Saturday, June 12, 2010

ငါးခေါင်းဟင်း (Curry Fish Head )

ထမင်းအိုးဘလော့လေးလဲ ဟင်းအသစ်မတင်ဖြစ်တာ တော်တော်ကြာသွားပြီ။ အလုပ်များနေတာရော အပျင်းကြီးနေတာရော နဲ့ ဘာဟင်းမှ အသစ်မတင်ဖြစ်ဘူး။ အပျင်းကြီးနေတာက များနေတာပါလေ။ မိုးကောင်းသူကိုကော မှတ်မိကြပါအုံးမလားမသိဘူး။ လာလည်သူတွေလဲ အသစ်မရှိဘဲ ပြန်ပြန်သွားရတာ တကယ်ကြီးကို အားနာပါတယ်ရှင်။ လာလည်သူအားလုံးကိုလဲ အထူးကျေးဇူးတင်ပါတယ်။ ဒီနေ့တော့ ငါးခေါင်းဟင်းရည်ချက်ကို တင်လိုက်ပါတယ်ရှင်။ အားမနာတမ်းသုံးဆောင်သွားပါအုံးနော်။



ငါးခေါင်းဟင်း ချိုချဉ်စပ်လေး သုံးဆောင်သွားပါအုံးလား။


ငါးခေါင်းဟင်းအတွက် လိုအပ်သောအရာ

ငါးခေါင်း တစ်ခြမ်း
ကြက်သွန်နီ ၂ လုံး (ပါးပါးလှီးထားပါ)
ကြက်သွန်ဖြူ ၇ တက် (ထောင်းထားပါ)
ခရမ်းချဉ်သီး ၂ လုံး (လေးစိတ်ခြမ်းထားပါ)
ခရမ်းသီး ၂ လုံး (အနေတော် တုံးထားပါ)
ရုံးပတေသီး ၇ ချောင်း (နှစ်ပိုင်း ပိုင်းထားပါ)
ငရုပ်သီးစိမ်း ၁၀ တောင့်
ပြင်းတော်သိမ်ရွက်
မကျည်းမှည့် ကွမ်းသီးလုံးလောက် (အရည်ဖျော်ထားပါ)
ငါးခေါင်းဟင်း အနှစ်ထုပ် ၁ ထုပ် (ကျွန်မကတော့ ဈေးထဲက ကုလားဆိုင်ကနေ ငါးခေါင်းဟင်းချက်ချင်လို့ စပ်ပေးပါလို့ ပြောပြီးဝယ်ခဲ့တယ်။ ရယ်ဒီမိတ်ထုပ်ထက် ကုလားဆိုင်ကစပ်ပေးတာက ပိုကောင်းပါတယ်။ကိုယ်လိုချင်တာကို လိုတိုးပိုလျှော့လုပ်လို့လဲရတယ်။ ကျွန်မက စပ်စပ်လေးစာချင်တော့ ငရုတ်သီးအနှစ်များများထည့်ပေးပါလို့ ပြောလိုက်တယ်။ )


ငါးခေါင်းဟင်းချက်နည်း

ငါးခေါင်းကို ရေနဲ့သေချာစွာဆေးပါ။ ပြီး ဆား အချိုမှုန့်နဲ့ နယ်ထားပေးပါ။ ငါးခေါင်းဟင်းချက်မယ့်အိုးတည်ပါမယ်။ အိုးထဲသို့ ဆီအနည်းငယ်ထည့်ပါ။ ဆီကျက်ရင် ပါးပါးလှီးထားတဲ့ ကြက်သွန်နီ နဲ့ ထောင်းထားတဲ့ ကြက်သွန်ဖြူကို အရင် ဆီသတ်လိုက်ပါတယ်။ အနီရောင်သန်းလာတဲ့အထိကြော်လိုက်ပါ။ ပြီး ပြင်းတော်သိမ်ရွက်ကို ရေဆေးပြီး ထည့်လိုက်ပါ။ သူ့ကို အရင် ဆီသတ်လိုက်တော့ အနံ့ကပိုပြီးမွှေးပါတယ်။ ပြီး ငါးခေါင်းဟင်း အနှစ်ထုပ်ကို ထည့်လိုက်ပါ။ ၃ မိနစ်လောက် ဆီသတ်ပြီးရင် ငံပြာရည်ထည့်၊ ရေနွေးအနည်းငယ်ထည့်လိုက်ပါ။ ဆူနေအောင်တည်လိုက်ပါ။ ပြီး ဖျော်ထားတဲ့ မကျည်းမှည့် အရည်ကိုထည့်ပါ။ ဆူနေအောင်တည်လိုက်ပါ။ ဆူလာရင် ငါးခေါင်းကိုထည့်ပါ။ ဆူလာအောင်တည်ပါ။ ဆူလာရင် လှီးဖြတ်ထားတဲ့ ခရမ်းချဉ်သီး၊ ခရမ်းသီး၊ ရုံးပတေသီး နဲ့ ငရုတ်သီးကိုထည့်ပြီး ၁၀ မိနစ်လောက်တည်ထားပါ။ ဒါဆိုရင်တော့ ငါးခေါင်းဟင်း(ခေါ်) Curry fish head ရပါပြီရှင်။ အားမနာတမ်း သုံးဆောင်သွားပါအုံးနော်။

6 comments:

Nge Naing said...

ဗိုက်ဆာသွားပြီ ထမင်းသွားစားမှ ဖြစ်တော့မယ်။ အိမ်မှာလည်း ငါးဟင်းချက်တယ်။ ဒါပေမဲ့ ခရမ်းချဉ်သီးကို ရုပ်ကြက်သွန်ဆီသန့်ပြီး တခါတည်းထည့်လိုက်တယ်။ ခရမ်းချဉ်သီးကြေမှ ငါးကိုထည့်တယ် ငါးကျက်အောင်တည်ပြီးတာနဲ့ မာဆလာနဲ့ နံနံပင်အုပ်လိုက်တယ်။ ပြင်းတော်သိမ်ရွက်နဲ့ နံနံပင်ပဲ ကွာတယ် အရသာတော့ တူမယ်ထင်တယ်။ ထမင်းသွားစားတော့မယ်။

ဂျူနို said...

မိုးကောင်းသူရယ် ပေါ်မယ့် ပေါ်လာတော့လည်း ခေါင်းကြီးကိုင် ထွက်လာတာကိုး။:))

ငါးခေါင်းဟင်းကြိုက်တယ်။


မအယ်

Evy said...

Delicious!!

T T Sweet said...

ပျောက်နေတဲ့ မိုးကောင်းသူလေး ငါးခေါင်းဟင်းလာစားသွားပါတယ်။ ရှလွတ် ...

မြတ်မွန် said...

အဝကို စားသွားတယ်..မမရေ..
ကြည့်ကြည့်ပြီးချက်ဖြစ်ပါတယ်။
ကျေးဇူးတင်ပါတယ်ရှင်။

Vista said...

ချက်စားအုံးမယ်