ချက်စားလိုက်ပါတယ်နော်။ နောက်တစ်ခါမှ အုန်းနို့နဲ့ချက်ပြီး ထပ်တင်ပါအုံးမယ်နော်။ ဒီနေ့တော့ ထမင်းမြိန်စေ့မယ် ငါးပိတစ်ချက် ခပ်စပ်စပ်လေးပဲ အားမနာတမ်း သုံးဆောင်သွားပါအုံးလား။


သခွားသီးအတို့ရယ်၊ ငါးပိတစ်ချက်ရယ်၊ မုန်လာဥချဉ်ဟင်းရယ်၊ သရက်သီး ငါးပိချက်ရယ်၊ ငါးရံ့ခြောက်ဖုတ်ရယ်၊ ငါးပိသုပ်ရယ် (အငန်တွေကြီးပဲ။ စားပြီးရင်တော့ သွေးတွေတက်လို့ အိပ်နေရုံပဲ။ :D )


ငါးပိတစ်ချက်ရယ်၊ သခွားသီးအတို့ရယ်၊ ၀က်သားနဲ့ခရမ်းသီးအရောချက်ရယ်၊ ပဲဟင်းရယ် (ပထမရက်က ဟင်းပါ)



ငါးပိတစ်ချက်


မုန်လာဥ ချဉ်ဟင်း



ထမင်းမစားခင် အားနေတာနဲ့ ပုံစံခွက်ထဲ ထည့်ပြီး ပုံဖော်ထားတယ်။ ဟဲဟဲ.........

ငါးပိတစ်ချက်အတွက် လိုအပ်သောအရာ

ငါးပိတစ်ခြောက် (shing song ကနေ ၀ယ်လာတာပါ။ ငမန်း ငါးခြောက်လို့ ရေးထားပါတယ်။အသားတွေကြီးပဲ တုံးထားတာပါ။ စားလို့ကောင်းတယ်။)
ခရမ်းချဉ်သီး ကြီးကြီး ၇ လုံး
ကြက်သွန်ဖြူ ၁ ဥ
ငါးပိစိမ်း လက်တစ်ဆစ်
ငရုတ်သီးစိမ်း (မိမိလိုသလောက်ထည့်ပါ)
ဗမာ နံနံ

ငါးပိတစ်ချက် ချက်ပုံ

အရင်ဆုံး ငါးပိတစ်ချက်ကို ၁ နာရီလောက် ရေစိမ်ထားပေးပါ။ အငန်တွေထွက်သွားအောင်လို့ပါ။ ပြီး ခ၇မ်းချဉ်သီးကို မထူ မပါး လှီးထားပါ။ ကြက်သွန်ဖြူကို ထောင်းထားပါ။ ငရုတ်သီးစိမ်း နဲ့ နံနံပင် ကိုလည်း လှီးထားပါ။ ငါးပိတစ်ချက်မယ့် အိုးတည်ပါတော့မယ်။ ဆီ နည်းနည်ထည့်ပါ။ ဆီကျက်ရင် ခရမ်းချဉ်သီးထည့်၊ ကြက်သွန်ဖြူထည့်၊ ငါးပိထည့်၊ ငရုတ်သီး အရောင်တင်မှုန့်ထည့်၊ ဆနွင်းမှုန့်ထည့်၊ အချိုမှုန့်ထည့်ပြီး ခရမ်းချဉ်သီး အိသွားအောင်အထိ ချက်ပေးပါ။ ခရမ်းချဉ်သီးလည်း ဗွက်ဗွက် ၊ ဗွက်ဗွက်ဆိုပြီး အသံတွေ ကြားရင် မွှေမယ့် ဇွန်းနဲ့ ခရမ်းချဉ်သီးများ ကြေသွားအောင် မွှေပေးပါ။ ပြီး ဆီပြန်လာရင် ရေစိမ်ထားတဲ့ ငါးပိတစ်ကို ထည့်ပေးပါ။ ပြီး ရေနွေး လက်တစ်ဆစ်လောက် ငါးပိတစ်မြုပ်အောင် ထည့်ပါ။ ပြီး ဆီပြန်လာအောင်ထားပါ။ ဆီပြန်လာရင် ငရုတ်သီးစိမ်းထည့်၊ နံနံပင်ထည့်ခဏထားပြီး မီးဖိုပေါ်ကနေ ချလို့ ရပါပြီနော်။ ထမင်းမြိန်စေမယ့် ငါးပိတစ်ဟင်းတစ်ခွက် ရပါပြီ။


ကျန်းမာ ချမ်းသာကြပါစေ။

မျှစ် ဆူးထိုးချက်

ဒီနေ့ မျှစ်ဆူးထိုးချက်ဟင်း တင်လိုက်ပါတယ်နော်။ မျှစ်ဆူးထိုးချက်လို့ ခေါ်ရတဲ့ အကြောင်းအရင်းကတော့ မျှစ် စိမ်းကို ဆူးချွန်ချွန် ဒါမှမဟုတ် ဓားချွန်ချွန်နဲ့ ထိုးလို့ မျှစ်ဆူးထိုးဟင်းလို့ခေါ်ရတာပါ။ အိမ်ကတော့ မျှစ်စိမ်းနုနု (၀ါးပိုးလို့မျှစ်ခေါ်လားမသိ) သေးသေးလေးတွေ ပေါတဲ့အချိန်ဆို များများ ၀ယ်ပါတယ်။ ပြီး မျှစ်ဆန်လှော်ဟင်းရည်တစ်လှည့်၊ မျှစ်ပလောဟင်းရည်တစ်လှည့်၊ မျှစ်ဆူးထိုးဟင်းတွေကို တစ်လှည့် ပြီးတစ်လှည့် ချက်စားတော့တာပဲ။ အခု မျှစ်ဆူးထိုးလုပ်ပုံက မျှစ်ရဲ့အပြင်က အခွံမာမာအဖတ်တွေကို ခွာပလိုက်ပါတယ်။ ပြီးရေဆေးတယ်။ ပြီးတော့ မျှစ်တစ်ချောင်းလုံးကို စိတ်ရှည်လက်ရှည်နဲ့ သေးသေးနုတ်နုတ် ဟိုဖက် ဒီဖက်ပေါက်သွားအောင် ဓားချွန်ချွန်နဲ့ထိုးပါတယ်။ ပြီးဇလုံကြီးကြီးထဲ ရေစိမ်းထည့် တစ်ည နှစ်ည စိမ်ထားလိုက်တယ်။ မျှစ်အဆိပ်အတောက်တွေပြေသွားအောင်ပါ။ မျှစ်ကို နှစ်ညလောက် စိမ်ထားပြီးရင်တော့ (မျှစ် နှပ်သွားပြီလို့ပြောရမလားမသိဘူး) မျှစ်ဆူးထိုး ချက်စားလို့ ရပါပြီနော်။ ကျွန်မ အလုပ်မရှုပ်ရလေအောင်ဆိုပြီး တစ်ခါတည်း ထိုးပြီးသား မျှစ်စိမ်းကို ထည့်ပေးလိုက်တယ်။ သူနဲ့လိုက်ဖက်တဲ့ဟင်းတွေကတော့ မန်ကျည်းသီးစိမ်းထောင်းရယ်၊ ပဲဟင်းချိုချိုနဲ့ အင်မတန်လိုက်ဖက်လှပါတယ်။ ဒီနေ့တော့ အမျှစ်ဆူးထိုးချက်ကို အားမနာတမ်း သုံးဆောင်သွားပါအုံးလား။



မျှစ် ဆူးထိုးချက်။ (မစားရတာ ကြာနေလို့လားမသိဘူး။ မျှစ်က နုပြီး အရမ်းကို ချိုနေတာပဲ။ ဒီနေ့တော့ ထမင်းကို အားပါးတရ စားပလိုက်တယ်။)



ဖြူဖြူဖွေးဖွေး မျှစ်ဆူးထိုးချက်လေး



မျှစ်ဆူးထိုးချက် အတွက်လိုအပ်သောအရာ

မျှစ်စိမ်း
ကြက်သွန်နီ ၂ လုံး လေးခြမ်းစိတ်လှီးထားပါ။
ကြက်သွန်ဖြူ ၂ တက်ထောင်းလိုက်ပါ။
ပုဇွန်ခြောက်ထောင်း နည်းနည်း


မျှစ်ဆူးထိုးချက်နည်း

နှစ်ညလောက် စိမ်ထားတဲ့ မျှစ်ကို အရင်ဆုံး နူးနေအောင် အရင်ပြုတ်လိုက်ပါတယ်။ ပြီး ပြုတ်ထားတဲ့မျှစ်ကို ရေစစ်ထားလိုက်တယ်။ ပြီး ချက်မယ့်အိုးထဲသို့ ဆီနည်းနည်းထည့်ပါ။ ဆီကျက်လာရင် ထောင်းထားတဲ့ ကြက်သွန်ဖြူရယ်၊ လေးခြမ်းစိတ်ထားတဲ့ ကြက်သွန်နီတို့ကို ဆီသတ်လိုက်တယ်။ အနီရောင်သန်းလာရင်တော့ ပြုတ်ထားတဲ့မျှစ်ထည့်၊ ထောင်းထားတဲ့ ပုဇွန်ခြောက်ထည့်၊ ငံပြာရည်နည်းနည်းထည့်၊ အချိုမှုန့်နည်းနည်းထည့်ပြီး မီးဖြည်းဖြည်းနဲ့ဆီပြန်လာအောင် ချက်ပါတယ်။ ဆနွင်းတွေ အရောင်တင်တွေ မထည့်တော့ပါဘူး။ ဖြူနဲ့ဖွေးဖွေး မျှစ်ဆူးထိုးချက်လေး ရပါပြီရှင်။


ကျန်းမာ ချမ်းသာကြပါစေ။

ချို ချဉ် ဖန် ခါး ရုံးပိတ်ရက် ဟင်းလျှာများ

ဒီနေ့တော့ ချိုချဉ်ဖန်ခါးဟင်းလျှာများ တင်လိုက်ပါတယ်နော်။ ချိုချဉ်ဖန်ခါးဟင်းဆိုလို့ ဟင်းနာမည်လဲထင်နေအုံးမည်။ အမှန်က ဘယ်လိုခေါင်းစဉ်တပ်ရမလဲလို့ စဉ်းစားမရတာနဲ့ ချိုချဉ်ဖန်ခါးရုံးပိတ်ရက် ဟင်းလျှာများဆိုပြီး ခေါင်းစဉ်တပ်လိုက်ပါတယ်နော်။ ချိုတာလေးကတော့ ၀က်သားဟင်းနဲ့ ကုလားပဲဟင်းပေါ့။ ချဉ်တာလေးကတော့ မုန်လာချဉ်သုပ်လေးပေါ့။ ဖန် ......... အဲ........ ဖန်တာလေးတော့ပါဘူးပေါ့။ :D ခါးတာလေးကတော့ ကြက်ဟင်းခါးသီးကြော်လေးပေါ့။ ကြိုက်နှစ်သက်ရာ ဟင်းကို အားမနာတမ်း သုံးဆောင်သွားပါအုံးလား။




ချို ချဉ် ဖန် ခါး ဟင်းလျှားများ (၀က်သားဟင်း၊ ကြက်ဟင်းခါးသီးကြော်၊ မုန်လာချဉ်သုပ်၊ ပဲဟင်း)


ဝက်သား ဗမာချက် (ဆီတော့နည်းနည်းများသွားတယ်။)


မုန်လာချဉ်သုပ် (မုန်လာချဉ်တည်နည်းကို ဒီမှာ ရေးဖူးပါတယ်။ အောက်မှာလည်း ကူးယူပြီး တင်ထားပေးပါတယ်နော်။)


ကြက်ဟင်းခါးသီးကြော် စပ်စပ်လေး


ကုလားပဲဟင်းချို ပူပူလေး (အိုးကလေး နဲ့ ပဲဟင်းပေါ့)



ဝက်သားချက်နည်း

ဝက်သားကို ရေဆေး ခပ်သေးသေးတုံးပြီး ဆား၊ အချိုမှုန့်၊ ဆနွင်းနဲ့နယ်လိုက်ပါတယ်။ ပြီးရင် ကြက်သွန်ဖြူ ၇ တက်၊ ကြက်သွန်နီ ၃ လုံးကို ရောပြီး ကြိတ်လိုက်ပါတယ်။ ၀က်သားချက်မယ့်အိုးထဲသို့ ဆီထည့်ပါ။ ဆီကျက်လာရင် ကြိတ်ထားတဲ့ ကြက်သွန်ဖြူနီကို အရင် ဆီသတ်လိုက်ပါ။ အိပြီး အရောင်နီသွားအောင်အထိပေါ့။ ပြီးရင် အရောင်တင် ငရုတ်သီးမှုန့် နဲ့ ဆနွင်းထည့်ပါ။ ပြီးရင် နယ်ထားတဲ့ ၀က်သားကိုထည့်ပြီး ၁၀ မိနစ်လောက် လုံးလိုက်ပါ။ ပြီးရင် ရေနွေးကို ၀က်သားမြုတ်အောင်အထိထည့်ပြီး မီးဖိုပေါ်တည်ထားပေးပါ။ ဆီပြန်လာရင်တော့ ၀က်သားဗမာချက် ရပါပြီရှင်။


မုန်လာချဉ်တည်နည်း

မုန်လာဥကို အခွံနွှာပြီး အရှည်လိုက် လှီးလိုက်ပါတယ်နော်။ မုန်လာဥ အရိုးအရွက်တွေပါ ပါရင် ပိုကောင်းတယ်။ ဒီမှာ ကတော့ အရွက်ပါတာ သိပ်မတွေ့ဘူး။ ရှိတော့ ရှိတယ်။ ရှားတယ်။ ပြီးနယ်မယ့် ဇလုံထဲသို့ ထမင်း လက်တဆုပ်ထည့်၊ ဆားထည့်(ပုံမှန်ထက် ၂ ဆထည့်) ပြီးအရင်နယ်ပါ။ ဆားနည်းလွန်းရင်လဲ စားလို့မကောင်းဘူးနော့်။ မချဉ်ဘူး ဖြစ်တတ်တယ်။ ထမင်းနဲ့ ဆားနဲ့ ရောသွားအောင် နာနာနယ်ပေးပါ။ ပြီးရင် အရှည်လိုက်လှီးထားတဲ့ မုန်လာဥကို ထည့်ပြီးနယ်ပေးပါ။ နယ်ပြီးရင်တော့ ဗူးသန့်သန့်လေးထဲမှာထည့်ပါ။ အရည်နဲ့လိုချင်ရင်တော့ ရေအေးအေး (ရေခဲရေ ဆို ပိုကောင်းတယ်) ထည့်ပါ။ ရာသီဥတုပူရင်တော့ ၃ ရက်ဆိုရပါပြီ။ ရာသီဥတုအေးရင်တော့ ၄ ရက်၊ ၅ ရက်လောက်ထားပေးပါ။ အချဉ်ရရင်တော့ ပိုပြီးမချဉ်သွားစေရန် ရေခဲသေတ္တာထဲထည့်ထားပေးပါ။ စားချင်တဲ့အခါထုတ်ပြီး သုပ်စားနိုင်ပါပြီနော်။


ကြက်ဟင်းခါးသီးကြော်နည်း

ကြက်ဟင်းခါးသီးကို နှစ်ခြမ်း ခြမ်းပြီး အစေ့ထုတ်လိုက်ပါတယ်။ ပြီးရင် ပါးပါးလှီးပါ။ ကြက်ဟင်းခါးသီး အရမ်းခါးနေဆိုးလို့ ဆားထည့်ပြီး အရင်နာနာနယ်လိုက်ပါတယ်။ ပြီးရင် ရေစင်အောင်ဆေးလိုက်ပါ။ ပြီးရင် ကြက်သွန်ဖြူ ၅ တက်၊ ကြက်သွန်နီ ၂ လုံးကို ပါးပါးလှီးထားပါ။ ပုဇွန်ခြောက်ကိုလည်း ထောင်းထားပါ။ ငါးပိ လက်တစ်ဆစ်လည်း လိုပါတယ်နော်။ စတင်ကြော်ပါတော့မယ်။ ကြော်မယ့်အိုးထဲသို့ ဆီထည့်ပါ။ ဆီကျက်လာရင် ပါးပါးလှီးထားတဲ့ ကြက်သွန်ဖြူ နီကို အရင်ကြော်လိုက်ပါ။ အနီရောင်သမ်းလာတဲ့အထိပေါ့။ ပြီးရင် ကြက်ဟင်းခါးသီးကိုထည့်၊ ငါးပိထည့်၊ အရောင်တင် ငရုတ်သီးမှုန့်ထည်၊ ငန်ပြာရည်ထည့်၊ အချိုမှုန့်ထည့်၊ ပုဇွန်ခြောက်ထောင်းထည့်ပြီး ၁၀ မိနစ်လောက် လုံးပေးပါ။ ပြီးရင် ကြက်ဟင်းခါးသီးအိသွားအောင်လို့ ရေနွေးနည်းနည်းလေး ထည့် အဖုံးပိတ်ပြီး မီးဖြည်းဖြည်းနဲ့တည်ထားပါ။ ရေခမ်းသွားရင်တော့ ကြက်ဟင်းခါးသီးကို မွှေပေးပါ။ ဆား အချိုမြည်းပါ။ အရသာ အဆင်ပြေသွားပြီ ဆိုရင်တော့ ငရုတ်သီး ခွဲခြမ်းဖတ်ထည့်ပါ။ နောက် ၅ မိနစ်လောက်ဆို မီးဖိုပေါ်က ချနိုင်ပါပြီရှင်။ ကြက်ဟင်းသီး စပ်စပ်ကြော် ရပါပြီရှင်။


ကုလားပဲဟင်းချို ချက်နည်း

ကုလားပဲကို ရေဆေးပြီး အရင်ပြုတ်ပါ။ ပဲပြုတ်ရင် အရင်ဆုံး ဆား လုံးဝ မထည့်ပါနဲ့နော်။ ဆားထည့်ပြုတ်ရင် ပဲပြုတ်ရတာ ပိုကြာပြီး နူးမလွယ်ပါဘူး။ ပဲတွေ ဆတ်တောက်တောက်ဖြစ်တတ်ပါတယ်။ ပဲနူးသွားပြီဆိုမှ ဆား အချိုမှုန့်တို့ ထည့်ပါ။ အဲ ............. ကြက်သွန်ဖြူနီ ဆီကျက်ချက်ရပါအုံးမည်။ ဆီအိုးတည်ပါ။ ကြက်သွန်ဖြူနီကို ပါးပါးလှီးပါ။ ဆီကျက်လာရင် ပါးပါးလှီးထားတဲ့ ကြက်သွန်ဖြူနီကို ထည့်ပါ။ အနီရောင်သမ်းလာတဲ့အထိ ကြော်ပါ။ ပြီးရင် ဆနွင်းနည်းနည်း၊ အရောင်တင်နည်းနည်းထည့်ပြီး မွှေပါ။ မွှေပြီးရင် မီးဖိုပေါ်ကနေချက်ချင်းချလိုက်ပါ။ အရောင်တင်နဲ့ ဆနွင်းတူးသွားမှာဆိုးလို့ပါ။ ပဲပြုတ်ထားတဲ့ အိုးထဲသို့ ကြက်သွန်ဖြူနီ ဆီကျက်ထည့်လိုက်ပါ။ ဒါဆိုရင်တော့ ပဲဟင်းချို ပူပူလေး ရပါပြီရှင်။



အားလုံး ကျန်းမာ ချမ်းသာကြပါစေရှင်။

ဗူးသီး နဲ့ ၀က်သားချက်

ဒီဟင်းက အရင်အပတ်တုံးကချက်တဲ့ဟင်းနော်။ ကြွေးကျန်တွေတင်နေတာ။ တစ်ရက်တစ်လေလဲ ဘာဟင်းချက်စားရမှန်းမသိဘူး။ အိမ်ရှင်မတွေများ ဟင်းချက်ရတာထက် ဟင်းစဉ်းစားရတာကို ပိုခက်မယ်ထင်တယ်နော်။ အစတုံးကတော့ အမေကဈေးသွားရင် ဘာဟင်းစားကြမလဲလို့ အမြဲတမ်းမေးတယ်။ အာ......... အမေကလဲ အမေကြိုက်တာ အဆင်ပြေတာချက်လို့။ အကုန်စားတယ်လို့။ ခုတော့ အမေရဲ့ဝဋ်တွေလည်နေပါပြီ။ ကိုယ်တော်ကြီး ရုံးသွားခါနီး ညနေစာဘာစားမလဲလို့မေးမေးရတယ်။ သူလဲ ပြောရှာပါတယ် သဘော့ပါ့တဲ့။ အဲလို သဘောပါ့လို့တော့ မပြောနဲ့လို့။ စားချင်တာပြောလို့။ ဒါမှ ချက်ရမှာပေါ့လို့။ ၁၀ ခါမေးရင် တစ်ခါတော့ပြောရှာပါတယ်။ တစ်နေ့တာ ဟင်းစပ်နည်းစာအုပ်ထွက်ရင်ကောင်းမယ်နော်။

ကျွန်မမှာ ငယ်ငယ်တုံးက မိုးကောင်းမြို့ တစ်ရပ်ကွပ်တည်းသားချင်းပဲ ယောကျာ်းလေးသူငယ်ချင်းတစ် ယောက်ရှိတယ်။ သူ မန္တလေးမှာ ကျောင်းတက်တော့ သူ့အမေက လိုက်လာလို့မအားဘူး။ အိမ်အလုပ်လဲရှိသေးတော့ အမျိုးတစ်ယောက်နဲ့ သူ့ကို မန္တလေးမှာကျောင်းထားတယ်။ ပြောချင်တာတွေဘယ်ရောက်သွားမှန်းမသိတော့ဘူး။ သူ့အမေက သူ့သားကို တစ်လလုံးစာ ချက်ရမယ့် ဟင်းစပ်တွေရေးပေးပြီးပို့တယ်။ နောက်တစ်လဆို နောက်တစ်ခါပြန်ပို့တယ်။ သူ့တွေ့ရင်တော့ သူ့အမေရေးပေးတဲ့ ဟင်းချက်နည်းစာအုပ်တောင်းပြီး ကော်ပီလေးကူးထားအုံးမှပဲ။ ကဲ ဒီနေ့တော့ ၀က်သားနဲ့ဗူးသီးအရော ဟင်းလေး သုံးဆောင်သွားပါအုံးလား။


အားနာနဲ့နော်။


ဝက်သား သုံးထပ်သား နဲ့ ရောချက်ထားပါတယ်။ ဆီလည် ရေလည်ချက်လိုက်တယ်။ ဟင်းရည်ချက်စရာလိုတော့ဘူးပေါ့။


ပဲပင်ပေါက်သုပ်။ ဒါက သူ့အကြိုက်။ (ပဲပင်ပေါက်ကို ရေနွေးဖျောလိုက်တယ်။ ပြီးရေစစ်လိုက်တယ်။ သုပ်မယ့်ပန်းကန်ထဲသို့ ပဲပင်ပေါက်ထည့်၊ ဆားထည့်၊ အချိုမှုန့်ထည့်၊ ပဲကျက်မှုန့်ထည့်၊ ငရုတ်သီးအကျက်မှုန့်ထည့်၊ ကြက်သွန်နီဆီကျက်ထည့်ပြီး သုပ်ထားပါတယ်။ ချဉ်စပ်လေးစားချင်ရင်တော့ သံပရာသီး (သို့) မန်ကျည်းမှည့်ရည်ထည့်ပါနော်။)



အအီပြေ စားသွားပါအုံးလား။

ဘူးသီးချဉ်ဟင်း နဲ့ ငါးပိထောင်း

ဟင်းရည်ကို ချဉ်ဟင်းဆက်တိုက်ချက်လိုက်ပါတယ်နော်။ ဒီနေ့တော့ ဘူးသီးချဉ်ဟင်းနဲ့ ငါးပိထောင်းပေါ့။ ဂျူးမြစ်လေးပါ ထည့်စားရင်ကောင်းမှကောင်းပဲ။ ဒီမှာတော့ ဂျူးမြစ်တွေ့မိပါဘူး။ ပင်နီဆိုလာမှာ ရမရတော့ မသိဘူး။ မတွေ့မိဘူးထင်တာပဲနော်။ ပြီးတော့ ၀က်အူချိုကို အချိုချက်ချက်လိုက်တယ်။


သုံးဆောင်သွားပါအုံးလား။


ဝက် အူချိုချက် (၀က်အူချိုကို ရေသေချာဆေး။ vinegar ၂ ဇွန်းလောက်ထည့်ပြီး ၁၅ မိနစ်လောက်နပ်ထားပါ။ ပြီးရေပြန်ဆေးလိုက်တယ်။ ဆား၊ အချိုမှုန့်၊ သကြား၊ စောကောမှုန့် နည်းနည်းဆီထည့်ပြီးနယ်လိုက်ပါတယ်။ ပြီး ကြက်သွန်နီ ၂လုံး လေးခြမ်းစိတ်ပြီး ဆီနည်းနည်းနဲ့ကြော်လိုက်ပါ။ ပြီး ၀က်အူချိုလဲထည့်၊ ရေနွေးလဲထည့်ပြီး နူးနေအောင်တည်ထားပါ။ ၀က်အူချိုနူးခါနီး ကြက်သွန်ဖြူ ၅ တက်၊ ၆ တက်လောက်ကို အခွံနွှာပြီး ဒီအတိုင်းထည့်လိုက်ပါတယ်။ ညိုညိုလေးဖြစ်အောင် ကြာညို့နည်းနည်းထည့်လိုက်ပါတယ်။



ငါးပိထောင်း (ငါးပိကင်၊ ပုဇွန်ခြောက်၊ ကြက်သွန်ဖြူ၊ ငရုတ်သီးစိမ်း၊ ငရုတ်သီးအကျက်မှုန့်၊ အချိုမှုန့်ထည့်ပြီး ထောင်းထားပါတယ်။)


ဘူးသီးချဉ်ဟင်း

ယနေ့ဟင်း

ဒီနေ့တော့ ကန်စွန်းချဉ်ဟင်းလေး ပါလာပါပြီနော်။ ကန်စွန်းရွက်ကို အချဉ်ဟင်းလေးချက်လိုက်ပါတယ်။ ကန်စွန်းရွက်ဆို အရိုးပိုကြိုက်လို့ အရိုးများတဲ့အစီးတော့ ရွေးဝယ်ခဲ့လိုက်တယ်။ အမှန်တကယ် ကန်စွန်းချဉ်ဟင်းလေးကို ပုဇွန်စိတ်သေးသေးလေးနဲ့ ချက်စားရင် အကြိုက်ဆုံးပဲ။ ပုဇွန်စိတ်သေးသေး ပိစိကွေးလေးတွေတော့ တခါတလေ တွေ့တယ်။ အဲဒါနဲ့ချက်စားရင်တော့ ကောင်းမလားမသိဘူး။တွေ့မှ ချက်စားကြည့်အုံးမယ်။ ဒီနေ့တော့ ဒါလေးပဲ သုံးဆောင်သွားပါအုံးနော်။



အားနာနဲ့နော်။


အမဲသားနဲ့အာလူးချက် ( အမဲသားချက်နည်းကို ဒီမှာ ရေးဖူးပါတယ်နော်)


ရိုးရိုးရှင်းရှင်းနဲ့ ကန်စွန်းချဉ်ဟင်း


ငရုတ်သီးထောင်း (ကြက်သွန်ဖြူ ၂ တက်၊ ငရုတ်သီး ၅ တောင့်၊ ပုဇွန်ခြောက်နည်းနည်း၊ ဆားနည်းနည်း၊ အချိုမှုန့်နည်းနည်း ထည့်ပြီးထောင်းထားပါတယ်။ နံနံပင်ရှိလဲ ထည့်ထောင်းစားနိုင်ပါတယ်။ ပိုမွှေးတယ်။ ဆီစိမ်းလေးကြိုက်လဲ ဆမ်းနိုင်ပါတယ်နော်။)

ယနေ့ဟင်း

ဒီနေ့တော့ အရည်သောက်လေးပါလာပါပြီနော်။ ဟင်းရည်စစ်စစ်ကြီးတော့ မဟုတ်သေးဘူး။ မှိုရှည်ရှည်ကို အရည်သောက် အဖတ်စားလိုချက်ထားတာပါ။

ဒီမှာလဲ နောက်ထပ် မှိုစပ်စပ်ချက်တွေနော်

ကူးကူးရဲ့ မှိုအမြီးရှည်ချဉ်စပ်ချက်

မိုးကောင်းသူရဲ့ မှိုနဲ့ကန်စွန်းစပ်စပ်ချက်



သုံးဆောင်သွားပါအုံးလား။


ပဲနှပ် (သူ့အကြိုက်။ ကုလားပဲ လက် ၂ ဆုပ်ကို ၁၅ မိနစ်လောက်ရေစိမ်ထားလိုက်တယ်။ ရေစိမ်ဖို့အချိန်မရလဲ။ တခါတည်း ပြုတ်လိုက်ပါ။ ပြီး ဘာမှမထည့်သေးဘဲ ကုလားပဲကို အရင်ပြုတ်လိုက်ပါ။ ဆားထည့်ပြီး ပြုတ်ရင် ကုလားပဲက ဆတ်တတ်တ်ကြီးဖြစ်တတ်တယ်။ မနူးမနပ်ဘူးလို့ပြောမလား။ ပဲနူးပြီဆိုမှ ကြက်သွန်နီ ၁ လုံး ကို ဆနွင်းနည်းနည်းထည့်ပြီး ကြော်လိုက်တယ်။ ဆားနည်းနည်းထည့်၊ အချိုမှုန့်နည်းနည်းထည့်၊ ပဲထည့်ပြီးရောမွှေလိုက်ပါတယ်။ အလွယ်တကူ ပဲနှပ်ရပါပြီ)


မှိုရှည်ရှည်ကို အရည်သောက်အဖတ်စားချက်လိုက်ပါတယ်။ အရည်သောက်မပါတော့ အူတွေလဲ ခြောက်နေရောပေါ့။ (ကြက်သွန်ဖြူ ၂ တက်၊ ကြက်သွန်နီ ၁ လုံးသေးသေး၊ ခရမ်းချဉ်သီး ၁လုံးသေးသေး ကိုအရင် ဆီသတ်လိုက်ပါတယ်။ ပြီး မှိုထည့်၊ ဆားထည့်၊ အချိုမှုန့်ထည့်၊ အရောင်တင်ထည့်၊ ရေနွေးနည်းနည်းထည့်လိုက်တယ်။ မီးဖိုပေါ်က ချခါနီး ငရုတ်သီးစိမ်းလေးလှီးပြီးထည့်လိုက်တယ်။ ကြက်သွန်မြိတ် ပါရှိလို့ ထည့်လိုက်တယ်။ အဲလိုချက်လိုက်ပါတယ်နော်။)


ငါးကြော်။ (ငါးသေတ္တာ ငါးလားမသိ။ ခေါင်းတွေကိုပါဖြတ်ပလိုက်တယ်။ မန်ကျည်းမှည့်နဲ့ပါဆေးလိုက်တယ်။ ပြီး ဆား၊ အချိုမှုန့်၊ ဆနွင်းနည်းနည်းထည့်ပြီး ကြော်လိုက်ပါတယ်။)

ဒီနေ့ဟင်း

ဒီနေ့လဲ ဟင်းတွေက အခြောက်ပဲ။ စိုစိုဖတ်ဖတ်ပါဘူး။ နောက်နေ့တော့ ပါပါမယ်နော်။


အားမနားတမ်း သုံးဆောင်သွားပါအုံးလား။ ဒီနေ့လဲ အရည်ပါဘူး။ အရည်ဓာတ်မကျဘူးဖြစ်နေတယ်။ ကိုယ်ဓာတ်ကျတဲ့ဟင်းပဲ ချက်လိုက်တယ်။ ဟီးဟီး



ငါးကြော် (ငါးအရောင်က နည်းနည်းနီသလိုလို၊ ပန်းရောင်ပဲသန်းသလိုလို ငါးပဲ။ နာမည်သိဘူး။ ကြော်စား ၊ ချက်စား၊ ကြော်ချက်လေးလုပ်စား ကောင်းတယ်။ ဆား၊ အချိုမှုန့်၊ ဆနွင်းထည့်ပြီး ကြော်လိုက်ပါတယ်။)


ပဲပုတ်ကိုကြော်ချက်လုပ်ထားပါတယ်။ ဒါက ကိုယ်တော်ကြီးအကြိုက်။ ကျွန်မတော့ နည်းနည်းပဲ စားလိုက်တယ်။
(Knife တံဆိပ်နဲ့ဗူးကိုဝယ်ခဲ့ပါတယ်။ အရည်တွေကို သွန်လိုက်တယ်။ အရည်ပါထည့်ချက်ရင် အရမ်းကြီးငန်လို့ပါ။ အငန်ကြိုက်လဲအရည်ပါထည့်ချက်နော်။ ကျွန်မကတော့ ပါတဲ့အရည်ကို သွန်ပြီး ပဲပုတ်လေးတွေကိုပဲချက်လိုက်ပါတယ်။ ချက်နည်းကတော့ .......... ကြော်မယ့်အိုးထဲသို့ ဆီနည်းနည်းထည့်ပါ။ ဆီကျက်လာရင် ကြက်သွန်ဖြူ ၃ တက်လောက်ထောင်းထည့်လိုက်ပါ။ ကြက်သွန်ဖြူ နည်းနည်းအိအောင်ကြော်လိုက်ပါ။ ပြီးရင် ဆနွင်းနည်းနည်းထည့် ၊ ပဲပုတ်ထည့် ၊ အချိုမှုန့်ထည့်ပြီး ကြော်လိုက်ပါတယ်။ (ဆားတော့ ထပ်မထည့်နဲ့တော့နော်) ၅ မိနစ် ၊ ၇ မိနစ်လောက်ဆိုရပါပြီ။ ငရုတ်သီးစိမ်းကြိုက်တတ်ရင်တော့ မီးဖိုပေါ်ကနေချခါးနီးထည့်လိုက်နော်။ ပင်စိမ်းရွက်လေးရှိလဲ ထည့်ပြီးအုပ်လိုက်ပါ။ ကျွန်မမှာတော့ မရှိလို့ ထည့်မအုပ်လိုက်ဘူး။

အိမ်မှာတော့ စမွတ်လို့ခေါ်လားမသိဘူး။ အဲဒီအရွက်အမွှေးအကြိုင်လဲထည့်တတ်တယ်။ ပဲပုတ်ကလဲတက် ၊ စမွတ်ကလဲတက်နဲ့ သွေးတိုးရှိရင်တော့ သတိထားနော်။



ကျန်မဆိုင်လား။ ကြံမဆိုင်လား။ ဘယ်လိုခေါ်လဲသိဘူး။ ကြံမဆိုင်သုပ် (ကြံမဆိုင်ကို ၁၀မိနစ်လောက် ရေစိမ်ထားလိုက်တယ်။ ဆားထွက်သွားအောင်လို့။ ပြီးရေဆေး၊ ပါးပါးလှီး၊ အချိုမှုန့်နည်းနည်းထည့်၊ ဆီစိမ်းနည်းနည်းထည့်၊ ငရုတ်သီးစိမ်းပါးပါးလှီးထည့်ပြီး သုပ်ထားပါတယ်)

ကြံမဆိုင်ကို သုပ်စား၊ အသားနဲ့ကြော်စား၊ ငါးနဲ့ပေါင်းစား၊ ၀က်ရိုးနဲ့ကြက်ရိုးနဲ့ ဟင်းရည်သောက်လုပ်စားလို့ကောင်းပါတယ်။


မက်မွန်သီး ချိုချိုအေးအေးလေး။ ချဉ်ရင်တော့ ငံပြာရည်နဲ့ငရုတ်သီးအကျက်မှုန့်နဲ့သုပ်စားမလို့ဘဲ။ ချိုတော့ ဒီအတိုင်းစားလိုက်တယ်။ (ကိုယ်တော်ကြီး ပြန်ရောက်လာရင် အဆင်သင့်ဖြစ်အောင်ဆိုပြီး ကြိုတင်လှီးထားတယ်။ ပြီးဗူးထဲထည့် ၊ ရေခဲသေတ္တာထဲထည့်ထားလိုက်တာ မည်းကုန်ပါပြီတော်။ တတ်နိုင်ဘူး ဒါလေးပဲ သုံးဆောင်သွားပါအုံးနော်။)

ယနေ့ဟင်းလျှာ

ခုတလော နေပူလို့ပဲလား ဘာလို့လဲသိဘူး ချက်ဟင်းတွေ သိပ်မစားချင်ဘူး။ ထမင်းလဲ စားမကောင်းတာ ဒီဘက်အိမ် ရောက်ကတည်းကပေါ့။ ထမင်း တစ်ပန်းကန်ကို တစ်ဝက်ပဲကုန်တယ်။ ဒီနေ့တော့ အရည်သောက်မပါဘူး။ ရေနဲ့သာ မျှောချလိုက်တယ်။ အရည်လဲသောက်ချင်ဘူးဆို။



အားမနာတမ်း သုံးဆောင်သွားပါအုံးလား။
ွ

ဝက်သား အမွကြော် (ကြော်ပြီးသား ၀ယ်ထားတာပါ)


ကျန်မဆိုင် နဲ့ ကြက်သားနဲ့ကြော်
(ကျန်မဆိုင်ကဆားများလို့ ရေစိမ်ထားလိုက်ပါတယ်။ ပြီးရေစစ်။ ကြက်သားကိုရေဆေးပြီး ပါးပါးလှီး၊ ဆား အချိုမှုန့်တို့နဲ့ နယ်လိုက်တယ်။ ကျန်မဆိုင်ကိုလဲ ပါးပါးလှီးထားလိုက်တယ်။ ကျန်မဆိုင်ဆိုရင် ကျွန်မက အရိုးတွေပိုကြိုက်လို့ အရွက်ပါတာ မ၀ယ်ခဲ့ဘူး။ အရွက်ပါတာလဲ ရှိတယ်နော်။ ကြော်မယ့်အိုးထဲသို့ ဆီနည်းနည်းနည်းထည့် ကြက်သားလေးကို အရင်ကြော်လိုက်ပါ။ ကြက်သားကျက်ပြီဆိုရင် ကျန်မဆိုင်ကိုထည့်ပါ။ ၃ မိနစ်လောက်ထပ်ကြော်လိုက်ရင် ရပါပြီ။ မီးဖိုပေါ်က ချခါနီး ငရုတ်သီးစိမ်းထည့်လိုက်ပါတယ်။ ဒါဆိုရင်တော့ ကြက်သားနဲ့ကျန်မဆိုင်ကြော် ရပါပြီ။ ဆား အချိုမှုန့်က လိုအပ်မှ ထပ်ထည့်တော့နော်။ )


ရုံးပတေသီးကြော် (ကြက်သွန်ဖြူ၊ ဆား၊ အချိုမှုန့် ဆီနည်းနည်းနဲ့ကြော်ထားပါတယ်)


ဖရဲသီးလဲ စားသွားအုံးနော်။ အားနာနဲ့။

ကြက်ဆီဖူးကြော် နဲ့ မုန်လာဥချဉ်ဟင်း

ဒီရောက်ကတည်းက ကြက်ဆီဖူးကို သတ်သတ် မ၀ယ်စားဖူးပါ။ မတွေ့တာလဲ ပါပါတယ်လေ။ ဟိုတလောက စုဘူးအိမ်လေး က ကြက်ဆီဖူးကြော်တင်တော့ စားချင်လိုက်တာ အရမ်းပဲ။ ဘယ်မှာဝယ်ရလဲလို့တောင် မေးယူရတယ်။ ဒီနေ့တော့ Shop n Save မှာ ကြက်ဆီဖူးတွေ့တာနဲ့ ပျော်ပျော်ကြီးဝယ်လာခဲ့တယ်။ သူကတော့ မကြိုက် ကိုယ်ပဲစားပလိုက်တယ်။





ကြက်ဆီဖူးကြော် သုံးဆောင်သွားပါအုံးလား။




ခရမ်းသီးကြော် သုံးဆောင်သွားပါအုံးလား။




မုန်လာဥ ချဉ်ဟင်း သုံးဆောင်သွားပါအုံးလား။ (ငါးရံခြောက်လေး နည်းနည်းပါ ထည့်ချက်လိုက်ပါတယ်)




ငွေပင်လယ် ငါးမုန့်ကြော် စားသွားအုံးနော်။


ကြက်ဆီဖူးကြော်ပုံ

ကြက်ဆီဖူးကို အဖုပါတဲ့ဘက် အပေါ်ကနေ ဓားနဲ့လှီးလိုက်ပါ။ ပြီး ရေနဲ့သေချာစွာဆေးပါ။ ကျွန်မကတော့ အနံ့နံမှာစိုးလို့ မန်ကျည်းမှည့်နဲ့ပါ ဆေးလိုက်ပါတယ်။ ပြီး ဆား၊ အချိုမှုန့်၊ ဆနွင်း၊ ဂျင်းလက်တစ်တဆစ်ထောင်း အရည် နဲ့နယ်လိုက်ပါတယ်။ ကြော်မယ့်အိုးတည်ပါ။ ဆီနည်းနည်းထည့်ပါ။ ဆီကျက်လာရင် နယ်ထားတဲ့ ကြက်ဆီဖူးကို ကြော်ပါ။ အဲ.........ဂျင်းလဲပါးပါးလှီးပြီး ထည့်ကြော်လိုက်ပါတယ်နော်။ ကြက်ဆီဖူးကြိုက်တတ်ရင်တော့ အဲလိုလေး ကြော်စားလဲ ကောင်းပါတယ်နော်။



ခရမ်းသီး ကြော်နည်း

ခရမ်းသီး အနေတော် ၁ လုံးကို အခွံနွှာ ရေဆေးပါ။ ပြီး ထမင်းအိုးအန် နဲ့ ပေါင်းလိုက်ပါတယ်။ အိတဲ့အထိ ပေါင်းပေးပါ။ ကြော်မယ့်အိုးတည်ပါ။ ဆီနည်းနည်းထည့်ပါ။ ဆီကျက်လာရင် ကြက်သွန်ဖြူ ၂ တက်ထောင်းကိုထည့် ၊ ဆနွင်းနည်းနည်းထည့်ပြီး ဆီသတ်ပါ။ ပေါင်းထားတဲ့ ခရမ်းသီးကို ဓားနဲ့တောက်တောက်စင်းပြီးထည့်၊ ဆား၊ အချိုမှုန့် နည်းနည်းထည့်ကြော်ပါ။ ဒါဆိုရင်တော့ ခရမ်းသီးကြော်ရပါပြီနော်။ ဒါကတော့ သူ့အကြိုက်။

မှို နဲ့ ကန်စွန်းရွက် စပ်စပ်ချက်

ဒီနေ့တော့ တချက်ခုတ် နှစ်ချက်ပြတ် ဟင်းချက်လိုက်ပါတယ်နော်။ ဘာဟင်းကြီးပါလိမ့်ဆိုပြီး စဉ်းစားစရာဖြစ်ကုန်တော့မည်။ နဂိုကမှ ဟင်းစဉ်းစားရတာ ဦးနှောက်ခြောက်ရတဲ့ အထဲနော်။ ဒီမိုးကောင်သူက တမျိုး။ အရိုးသီချင်းလို တွေ့ရာအကုန်ပစ်ထည့်ပြီး ချက်လိုက်ပါတယ်ရှင်။ ဒီဟင်းချက်နည်းကို သူငယ်ချင်းရဲ့မိန်းမ ဆီကနေရတာပါ။




မှိုနဲ့ကန်စွန်းရွက်ချက် စပ်စပ်လေး သုံးဆောင်သွားပါအုံးလား





စားချင်အောင် အမျိုးမျိုးရိုက်ထားလိုက်တယ်။




မှိုက ဒီမှိုပါရှင်။ တောင်ပို့မှိုအရသာနဲ့တော့ ဆင်တယ်။ ခပ်ချွဲချွဲလေး။ ဒီမှိုကို Fair Price (NTUC ) ၊ sheng siong ၊ wet market တွေမှာ ရတတ်ပါတယ်။ ကျွန်မတော့ Fair price ကနေ ၀ယ်လာတာပါ။ သြော်မေ့လို့ မှိုနာမည်ကို King Oyster Mushroom ဆိုပြီးရေးထားပါတယ်နော်။




လိုအပ်သောအရာ

ကန်စွန်းရွက် သေးသေး ၁ စည်း
မှို
ပုဇွန် လိုသလောက်ထည့်နော်
ခရမ်းချဉ်သီး ၂ လုံး
ကြက်သွန်ဖြူ ၂ တက်
ငါးပိ လက်တစ်ဆစ်
ငရုတ်သီး ၃ တောင့်


ချက်ပုံ

ကန်စွန်းရွက်ကို အနေတော်ဖြတ်ပြီးရေဆေးထားပါ။ မှိုကိုလဲ အရှည်လိုက်လှီးပါ။ ကြက်သွန်ဖြူကို ပါးပါးလှီးထားပါ။ ချက်မယ့်အိုးထဲသို့ ဆီထည့်ပါ။ ဆီကျက်လာရင် ကြက်သွန်ဖြူထည့်၊ ခရမ်းချဉ်သီးထည့်ပြီး လုံးထားပါ။ ခရမ်းချဉ်သီးနူးအိသွားရင် ပုဇွန်ထည့်၊ မှိုထည့်၊ ဆားထည့်၊ အချိုမှုန့်ထည့်၊ ငါးပိထည့်ပြီး ဆီပြန်လာအောင်ထားပါ။ အရည်စပ်စပ်လေးနဲ့စားချင် ဆီပြန်လာခါနီး ရေနွေးနည်းနည်းလေးထည့်ပါ။ စားတော့မယ်ဆိုရင် ကန်စွန်းရွက်ထည့်၊ ငရုတ်သီးထည့် ၃ မိနစ်လောက်ဆို မီးဖိုပေါ်က ချနိုင်ပါပြီနော်။ ကဲ ထမင်းမြိန်စေတဲ့ ဟင်းတခွက် ရပါပြီ။

မုန်လာဥကြော်

မုန်လာဥကို ထုံးစံအတိုင်း ချဉ်ဟင်းချက်မလို့ဘဲ။ တခါလာလဲချဉ်ဟင်း ဆိုရင် ဖြစ်သေးဘူး တမျိုးတဖုံပြောင်းချက်မှဆိုပြီး အချိုကြော်လေးလုပ်ပါတယ်။ ဖြူဖတ်ဖြူရော်နဲ့ အရောင်တွေ မပါတော့ စားလို့မကောင်းဘူးလို့မထင်လိုက်နဲ့နော်။ မုန်လာဥလေး နဲ့ ပုဇွန်လေးနဲ့ ရောကြော်လိုက်တော့ ချိုနေတာပါပဲ။ စားချင်အောင် ဒီလိုပဲ ကြံဖန်ပြောပလိုက်တယ်။ :D




မုန်လာဥကြော်လေး သုံးဆောင်သွားပါအုံးလား။




ဝက်အူချောင်းကြော်လေး သုံးဆောင်သွားပါအုံးလား။ Fair Price (NTUC) ကနေ ၀ယ်ခဲ့ပါတယ်။


မုန်လာဥကြော်အတွက် လိုအပ်သောအရာ

မုန်လာဥ ၁ ခြမ်း (မုန်လာဥက ကြီးလို့ တခြမ်းနဲ့လောက်ပါတယ်)
ကြက်သွန်နီ ၁ လုံးသေးသေး
ကြက်သွန်ဖြူ ၂ တက်
ပုဇွန်သေးသေး (ရယ်ဒီမိတ် အခွံခွာပြီးသားပါ။ Fair Price (NTUC) ကနေ ၀ယ်ခဲ့ပါတယ်။)



ကြော်ပုံ

မုန်လာဥကို အခွံနွှာ ရေဆေးပြီး ပါးပါးလှီးထားပါ။ ကြက်သွန်နီ ကြက်သွန်ဖြူကိုထောင်းထားပါ။ ကြော်မယ့်အိုး တည်ပါ။ ဆီနည်းနည်းထည့်ပါ။ ဆီကျက်လာရင် ထောင်းထားတဲ့ ကြက်သွန်နီ ကြက်သွန်ဖြူကိုထည့်ပြီး အရင်ဆီသတ်ပါ။ ကြက်သွန်နီ ကြက်သွန်ဖြူများ နူးအိသွားရင် ပုဇွန်သေးသေးထည့်၊ မုန်လာဥထည့်၊ ဆားထည့်၊ အချိုမှုန့်ထည့်ပြီး ကြော်ပေးပါ။ မုန်လာဥလေး ပိုနူးချင်ရင် ရေနွေးနည်းနည်းလေး ထည့်ပြီးကြော် ပေးနိုင်ပါတယ်နော်။ ဒီလိုလေးကြော်စားတော့လဲ ဟင်းတမျိုးတိုးတာပေါ့။ သုံးဆောင်သွားပါအုံးနော်။

ပဲကြီးနှပ် နဲ့ ငါးရံခြောက်ချက်

ပဲကြီးချက်စားရတဲ့အကြောင်းကတော့ နောက်တပတ်လဲ ၀ါးတီးရှိပါသေးတယ်။ မိုးကောင်းသူတို့ လင်မယား ဒီလ ဘာကံဇာတာတွေ တက်နေလဲမသိ။ သူငယ်ချင်းရဲ့မိန်းမက ပဲကြီးဟင်းရည်ကို ဆူးပုတ်နဲ့ ချက်ကျွေးမယ်၊ ပြီးတခြားဟင်းကောပေါ့။ ပဲကြီးကို ကျွန်မတို့နားက ကုလားမဆိုင်မှာ လာဝယ်ပါတယ်။ ပင်နီဆိုလာက သေးသေးလေးတထုပ်ကို ၂ကျပ် ၂၀ပြားပေးရတယ်။ ဒီမှာက ၁ကီလိုမှ ၃ကျပ် ၅၀ ပြားဆိုတော့ ပိုတန်သလားလို့ပါ။ ပြီးတော့ ကုလားမဆိုင်က ပဲမျိုးစုံရှိတယ်။ ဘာပဲလို့ ဘာပဲမှန်းမသိဘူး။ ဒီတော့ကျွန်မလဲ ပဲကြိုက်တဲ့ကိုယ်တော်ရှိတော့ ချက်စမ်းကြည့်အုံးမှဆိုပြီး ပဲကြီးကို ၀ယ်ခဲ့ပါတယ်။ ပဲကြီးကိုတော့ တခါမှ မချက်ဖူးပါ။ သူငယ်ချင်း အစ်မက ပဲကြီးကို ညနေချက်မယ်ဆိုရင် မနက်မှာရေစိမ်ထား။ ပြီးအခွံချွတ်လိုက်တယ်။ ပဲကြီးကို နှစ်ယောက်စာ တခွက်တည်းချက်ပေလို့တော်သေးတယ်။ အခွံချွတ်ရတာက နာရီဝက် လောက်တော့ အသာလေးကြာသည်။ (ဟိုနေ့ကျရင် လာစားမယ့်သူများမှာ အယောက် ၂၀ လောက်အသာလေးရှိမည်။ ပဲကြီးကို ဘယ်လိုချွတ်မလဲတော့ ကျွန်မလဲ မသိ) ပြီးတော့ ပဲကြီးက နူးလွယ်တဲ့အမျိုးတဲ့။ ဒါနဲ့ ကျွန်မလဲ ပဲကြီးကို မတို့ မထိပဲ ပြုတ်ထားလိုက်ပါတယ်။ ဟဲဟဲ ဒါပေမယ့် ဆီကျက်နဲ့လဲ ရောကြော်ရော ပဲကြီးလဲ ဘ၀ပျက်ပါလေရော။ ပဲကြီးရုပ်ပေါက်တောင်မမြင်ရတော့ဘူး။ မထူးပါဘူးလေဆိုပြီး ပဲကြီးကို ကျေအောင်သာ မွှေလိုက်ပါတော့တယ်။





ပဲကြီးနှပ်လေး သုံးဆောင်သွားပါအုံးလား။ ဓာတ်ပုံကို စတိုင်တမျိုးနဲ့ရိုက်ထားတယ်။ လှမလားလို့။






ငါးရံခြောက်ချက်လေးလဲ သုံးဆောင်သွားပါအုံးလား။ အိမ်က ပါးတဲ့ ငါးရံခြောက်ပါ။ ဒီတခါတော့ ငါးရံကို ချက်လိုက်ပါတယ်။ ကြက်သွန်ဖြူ နီ မပါပါဘူး။ ခရမ်းချဉ်သီးနဲ့ ပလိန်းချက်လိုက်ပါတယ်။ ဆိတ်သားခြောက်ချက်နည်းနဲ့ အတူတူပါပဲ။ ဒီမှာ ရေးဖူးပါတယ်နော်။




ပဲကြီးနှပ် အတွက် လိုအပ်သောအရာ

ပဲကြီး လက်နှစ်ဆုပ်
ကြက်သွန်နီ ၁ လုံး နဲ့ ကြက်သွန်ဖြူ ၃ တက် ဆီကျက် ၀ါဝါလေးချက်


ပဲကြီးနှပ်ပုံ

ပဲကြီးကို ရေစိမ်ထား။ ကြာကြာစိမ်လေ ကောင်းလေပါပဲ။ ဒါမှ အခွံခွာရတာ ပိုကောင်းတယ်။ အဲပြီးရင်တော့ ပဲကြီးကို ဇိမ်နဲ့ခွာပါတော့။ ဇတ်ကျောတော့ ညောင်းတယ်နော်။ မယုံ မရှိနဲ့နော် ကိုယ်တွေ့ ကိုယ်တွေ့။ အခွံခွာပြီးရင်တော့ ပဲကြီးကို ရေထည့်ပြီး နူးနေအောင်ပြုတ်ထားပါ။ ပဲကြီးနူးရင် ဆားထည့်၊ အချိုမှုန့်ထည့်၊ ကြက်သွန်နီ ကြက်သွန်ဖြူ ဆီကျက်ဝါ၀ါလေးနဲ့ ရောပြီးကြော်ပေးပါ။ ဆီရွှဲရွှဲလေးနဲ့ စားချင်ရင်တော့ ဆီကျက်များများထည့်ပါ။ ကျွန်မလဲ ဆီထည့်တော့ ထည့်တာပဲ။ ပဲက ဆီစုတ်တယ်နဲ့တူတယ်။ ဆီထည့်လိုက် ပျောက်လိုက်နဲ့။ အများကြီးလဲ ထည့်ရဲဘူး။ တော်နေဆီများပြီး အီနေမှာစိုးလို့။ ကဲ ဒါဆိုရင်တော့ ပဲကြီးနှပ်လေး ရပါပြီနော်။ လုပ်စားကြည့်ပါလား ဇာတ်ကျော တက်စေရမယ်။ ဟီးဟီး

ခရမ်းသီး နဲ့ အာလူးချက်

ဒီနေ့တော့ ဘာချက်ရမလဲလို့စဉ်းစားလိုက်တယ်။ မမအယ်ဇီလို လှချင်တာနဲ့ ဒီနေ့တော့ ခရမ်းသီးကို အာလူးနဲ့ရောပြီး ချက်စားလိုက်ပါတယ်။ အာလူးရောလိုက်တော့ ပိုများလှလားမလားလို့ပါ။ မမအယ်ဇီရေ လှချင်လို့ ဒီလိုလေး ချက်လိုက်ပါရစေနော်။ ခရမ်းသီးနဲ့အာလူး အလုံးသေးလေးတွေလဲ ရှိတာနဲ့ ရောပြီးချက်စားလိုက်ပါတယ်။ အာလူးအလုံးသေးဆိုလို့ ပြောရပါအုံးမည်။ ကျွန်မရဲ့သူငယ်ချင်း အမျိုးသမီး (ခုတော့ ကျွန်မနဲ့သူငယ်ချင်းဖြစ်နေပါပြီ) ဒီလိုပဲ ဖုန်းဆက်ဖြစ်ကြရင် ဟဲ့ ... ဒီနေ့ဘာချက်စားလဲ ဘာလဲ ညာလဲပေါ့။ ကျွန်မလဲ အာလူးသေးသေးလေးကို ၀က်သားနဲ့ရောချက်တယ်၊ ဆိတ်သားနဲ့ရောချက်တယ်၊ အမဲသားနဲ့ရောချက်တယ် စသဖြင့်ပေါ့။ အာလူးသေးသေးလေးက စားလို့လဲကောင်းတယ်။ ဆီးဆီးလေးလို့ပြောလိုက်တယ်။ အဲဒီတော့ သူလဲ ကျွန်မပြောသလို အာလူးသေးသေးကိုဝယ်ပြီးချက်စားပါတော့သည်။


အဲဒီမှာ အာလူးအလုံးသေး ဇာတ်လမ်းစပါပြီ။ ကျွန်မက အာလူးအလုံးသေးရင် အရင်ပြုတ်လိုက်တယ်။ ကျက်ပြီဆိုမှာ အခွံနွှာလိုက်ပါတယ်။ ဒါမှလဲ အခွံနွှာရတာ ပိုမြန်တာလေ။ အဲ ကျွန်မရဲ့သူငယ်ချင်းအမျိုသမီးကတော့ အစိမ်းလိုက်အာလူးကို အရင်နွှာတယ်။ အာလူးလေးက သေးသေးလေးဆိုတော့ နွှာရခတ်တာပေါ့။ သူ့မှာ တမနက်လုံး အာလူးနွှာနေတာ အချိန်တွေကုန်သွားတယ် အာလူးက နွှာလို့မပြီးသေးဘူးတဲ့။ အင်း ..........စိတ်ထဲမှာ ကျွန်မကိုလေ ရိုက်ချင်လိုက်တာတဲ့။ ပေါက်ပေါက်ရှာရှာ အာလူးသေးသေးကိုများ အလုပ်ရှုပ်ခံပြီး စားရတယ်ပေါ့။ ဒီလို အာလူးကို နွှာနေရရင်တော့ ထမင်းငတ်တော့မယ် မဖြစ်ချေဘူး ရသလောက်နဲ့အရင်ချက်မယ် ညနေမှ ကျန်တာကိုနွှာမယ်ဆိုပြီး တ၀က်ကိုသာချက်စားလိုက်ရတယ်။ အဲဒီနေ့လည်ကြတော့ ကျွန်မကိုဖုန်းဆက်ပြီးပြောလို့ သိလိုက်ပါ။ ဒါနဲ့ အာလူးအသေးကို ခရမ်းသီးနဲ့ရောချက်ရပါတော့တယ်ရှင်။

ိ
ဒီနေ့ သူငယ်ချင်းတယောက်ပါ ထမင်စားခေါ်ထားလို့ ဟင်းကို နည်းနည်းပိုချက်လိုက်ပါတယ်။



ခရမ်းသီး နဲ့ အာလူးချက်နေ သုံးဆောင်သွားပါအုံးလား




ဒီနေ့တော့ အမဲသားကို အတုံးသေးသေးတုံးပြီး ဆား၊ အချိုမှုန့်၊ ဂျင်းလက်တဆစ်ထောင်းအရည်၊ ဆနွင်းထည့်ပြီး ကြော်ထားတာပါရှင်။ အမဲကြော်လေးကော သုံးဆောင်သွားပါအုံးလား။



အစပ်လေးပါအောင်လို့ ငါးနီတူးလေးပါ ကြော်လိုက်တယ်။ ငါးနီတူးကြော်စပ်စပ်လေး သုံးဆောင်သွားပါအုံးလား။



ဒါကတော့ ထုံးစံအတိုင်း မုန်လာဥ ချဉ်ဟင်းပါ။ အချဉ်ဟင်းလေးပါ သုံးဆောင်သွားပါအုံးလား။




ခရမ်းသီး နဲ့ အာလူးချက် အတွက် လိုအပ်သောအရာ

ခရမ်းသီး အနေတော် ၂ လုံး
အာလူးသေးသေး ၁၀ လုံး
ကြက်သွန်နီ ၂ လုံး
ကြက်သွန်ဖြူ ၅ တက်
ပုဇွန်ခြောက်ထောင်း


ခရမ်းသီး နဲ့ အာလူးချက်ပုံ

အာလူးသေးသေးကို အရင်ဆုံး ပြုတ်ထားလိုက်ပါ။ အာလူးကျက်ရင်တော့ အခွံနွှာထားပါ။ အာလူးသေးသေးက အရင်ပြုတ်လိုက်မှ အခွံနွှာရတာ ပိုလွယ်ပါတယ်။ ခရမ်သီးကို အတုံးတုံးထားပြီး ရေးဆေးပါ။ါချက်ခါနီးမှ ရေဆေးပြီးတုံးပါ။ မဟုတ်လို့ရှိရင် ခရမ်းသီးက မည်းသွားတတ်ပါတယ်။ ဒါမှမဟုတ် အတုံးတုံးထားပြီး ရေနဲ့စိမ်ထားပေးပါ။ အာလူးပြုတ်နေတုံး ကြက်သွန်နီ၊ ကြက်သွန်ဖြူကို အခွံနွှာပြီး ထောင်းတာပါ။ီချက်မယ့်အိုးထဲသို့ ဆီနည်းနည်းထည့် ဆီကျက်လာရင် ထောင်းထားတဲ့ ကြက်သွန်နီ၊ ကြက်သွန်ဖြူ၊ ပုဇွန်ခြောက်တို့ကို ဆနွင်း၊ အရောင်တင် နည်းနည်းထည့်ပြီး ဆီသတ်ပါ။ နည်းနည်းလေးအိသွားအောင်အထိ ဆီသတ်ပါ။ ကြက်သွန်နီ ကြက်သွန်ဖြူလဲ အိသွားရင် တုံးထားတဲ့ ခရမ်းသီး နဲ့ ပြုတ်ပြီးအခွံနွှာထားတဲ့ အာလူးတို့ကိုထည့်၊ ဆားထည့်၊ အချိုမှုန့်ထည့်ပြီး ၅ မိနစ်လောက် ခဏလုံးထားပါ။ ပြီးရင် ရေနွေးနည်းနည်းထည့်ပြီး ဆီပြန်လာအောင်တည်ထားပေးပါ။ ဆီပြန်လာရင်တော့ ခရမ်းသီး နဲ့ အာလူးချက်ရပါပြီ။ သုံးဆောင်သွားပါအုံးလား။