Tuesday, January 12, 2010

အမေ့အိမ်မှ စားခဲ့သော ရှမ်းခေါက်ဆွဲများ (မိုးကောင်း ချက်နည်း)

ပြီးခဲ့တဲ့ ဒီဇင်ဘာလက အမေ့အိမ်သို့ အလည်တစ်ခေါက်ပြန်ခဲ့ပါတယ်။ အမေ့အိမ်သို့ ရောက်ရောက်ချင်း ကြိုဆိုနေသော စားစရာကတော့ မိုးကောင်း ရှမ်းခေါက်ဆွဲပါပဲရှင်။ ဆောင်းတွင်းရာသီမို့လို့ ပဲရွက် (ခေါ်) ပဲလိပ်ပြာရွက်ပါ တွဲပြီးစားခဲ့ရပါတယ်။ အစားအသောက်မီးလိုတောက်သော မိုးကောင်းသူအတွက် မနက်စာတိုင်း ရှမ်းခေါက်ဆွဲပြင်ထားပေးတယ်။ မရိုးမအီနိုင်အောင် တစ်ပတ်ဆက်တိုက် မိုးကောင်းရှမ်းခေါက်ဆွဲကြီးပဲ စားခဲ့တယ်။ နောက်အပတ်တွေမှာတော့ ကျန်တဲ့ဟာတွေကို ပြောင်းပြီးစားပါတယ်။ ပဲပြုတ် နံပြား၊ ကောက်ညှင်းပေါင်းနဲ့ အကြော်၊ မုန့်ဟင်းခါး ဘာညာ ဘာညာ စတာတွေပေါ့။ ဒီနေ့တော့ မိုးကောင်းရှမ်းခေါက်ဆွဲကို အားပါးတရ သုံးဆောင်သွားပါအုံးလား။




ပဲရွက်များများနဲ့ စားခဲ့တယ်။


မျှစ်ချဉ်ပြုတ်၊ ရှမ်းချဉ်၊ ကုလားကြော်၊ ပဲရွက်ပြုတ် ကြိုက်ရာကို များများသာ ထည့်စားသွားနော်။ အားနာနဲ့။



နောက်တစ်နေ့ ရှမ်းခေါက်ဆွဲ


အဲဒီနေ့က ဗမာ မုန့်ညှင်းချဉ် နဲ့ စားပါတယ်။


ငါးများများထည့်လိုက်တယ်။



ကုလားကြော်ရယ်၊ ဗမာချဉ်ကို နံနံပင်နိုင်းချင်းနဲ့ သုပ်ထားပါတယ်။



စားမယ် သောက်မယ် ပျော်မယ် ပါးမယ်။

မိုးကောင်း ရှမ်းခေါက်ဆွဲချက်နည်းကို တစ်ခါရေးဖူးပါတယ်။ ဒီကနေ ပြန်ကူးလိုက်ပါတယ်နော်။

လိုအပ်သောစာရင်း
၁။ ဆန်ဆီးခေါက်ဆွဲ ၁ ပိသာ
၂။ ငါးကြင်း ၂၅ ကျပ်သား
၃။ ကြက်သွန်နီ၊ ကြက်သွန်ဖြူ၊ ဂျင်း
၎။ မြန်မာနံနံ၊ ရှမ်းနံနံ
၅။ မျှစ်ချဉ်(သေးသေးပါးပါးလှီးထားသော) ၁၅ ကျပ်သား (သို့) ရှမ်းချဉ်
၆။ ပဲပင်ပေါက်(သို့) ပဲရွက် (သို့) ဘေဘီမုန့်ညင်း (မကြိုက်လို့ မထည့်လဲ ရပါတယ်)
၇။ ပဲမုန့်စိမ်း
၈။ ကုလားဗရာကြော် (မိမိကြိုက်နှစ်သက်ရာ အကြော်စုံထည့်စားနိုင်ပါတယ်)


ခေါက်ဆွဲဟင်းရည်ပြုလုပ်ပုံ

ခေါက်ဆွဲဟင်းရည်အတွက် ရေနွေးအိုးတည်ထားပါ။
ငါးကြင်းကို ရေဆေးပြီး ဆား၊ အချိုမှုန့် အနည်းငယ်ထည့်နယ်ပြီး ၁၅ မိနစ်လောက် နပ်ထားပါ။ ပြီး
ရင် ငါးကြင်းကို မီးသွေးမီးနဲ့ကင်ပါ။ မီးဖြည်းဖြည်းနဲ့ကင်ပေးပါ။ ၁၀ မိနစ်၊ ၁၅ မိနစ်လောက်ဆို ရပါပြီ။ မီးသွေးမီး မရှိလဲ ဆီနည်းနည်းနဲ့ ကြော်ပေးပါ။ မီးကင်တာကတော့ ပိုပြီးမွှေးတာပေါ့။ ငါးကျက်ပြီဆိုရင် အအေးခံထားပြီး အရိုးနွင်ပါ။ ပြီးရင် ဟင်းရည်းအိုးလုပ်မယ့်အိုးထဲသို့ အရိုးနွင်ထားသော ငါးကြင်း၊ ကြက်သွန်နီ လေးခြမ်းစိတ် ၇ လုံး ကြက်သွန်ဖြူ တမွှာကို ဓားနဲ့ရိုက်ပြား၊ ဂျင်းလက် ၃ တစ်လောက်ကိုလဲ ဓားရိုက်ပြားပြီး ထည့်ပါ။ ဆား၊ အချို့မုန့် ထည့်ပါ။ ရေနွေးထည့်ပြီး ဆူအောင်ထည်ထားပါလေ။ ဟင်းရည်အိုးဆူလာလျှင်စတင် စားသုံးနိုင်ပါပြီ။


ခေါက်ဆွဲနဲ့တွဲဖက်စားမည့်မျှစ်ချဉ်ပြုတ်လုပ်နည်း

မျှစ်ချဉ်ကို ဆား၊ အချိုမုန့်၊ ဆနွင်း အနည်းငယ်၊ ရေထည့်ပြီး မိနစ် ၃၀ လောက်ရေခမ်းအောင်ပြုတ်ထားပါလေ။ ကြိုက်တတ်လျှင် ရှမ်းနံနံ (သို့) ပင်စိမ်းကို ရေခမ်းခါနီးထည့်အုပ်နိုင်ပါတယ်။

ထည့်စားရမည့် အစာပလာများ


ကကသွန်ဖြူ ဆီချက် ဆနွင်းနဲ့ ချက်ထားပါ။
ငရုတ်ဆီ ဆီချက် နီနီ ချက်ထားပါ။
ပဲမုန့်ကို ရေဖျော်ပြီး ဆား၊ အချိုမုန့်၊ ဆနွင်း အနည်းငယ်ထည့်ပြီး တိုးပူးနွေး ကျိုသလို မပျစ်မကျဲကျိုပါ။
ပဲပင်ပေါက်(သို့) ပဲရွက် (သို့) ဘေဘီမုန့်ညင်း တို့ကို ရေနွေးဖျောထားပါ။
နံနံပင်ကို ပါးပါးလှီးထားပါ။

ရှမ်းခေါက်ဆွဲပြင်ဆင်ပုံ

ဆန်ဆီးခေါက်ဆွဲကို ပြုတ်ပါ။
စားမည့်ပန်ကန်လုံးထဲသို့ ပြုတ်ထားသော ဆန်ဆီးခေါက်ဆွဲထည့်၊ ကျိုထားသော ဟင်ဗျစ်(ခေါ်)တိုပူးကျဲကျဲ ၁ဇွန်းလောက်ထည့်၊ ရေဖျောထားသော ပဲပင်ပေါက်(သို့) ပဲရွက် (သို့) ဘေဘီမုန့်ညင်းထည့်၊ တိုပန်ကျန် (ခေါ်) တရုတ်ပဲငါးပိထည့်(ဆားကတော့ လိုမှထည့်တော့နော်)၊ အချိုမှုန့်ထည့်၊ ဆီကျက် နီနီထည့်၊ ဆီကျက် ၀ါဝါထည့်၊ နံနံပင်ထည့်၊ ကုလားဗရာကြော်ကိုချေပြီးထည့်၊ ပြုတ်ထားသော မျှစ်ချဉ်နဲ့တွဲပြီး စားသုံးနိုင်ပါပြီ။ ဒါကတော့ အသုပ်စားတဲ့နည်းပါ။ အရည်နဲ့စားချင်ရင် ငါးဟင်းရည်ထည့် စားလိုက်ရင် အရည်နဲ့ရပါပြီ။

12 comments:

ချော (အစိမ်းရောင်လွင်ပြင်) said...

မိုးကောင်းသူရေ..
ခေါက်ဆွဲတွေကြည့်ပြီးတော့ တကယ်ကို မိုးကောင်းကို သတိရမိပါတယ်.. တို့ကတော့ ပုဇွန်ခြောက်ဟင်းရည်လေးကို ပိုကြိုက်သလိုဘဲ.. ဘယ်မှာမှ ပုဇွန်ခြောက်နဲ့ မချက်စားကြဘူးနော်.. လျှောင်းတော်မူဘုရားကြီးနားက တိုဟူးပျော့ကိုလဲ အရမ်းသတိရပါတယ်.. ရှိသေးလားတော့ မသိတော့ဘူး.. မိုးကောင်းသူစားခဲ့တဲ့ ခေါက်ဆွဲကိုကြည့်ပြီး ဗိုက်တောင် ပြည့်သွားသလိုပါဘဲ..

PAUK said...

မမိုးကောင်းသူရေ..
ပြန်သွားတာလား..
ကျနော်တို့ဖက်က ရှမ်းခေါက်ဆွဲနဲ့ မတူဘူးနော်။။
သူငယ်ချင်းရဲ့ ယောင်းမက မြစ်ကြီးနားသူဆိုတော့
သူတို့အိမ်သွားလည်မှပဲ စားဖြစ်တယ်။။
မြစ်ကြီးနားဆန်စီးစားတာနဲ့..မိုးကောင်းကစားတာနဲ့
တူတယ်နော်။။
ကျနော်တို့ဖက်မှာကျတော့..မြီးရှည်မှ တိုပန်ကျန်(တရုတ်ပဲငပိ)ထည့်တာ။။
ဆန်ပြားသုပ်မှာလဲ ထည့်တတ်ပါတယ်။။

Vista said...

့ပြန်ရောက်တာနဲ့  နှိပ်စက်ပြီ ..ဟိ

moeswe-moeswe said...

အဲ့တာကြောင့် မမပျောက်သွားတာကိုး
ရှမ်းခေါက်ဆွဲစားချင်တယ် အမေ့အိမ်ကမို့ ပိုစားချင်တယ်
ပုံတွေကြည့်ပီး သရေတောင် မနည်းထိန်းသွားရတယ် ရှလွတ်...
နှစ်သစ်မှာ ပျော်ရွှင်ပါစေနော် မမမိုးကောင်းသူရေ

moemoestar said...

ရှမ်းခေါက်ဆွဲ ကြိုက်တယ်...
ချက်စားမယ်...

ဂျူနို said...

ထမင်းအိုးလေး ဘယ်ကိုသွား
အမေ့အိမ်ကို ကိုယ်တော်ကြီးနဲ့ဆို

ထမင်းအိုးလေး ဘာတွေစား
ရှမ်းခေါက်ဆွဲကို တပတ်ရှင်။ ။


စားချင်တာနော်။ မနေ့ကပဲ ပဲရွက်တွေ သတိရနေတာ။



မအယ်

rose of sharon said...

တစ်ခါမှ မစားဖူးဘူးတော့... စားချင်သား

ThuHninSee said...

တစ်ခါမှမစားဖူးဘူး။ ပဲလိပ်ပြာရွက်အကြောင်း ခနခနပြောလို့ သေချာမြင်ဖူးချင်တယ်။

နွေးနေခြည် said...

အ၀စားသွားတယ် မမရေ...

အဟင့် မမမိုးကောင်းသူ မြန်မာပြည်က စားစရာတွေနဲ့ စတင်နှိပ်စက်ပါတော့မယ်။

မြတ်မွန် said...

အား..စားချင်တယ်..ရှလွတ်..
ပုံထဲက ဝိုင်းထဲမှာ ထိုင်စားချင်လိုက်တာ.....

Kyaw Hnin Se Lwin said...

မမိုးရေ
အများကြီးစားသွားတယ်
:D

khin yamone said...

မိုးကောင်းသူလေး..
မိုးကောင်းအစားအစာလေးတွေတစ်ခါမှ မစားဖူးဘူး..
အရမ်းကိုကောင်းပြီးအရသာရှိမှာပဲ..
အခုညီမလေးလုပ်ထားတာတွေ အကုန်စားသွားတယ်နော်...
ကျေးဇူး