Sunday, November 28, 2010

အချဉ်ပေါင်း နဲ့ ပိုးကောင်ကြော် စားကြရအောင်လား


ဒီနေ့ တစ်ကိုယ်လုံး ညောင်းပြီး ဖျားချင်သလိုလိုဖြစ်နေတယ်။ ဒါနဲ့ ချွေးလေး ဘာလေးထွက်သွားအောင် ရှူးရှူးရှဲရှဲဖြစ်မယ့် သရက်သီးသုပ်စားမယ်ဆိုပြီး သရက်သီးကို ခြစ်လိုက်တယ်။ ခြစ်နေရင်း မြည်းကြည့်လိုက်တော့ ချိုနေတာနဲ့ ဆက်မခြစ်တော့ဘဲ ရပ်လိုက်တယ်။ ခြစ်ထားတဲ့ တစ်ဝက်ကို ငရုတ်သီး ခွဲခြမ်းနဲ့ သံပရာရည်ပါထည့်ပြီး သုပ်လိုက်တယ်။ ကျန်တာကို အမြှောင်းရှည်ရှည် လှီးလိုက်တယ်။ လျောင်းရှားသီးလို့ ရေးလား စောင်းရှားသီးရေးလားမသိ ဘယ်လိုစာလုံးပေါင်းလဲ မသိ။ အဲဒါကိုပါ လှီးလိုက်တယ်။ ငရုတ်သီး ခွဲခြမ်းဖတ်နဲ့ ငံပြာရည်နဲ့ အချိုမှုန့်လေးထည့်ပြီး ငံပြာရည် ဖျော်လုပ်လိုက်တယ်။ ချို ချဉ် စပ် အချဉ်ပေါင်းလေး အားမနာတမ်း သုံးဆောင်သွားပါအုံးလား။



သရက်သီး ငပျင်းသုပ်ရယ်၊ သရက်သီး အမြှောင်းလိုက်ရယ်၊ စောင်းရှားသီးရယ်၊ ငံပြာရည်ရယ် တို့ပြီးတာ စားသွားနော်။


စားနေရင်း လမ်းတစ်ဝက်ရောက်မှ ပိုးကောင်ကြော် ရောက်လာတယ်။


ပြောနေရင်း သိပ်တောင် မကျန်တော့ဘူး။ အချဉ်လေး စားလိုက်၊ ပိုးကောင်ကြော်အဆိမ့်လေး စားလိုက်နဲ့ အလုပ်ဖြစ်နေတာပဲ။ :D


ကဲ နောက်ဆုံးမှာတော့ ဒါပဲ ကျန်တော့တယ်။ ခဏနေမှ ထပ်စားတော့မယ်။ သွားတွေလဲ ကျိန်းသွားပြီကွယ်။ :D


ကျန်းမာ ချမ်းသာကြပါစေ။

Sunday, November 21, 2010

မယ်ဇလီဖူးသုပ်


ပျော်ပွဲစား စားချင်လို့ပါရှင့်၊ ပျော်ပွဲစား စားချင်လို့ပါခင်ဗျ။ မန္တလေးမှာနေတုန်းက တန်ဆောင်တိုင် လပြည့်နေ့ဆို ပျော်ပွဲစား စားချင်လို့ပါရှင့်၊ ပျော်ပွဲစား စားချင်လို့ပါ ခင်ဗျ ကလေးတွေ ပိုက်ဆံ လာတောင်းကြတယ်။ လူလတ်ပိုင်းတွေလဲ အုပ်စုလိုက် စုပြီး အိုးစည် ဒိုးပတ်တွေ၊ အရုပ်တွေ လာကပြီး ပိုက်ဆံတောင်းကြတယ်။ ညနေပိုင်းတော့ ရတဲ့ ပိုက်ဆံနဲ့ မုန့်လုံးရေပေါ်၊ ရွှေရင်အေး၊ ဆန်ပြုတ် အဲဒါတွေ ပြန်လုပ်ပြီး စတုဒီသာ ပြန်ကျွေးကြတယ်။ တစ်ချို့တတ်နိုင်တဲ့အိမ်များတော့လဲ ကြာဇံကြော်၊ မုန့်ဟင်းခါး၊ ထမင်း အဲဒါတွေ ကျွေးကြတယ်။ ပျော်စရာကြီး။ ဒီနေ့ တန်ဆောင်တိုင် လပြည့်နေ့မို့ ဆေးပေါင်းခအောင် မယ်ဇလီဖူးသုပ် လုပ်စားလိုက်ပါတယ်နော်။ ဇော်ဝင်းထွဋ် သီချင်းလို ဆေးပေါင်းခတဲ့ညပေါ့ကွယ် ........... ဆေးပေါင်းခတဲ့ည ............. ဆေးပေါင်းခတဲ့ည ............. ဆေးပေါင်းခတဲ့ည သီချင်းလေး နားထောင်ပြီး ဒီနေ့တော့ မယ်ဇလီဖူးသုပ်ကို အားမနာတမ်း သုံးဆောင်သွားပါအုံးလား။



ချို ဆိမ့် ခါး သက် မယ်ဇလီဖူးသုပ်နဲ့ ရေနွေးကြမ်းနဲ့ အားမနားတမ်း သုံးဆောင်သွာပါ။ (ဒီနေ့ မယ်ဇလီဖူးသုပ်လဲ စားပြီးရော မျက်လုံးတွေလဲလေးနေပြီ။ ခေါင်းပြားနေအောင်အိပ်တော့မည်။ ဟီးဟီး)


စားချင်စဖွယ်ဖြစ်အောင် အနီးကပ် မယ်ဇလီဖူးသုပ်



မယ်ဇလီဖူး (ပင်နီဆိုလာကနေ ၃ ထုပ် ၀ယ်လာပါတယ်နော်)

လိုအပ်သောအရာ

မယ်ဇလီဖူး
မြေပဲဆံထောင်း (သို့) နှမ်းထောင်း
ပုဇွန်ခြောက်ထောင်း
ကြက်သွန်နီ ၂ လုံး


မယ်ဇလီဖူး သုပ်ပုံ

ဝယ်လဲတဲ့ မယ်ဇလီဖူးကို နောက်ထပ် ထပ်ပြီး ပြုတ်လိုက်ပါသေးတယ်။ ပထမ တစ်ရည်၊ ဒုတိယ တစ်ရည်၊ တတိယ တစ်ရည်၊ သုံးရည် ပြုတ်လိုက် သွန်လိုက် လုပ်လိုက်ပါတယ်။ အခါးဓာတ်ထွက်သွားအောင်ပါ။ပြီး လက်လှည့်ကျိတ်စက်လေးနဲ့ ကျိတ်လိုက်ပါတယ်။ ငရုတ်ဆုံနဲ့ ထောင်းလဲ ရပါတယ်။ ပြီး ကြက်သွန်နီကို ပါးပါးလှီးပြီး ဆနွင်းလေး နည်းနည်းထည့်ပြီး ကြက်သွန်နီ ဆီချက်လုပ်လိုက်ပါတယ်။ ပြီး သုပ်မယ့်ပန်းကန်ထဲသိုိ့ထောင်းထားတဲ့ (သို့) ကျိတ်ထားတဲ့ မယ်ဇလီဖူးထည့်၊ မြေပဲဆံထောင်းထည့်၊ ပုဇွန်ခြောက်ထောင်းထည့်၊ ငံပြာရည်ထည့်၊ အချိုမှုန့် နည်းနည်းထည့်၊ ကြက်သွန်နီ ဆီကျက်ထည့်ပြီး နယ်လိုက်ပါတယ်နော်။ ဒါဆိုရင်တော့ ချိုဆိမ့်ခါးသက် မယ်ဇလီဖူးသုပ် ရပါပြီနော်။



ကျန်းမာ ချမ်းသာကြပါစေ။

Sunday, November 7, 2010

လမ်းသရဲမုန့်

တနင်္ဂနွေနေ့ ညနေစောင်းပါလို့ ဘာလိုလို ညာလိုလို သောက်နေကြဆိုင်သို့ သွားဆို့ကွယ် လှမ်းဆို့ကွယ်။ အဲ .......... ဟုတ်ပါဘူး။ ဒါက ကိုယ်တော်ကြီး ဆိုတဲ့သီချင်းပါလေ။ တနင်္ဂနွေ ညနေလဲစောင်းလာပြီ။ လူလဲ ငူတူတူနဲ့ ပျင်းသလိုလို၊ ဖျားချင်သလိုလို၊ ဘာလုပ်ရမလိုလို၊ ညာလုပ်ရမလိုလိုနဲ့ လိုလိုတွေများနေပြီ။ ဒီအပတ် ၃ ရက်ရုံးပိတ်ကလဲ ခဏလေးလိုပါ့။ ဒါနဲ့ တနင်္ဂနွေညနေကို ငူတူတူ ဖြစ်နေမယ့်အစား တစ်ခုခုလုပ်စားလိုက်ပါလား ကိုယ့်ကိုယ်ကိုယ်ပြောလိုက်တယ် (စိတ်ထဲပါ)။ ကိုယ့်စိတ်ကို ပျော်အောင်ထားရမယ်။ ဒါနဲ့ စိတ်အလိုကို လိုက်ခါ လမ်းသရဲလုပ်စားလိုက်တယ်။ လမ်းသရဲ ပူပူစပ်စပ်လေးနဲ့ ရေနွေးကြမ်းလေးနဲ့လည်း စားပြီးရော နည်းနည်းတော့ စိတ်ထဲကျေနပ်သွားတယ်။ လမ်းသရဲကို ရန်ကုန်ရောက်မှ စားဖူးတာ။ မန္တလေးမှာတုံးကတော့ မုန့်ရေပါးဆိုပြီး ခရမ်းချဉ်သီးနဲ့ ချဉ်စပ်စားဖူးတယ်။ ဂေါ်ဖီတော့ မပါဘူးထင်တယ်။ ရန်ကုန်မှာတော့ လမ်းသရဲလို့လဲခေါ်တယ်။ ရေမုန့်လို့လဲခေါ်တယ်။ လမ်းသရဲလုပ်နည်းကို ဒီမှာလဲ တင်ထားဖူးပါတယ်။ လုပ်နည်းတော့ အဲဒီကနေ ထပ်ကူးလိုက်တယ်။ ဒီနေ့တော့ အားမနာတမ်း လမ်းသရဲမုန့်လေး သုံးဆောင်သွားပါအုံးလား။


ရေနွေးကြမ်းနဲ့ ချဉ်စပ် တစ်ခု ၊ ရိုးရိုးတစ်ခု


ဒါကတော့ ရှယ်လမ်းသရဲ (ကြက်ဥနဲ့)
ဒါကတော့ ရိုးရိုး လမ်းသရဲ


ဒါကတော့ ရှယ် မုန့်ရေပါး (ကြက်ဥနဲ့)


ဒါကတော့ ရိုးရိုး မုန့်ရေပါး

စတော်ပဲပြုတ် (ပင်နီဆိုလာက ၀ယ်ခဲ့တယ်)


အဆင်သင့် ပါးပါးလှီးထားပြီးသော (ဂေါ်ဖီ၊ ခရမ်းချဉ်သီး၊ ငရုတ်သီး၊ နံနံပင်)



ဆန်စိမ်းမုန့် ဖျော်ထားတဲဟာရယ်၊ ပဲပြုတ်ရယ်၊ ထည့်မယ် အဆာပလာတွေရယ်၊ ကုလားလေးမဆလာရယ်
လိုအပ်သောအရာများ

ဆန်စိမ်းမုန့်
ကြက်ဥ (သို့) ဘဲဥ
မြန်မာနံနံ
ခရမ်းချဉ်သီးအမှည့်
ငရုတ်သီးစိမ်း
စတော်ပဲပြုတ်
ဂေါ်ဖီထုပ်
ပဲပင်ပေါက်
ကုလားလေး မဆလာ

ပြုလုပ်နည်း
ဆန်စိမ်းမုန့်တစ်ဆ ရေနှစ်ဆထည့်ပါ။ ဆား၊ အချိုမှုန့် နည်းနည်းထည့်ပါ။ စားတဲ့ ဆော်တာ နည်းနည်းလေး ပါလေရုံထည့် ပါ။ ပြီးရင်စိမ်းမုန့်ပျော်ပျော်လေဖြစ်အောင်မွှေပါ။ ပဲပင်ပေါက်၊ (ဒီနေ့တော့ ပဲပင်ပေါက်မရှိလို့ မထည့်လိုက်ဘူးနော်။) ပါးပါးလှီးထားသော ခရမ်းချဉ်သီး၊ ဂေါ်ဖီထုပ်၊ မြန်မာနံနံ နှင့် ငရုတ်သီးစိမ်းတို့ကို ဆား၊ ကုလားလေး မဆလာ၊ အချိုမှုန့်ဖြင့်ရောနယ်ပါ။ မုန့်ရေပါးလုပ်ရန် အသင့်ဖြစ်နေပါပြီ။ အကြော်အိုးထဲ ဆီထည့်တည်ပါ။ ဆီကိုပါလေ
ရုံပဲထည့်ပါ။ ဆီကျက်ရင် ဖျော်ထားသော ဆန်မုန့်ကိုဇွန်းကြီးကြီး တစ်ဇွန်းနဲ့ခပ်ပါ။ အကြော်အိုးထဲသို့ ဝှေ့ချလိုက်ပါ။ ဒါမှလဲ ခပ်ပြားပြားဖြစ်မှာလေ။ ပြီးရင် နယ်ထားတဲ့ အဆာပလာထည့်၊ စတော်ပဲပြုတ်ထည့်၊ ကြက်ဥကြိုက်တတ်ရင် ကြက်ဥဖောက်ထည့်၊ ပြီးရင်တော့ အကြော်အိုးအဖုံးကိုဖုံးပါ။ ခဏနေ တစ်မိနစ်၊ နှစ်မိဆိုရင် ဆီကို ခပ်နည်းနည်းလေးဖြန်းပေးပါ။ မဟုတ်လဲ ဆီနည်းနည်းပဲ အိုးထဲသို့ ပွတ်ပေးပါ။ ဆီလဲ တအားမများစေနဲ့နော်။ များလွန်းလဲ စားရတာအီတယ်။ နည်းလွန်းပြန်ရင်လဲ အိုးကပ်မှာပူရသေးတယ်။ သုံးမိနစ်လောက်ဆိုရင်တော့ ကုလားလေး မဆလာနံ့နဲ့ နံနံပင်အနံ့လေးလဲမွှေးလာပါပြီ။ လမ်းသရဲမုန့် ရပါပြီနော်။



ကျန်းမာ ချမ်းသာကြပါစေ။