Friday, October 10, 2008

ယနေ့ ချက်စားဖြစ်သော ညနေစာဟင်းလျာများ



ပဲနှပ်၊ ခရမ်းချဉ်သီး ပန်ထရွေဖျော်၊ ဆိတ်သားခြောက်ကြော်ကျွတ်ကျွတ်လေး

Monday, October 6, 2008

လမ်းသရဲမုန့် (သို့) မုန့်ရေပါး................



ဒါကတော့ ရေနွမ်းကြမ်းနဲ့ မုန့်ရေပါး။ ကြိုက်သလောက်စားသွားနော်။ :D



ဒီအကြော်အိုးနဲ့လုပ်တာ အိုးမကပ်ဘူးဗျ။


ဒီမုန့်လုပ်နည်းကို ကျွန်မအန်တီဆီက သင်လာတာနော်။ အိမ်ကိုလာပြီး ကိုယ်တိုင်လာသင်သွားပေးတာ။ (ဒယ်အိုးပြားရယ်၊ မုန့်ရေပါးထိုးဖို့ သံဇွန်းပြားပြားရယ်ပါ ယူလာပြီး လုပ်ပေးတာ)။ ကျေးဇူးပဲ အန်တီရေ။ အခုတော့ လုပ်စားတတ်သွားပြီလို့ပြောရမယ်။ အော်ဒါမှာချင်တဲ့သူများ ကြိုတင်အော်ဒါမှာနိုင်ပါတယ်။ တစ်နာရီ တစ်ချပ်နှုန်း နဲ့ အမြန်ဆုံးဖြစ်အောင် လုပ်ပေးနေပါတယ်။ ဟီး ဟီး။ အစားနဲ့ပတ်သက်လာရင် ဒါဆို ဒါစားလိုက်ရမှကျေနပ်တဲ့သူပါ။ အိုး.........ဒါနဲ့ စကားတွေက ဘယ်တွေရောက်ကုန်ပါလိမ့်။ မုန့်ရေပါးဆီပြန်သွားအုံးမှ။
လမ်းသရဲမုန့်ဆိုလို့ စားရမှာတောင်ကြောက်သွားလား။
ဟုတ်ပါ့နော်။ မုန့်နာမည်လဲပေးစရာရှားလို့နော်။ ကြံကြံဖန်ဖန်လမ်းသရဲလို့ပေးရတယ်။
ရန်ကုန်အခေါ်အဝေါ်အနေနဲ့ လမ်းသရဲမုန့်လို့ခေါ်ကြတယ်။
တစ်ချို့ကလဲ မုန့်ရေပါး၊ ရေမုန့်၊ မုန့်ပျစ်သလက် စသဖြင့်ခေါ်ကြတယ်။
ဘယ်လိုပဲခေါ်ကြပါစေ။ စားလို့ကောင်းရင်ပြီးတာပဲပါလေ။ နော်။
လိုအပ်သောစာရင်းများ
၁။ ဆန်စိမ်းမုန့်
၂။ ကြက်ဥ (သို့) ဘဲဥ
၃။ မြန်မာနံနံ၊ ပဲပင်ပေါက်၊ ခရမ်းချဉ်သီး၊ ငရုတ်သီးစိမ်း၊ စတော်ပဲပြုတ်၊ ဂေါ်ဖီထုပ်
၎။ မဆလာ

ပြုလုပ်နည်း
၁။ဆန်စိမ်းမုန့်တစ်ဆ ရေနှစ်ဆထည့်ပါ။ ဆား၊ အချိုမုန့် အနေတော်ထည့်ပါ။ ဆန်စိမ်းမုန့်ပျော်ပျော်လေဖြစ်အောင်မွှေပါ။
၂။ ပါးပါးလှီးထားသော ခရမ်းချဉ်သီး၊ ဂေါ်ဖီထုပ်၊ မြန်မာနံနံ နှင့် ပဲပင်ပေါက်၊ ငရုတ်သီးစိမ်းတို့ကို ဆား၊ မဆလာ၊ အချိုမုန့်ဖြင့်ရောနယ်ပါ။ မုန့်ရေပါးလုပ်ရန် အသင့်ဖြစ်နေပါပြီ။ အကြော်အိုးထဲ ဆီထည့်တည်ပါ။ ဆီကိုပါလေ
ရုံပဲထည့်ပါ။ ဆီကျက်ရင် ဖျော်ထားသော ဆန်မုန့်ကိုဇွန်းကြီးကြီး တစ်ဇွန်းနဲ့ခပ်ပါ။ အကြော်အိုးထဲသို့ ဝှေ့ချလိုက်ပါ။ ဒါမှလဲ ခပ်ပြားပြားဖြစ်မှာလေ။ ပြီးရင် နယ်ထားတဲ့ အဆာပလာထည့်၊ စတော်ပဲပြုတ်ထည့်၊့်ကြက်ဥဖောက်ထည့်၊ ပြီးရင်တော့ အကြော်အိုးအဖုံးကိုဖုံးပါ။ ခဏနေ တစ်မိနစ်၊ နှစ်မိဆိုရင် ဆီကို ခပ်နည်းနည်းလေးဖြန်းပေးပါ။ ဆီလဲ တအားမများစေနဲ့နော်။ များလွန်းလဲ စားရတာအီတယ်။ နည်းလွန်းပြန်ရင်လဲ အိုးကပ်မှာပူရသေးတယ်။ အိုး...........သုံးမိနစ်လောက်ဆိုရင်တော့ အနံလေးလဲမွှေးလာပါပြီ။ စားချင်စိတ်တွေ တဖွားဖွားပေါက်လာပါလိမ့်မယ်။ ဟီး ။ ဟုတ်မဟုတ်စမ်းလုပ်ကြည့်ပါ။ ကောင်းရင်တော့ ကျွန်မ လက်ရာနော်။ မကောင်းရင်တော့ .... ။ ရေနွေးကြမ်းလေးနဲ့ စားလိုက်ရရင်ဖြင့် လူဖြစ်ရကျိုးနပ်လေရဲ့။ ဟုတ်တာမဟုတ်တာတော့မသိပါ။ တတ်သလောက်မှတ်သလောက်လုပ်စားလိုက်ပါတယ်။ စတော်ပဲပြုတ်မရှိလို့ မထည့်လိုက်ရပါဘူး။ ကဲ ရှူးရှူးရှဲရှဲနဲ့ သုံးဆောင်နိုင်ပါပြီရှင်။ တစ်ချို့က ကြက်ဥ၊ ဘဲဥအစား ၀က်ဆီဖတ်ကြော်ကိုထည့်စားကြတယ်။
(အခုမှ စရေးလို့ စာလုံးပေါင်းမှားရင် သည်းခံခွင့်လွတ်ပေးကြပါရန်။)

Saturday, October 4, 2008

ရှမ်းခေါက်ဆွဲ(သို့)ရေစိမ်ခေါက်ဆွဲ



ဒါက အရည်ဖျော် ရှမ်းခေါက်ဆွဲပါ။

အရည်နဲ့ အရှည်ဆိုရင်အကုန်ကြိုက်တယ်။ ပြောချင်တာက ရှမ်းခေါက်ဆွဲ(ဆန်ဆီး၊ ဆန်ဖွယ်၊ရေစိမ်)၊ မီးရှည်၊ မုန့် ဟင်းခါး၊ အုံးနို့ခေါက်ဆွဲ၊ အာပူလျှာပူ၊ ကြာဇံဟင်း.......စတာတွေကိုပြောတာပါနော်။ ဒီမှာနိုင်ငံရောက်မှ အ လွယ်တကူ အဆင်သင့်လုပ်ပြီး မုန့်ဟင်းခါးကိုသာ ချက်စားတတ်ကြပါတယ်။ (အိမ်ကကိုယ်တော်ကြီးကြိုက်သော ကြောင့်) တပတ်တခါမုန်းဟင်းခါးချက်စားကြသလို ရှမ်းခေါက်ဆွဲလဲလုပ်စားပါသေးတယ်။ အိမ်မှာဆိုရင်တော့ ရှမ်းခေါက်ဆွဲ(ဆန်ဆီး) သာ အမြဲတမ်းချက်စားတတ်ပါတယ်။

လိုအပ်သောအရာ
၁။ရှမ်းခေါက်ဆွဲ(ခေါ်)ရေစိမ်ခေါက်ဆွဲ (၀မ်းဘဲ တံဆိပ်ခေါက်ဆွဲခြောက်သာ ၀ယ်စားတတ်တယ်။ တစ်နာရီလောက်တော့ ရေစိမ်ထားရပါတယ်။)
၂။ ကြက်သား(သို့)၀က်သား
၃။ ကြက်သွန်နီ၊ ကြက်သွန်ဖြူ
၎။ ခရမ်းချဉ်သီး
၅။ မြေပဲဆံထောင်း
၆။ ပဲပင်ပေါက်
၇။ ၀က်ခေါက်
၈။ ကြက်သွန်မြိတ်
၉။ တိုပန်ကျန်
၁၀။ စောကောမုန့်
၁၁။ ကော်မုန့်
၁၂။ ရှမ်းချဉ်(သို့) ဂေါ်ဖီချဉ်

အသားအနစ်ချက်ပြုတ်ပုံ

ကြက်သား(သို့)၀က်သားကို အတုံးသေးသေးတုံးပါ။ ကြက်သွန်နီကို လေခြမ်းစိတ်လှီးပါ။ ကြက်သွန်ဖြူ၊ ခရမ်းချဉ်သီးကိုလဲ ပါးပါးလှီးထားပါ။ ချက်မယ့်အိုးထဲသို့ ဆီနည်းနည်းထည့်ပါ။ ဆီကျက်လာရင် ကြက်သွန်နီ၊ ကြက်သွန်ဖြူကို အရင်ထည့်ပါ။ ကြက်သွန်နီ၊ ကြက်သွန်ဖြူများ အိသွားအောင်ကြော်ပါ။ ပြီးရင် ခရမ်းချဉ်သီးထည့်ပါ။ ဆီနည်းနည်းပြန်လာအောင်ထိ ချက်ပါ။ ဆီပြန်လာရင် တုံးထားသော ကြက်သား(သို့)၀က်သားကိုထည့်၊ တိုပန်ကျန်၊ ဆား၊ အချိုမုန့်၊ ငရုတ်သီးအရောင်တင်မုန့်၊ စောကောမုန့် အနည်းငယ်တို့ကို ထည့်ပေးပါ။ သမအောင်မွေပေးပါ။ ရေနည်းနည်းထည့်ပါ။ အသားများ ဆီပြန်လာအောင်ချက်ပေးပါ။ အဆင်သင့် စားသုံးနိုင်သော အသားချက်အနှစ်ရပါပြီ။ ပြီးရင် ပဲပင်ပေါက်ကိုရေနွေးဖျောထားပါ။

ကြက်သွန်ဖြူဆီချက်မွှေးချက်နည်း

ဆီအိုတည်ပါ။ ပါးပါးလှီးထားသောကြက်သွန်ဖြူကိုထည့်ပါ။ အရောင်များနီရဲလာအောင်အထိကြော်ပေးပါ။ စောကောမုန့်ထည့်ပါ။ မွှေးကြိုင်သော ဆီကျက်မွှေး ချက်နည်းပါ။

ကော်ရည်ကျိုနည်း

ကော်မုန့်နည်းနည်းကို ရေအေးအေးဖြင့်ဖျော်ပေးပါ။ ကော်မုန့်ကျိုမည့် အိုးထဲသို့ ထည့်ပါ။ မီးနည်းနည်းနဲ့ ကျိုပေးပါ။ အဆက်မပြတ်မွေပေးပါ။ ဖျော်ထားသော ကော်မုန့်ရည် ဆူလားပြီး အရောင်ကြည်လာရင် ရပါပြီ။

ရှမ်းခေါက်ဆွဲပြင်ဆင်ပုံ

စားမယ့် ပန်းကန်ထဲသို့ ရှမ်းခေါက်ဆွဲ ပြုတ်ထည့်၊ ပြုတ်ထားသော ပဲပင်ပေါက်ထည့်၊ အသားအနှစ်ထည့်၊ မြေပဲဆံထောင်းထည့်၊ ဆီကျက်ထည့်၊ ကော်ရည်အနည်းငယ်ထည့်၊ ကြက်သွန်မြိတ်ထည့် ၀က်ခေါက်နဲ့တွဲပြီး စားသုံးနိုင်ပါပြီ။ ဒါက ရှမ်းခေါက်ဆွဲ အသုပ်ပါ။ အရည်ဖျော်နဲ့ စားချင်ရင်တော့ ကြက်ရိုးပြုတ်(သို့) ၀က်ရိုးပြုတ် ရည်ကိုထည့်ပြီး စားသုံးနိုင်ပါပြီ။
(ဆား၊ အချိုမုန့်ကို လိုအပ်မှ ထည့်ပါ။ အသားအနှစ်ထဲ ပါပြီးသားမို့ ငန်သွားမှာစိုးလို့ပါ။)

Friday, October 3, 2008

ကျွန်မရဲ့ဖြစ်ပုံ ဖြစ်ပုံ ကမ်းကုန် ကမ်းကုန်..................

အိမ်ထောင်သည် ဘ၀ အစအဖြစ်အပျက်များ

၁။ ထမင်းပေါင်းအိုး

အိမ်ထောင်သက် ၃ လအတွင်း ထမင်းပေါင်းအိုး ၃ လုံးဝယ်ရလို့ပါ။(ပထမ တလုံး နှစ်လနဲ့ပျက်၊ ဒုတိယတလုံး ၁၀ ရက်နဲ့ပျက်၊ တတိယတလုံး လျက်ရှိချက်လို့ရနေဆဲပါ။


လက်ရှိထမင်းပေါင်းအိုး (ဓာတ်ပုံတော့ အင်တက်နက်က ယူပြီး ပြန်ပြင်ထားတာပါ။)


၂။ လျှပ်စစ်ရေနွေးအိုး

ပထမတအိုး မီးတော့လင်းတယ်။ ရေက မဆူလာတော့ဘူး။ ဒါပေမယ့် ပြောအားတော့ရှိပါတယ်။ ထမင်းပေါင်းအိုးထက်စာရင် ရေနွေးအိုးက ပိုကြာမှ ပျက်တာပါလို။ ပထမရေနွေးအိုးက ၄ လကျော်အထိခံပါ တယ်။ ဒုတိယတအိုး လက်ရှိဆူနေဆဲ။


လက်ရှိရေနွေးအိုး (ဓာတ်ပုံတော့ အင်တက်နက်က ယူပြီး ပြန်ပြင်ထားတာပါ။)


၃။ လျှပ်စစ်ဘုတ်ခုံ(Extension Socket 4 way)

မီးကြွေထိုးနေရင်း(မီးပူတိုက်နေရင်း) ဖောင်း၊ဘောင်း ဆိုပြီး အသံထွက်လာသည်။ ဒီလိုလေး မီးကြွေလေးထိုးနေရင်းက လျှပ်စစ်ဘုတ်ခုံလေး ပျက်သွားသည်။ နောက်ထပ်အသစ် သုံးလို့ရနေဆဲ။

(မှတ်ချက်။ ။ ကိုယ်တော်က ပြောတယ် မိန်းမနဲ့ လျှပ်စစ်ပစ်စည်းနဲ့ မတည့်ဘူးတဲ့။)


၎။ ငရုတ်ကျည်ပွေ့

ငရုတ်ဆုံကိုရေဆေးရင် ထုံးစံအတိုင်း မှောက်လိုက်သည်။ ငရုတ်ကျည်ပွေ့လဲ အမှုမဲ့ အမှတ်မဲ့ ဒီအတိုင်းတင်လိုက်မိသည်။ လိမ့်ကျပြီး ကျိုးပါလေရော။ နောက်ထပ် ငရုတ်ကျည်ပွေ့အသစ် မကျိုးသေးပါ။ (ဒီမှာ ငရုတ်ကျည်ပွေ့ကြီးပဲ သတ်သတ်ဝယ်ရတာ ခက်လိုက်တာ။ ခွဲပြီးမရောင်းချင်ကြဘူး။ ငရုတ်ဆုံတစုံလုံးဝယ်တုံးက S$ 12 ပေးရတယ်။ ငရုတ်ကျည်ပွေ့တခုတည်းဝယ်တော့ S$ 6 ပေးခဲ့ရတယ်။ ဒါတောင် မနည်းရှာပြီးဝယ်ခဲ့ရတာ။ ဒီလိုဆိုတော့ ကိုယ်တော်က ပြောသေးတယ် လျှပ်စစ်ပစ်စည်းမဟုတ်လဲ မတည့်ဘူးတဲ့။ ကျိုးသေးတာပဲလားတဲ့။ ဟဲဟဲ တမင်တကာလုပ်တာမှ မဟုတ်တာ သတ်နိုင်ဘူးလေ။ နော်)


လက်ရှိ ငရုတ်ဆုံ (ငရုတ်ကျည်ပွေ့အသစ်နဲ့ပေါ့)