Monday, July 13, 2009

ငယ်ဘ၀ကို သတိရစေတဲ့ဟင်း တဂ်ပို့စ် - ၁ (မှိုကပ်ပေါင်း)

ညီမလေး မေကဆုန် ငယ်ဘ၀ကို သတိရစေတဲ့ဟင်းဆိုပြီး တဂ်ထားတာတော့ တစ်ပတ်ကြော်ရှိတော့မယ်။ ငယ်ဘ၀ကို သတိရစေတဲ့ဟင်းတွေကလဲ အများသားမို့ ဘယ်ဟင်းကို ဦးစားပေးရမလဲမသိဘူးဖြစ်နေတယ်။ ပြီးတော့ အိမ်ကို ဓာတ်ပုံလေးလှမ်းပို့ခိုင်းနေတာနဲ့ နည်းနည်းကြာသွားတယ်။ မစောင့်တော့ပါဘူး။ ဒါနဲ့ကြာတော့မယ်။ ဓာတ်ပုံရောက်လာမှ ပြန်တင်လိုက်မယ်။ ကချင်ပြည်နယ်သူဆိုတော့လဲ ကချင်ပြည်နယ်က အစားအစာတွေကို အရင်စပြောရတော့မယ်နော်။ အသက်အရွယ်ပဲ ကြီးလာလို့လားတော့မသိဘူး။ အသားဟင်းတွေထက် အသီးအရွက်ဟင်းတွေကို ပိုပြီးသတိရတယ်။ အိမ်မှာဆိုရင် ဟင်းတွေက ချက်ဟင်းထက် ပေါင်းတာ၊ ကင်တာ၊ အုံးတာ (မီးသွေးမီးလေးနဲ့ အုံးတာပါ)၊ ကြော်တာ၊ လှော်တာ၊ ထောင်းတာ၊ သုပ်တာ တွေ ပိုလုပ်စားတတ်ပါတယ်။


ပေါင်းတာက စပြောမယ်နော်။
မှိုကပ်ပေါင်း
မုန့်ညှင်းပေါင်း (မုန့်ညှင်းပေါင်းကိုတော့ ဒီမှာ ရေးဖူးပါတယ်နော်။)

ပိန်းပေါင်း (ပိန်းပေါင်းတော့ ကျွန်မ မလုပ်တတ်ဘူး။ ပိန်းဥ နဲ့ ပိန်းရွက်က ကျွန်မလက်နဲ့လဲ မတည့်ဘူး။ လက်ယားတတ်လို့ပါ။ လက်အိတ်စွတ်လဲ ယားတယ်။ စားတာက စားလို့ရတယ်။ လျှာကတော့ မယားတတ်ဘူး။ :D)
ဟင်းစုံပေါင်း


မှိုကပ်ပေါင်း အရင်စားချင်တယ်ကွယ်။ ကချင်ပြည်နယ်သူ ကချင်ပြည်နယ်သားတွေတော့ မှိုကပ်ပေါင်း၊ မှိုကပ်ထောင်းဆိုရင် သိကြပါတယ်။ မှိုဆိုလို့ အကြီးစားကြီးမဟုတ်ဘူးနော်။ တကယ့် သေးသေးလေးပါ။ ဘယ်လောက်သေးသလဲလို့ပြောရရင်တော့ လက်သန်းရဲ့လက်သည်းခွံလောက်ပဲရှိမယ်ထင်တယ်။ ဒီထက်သေးချင်သေးအုံးမယ်နော်။ အဲမှိုက သစ်တုံးတွေမှာ ကပ်ပြီးပေါက်တတ်တယ်။ ဈေးမှာရောင်းရင်တော့ နို့ဆီဗူးနဲ့ချိန်ပြီးရောင်းကြတယ်။ မှိုကပ်ပေါင်းက စားရတာ ကောင်းသလောက် လုပ်ရတာ လက်ပေါက်တော်တော်ကတ်တယ်ပြောရမယ်။ မှိုကို အရင်ဆုံး ၁ နာရီလောက် ရေစိမ်ထားပြီး စိတ်ရှည်လက်ရှည်နဲ့ မှိုကို ရေသေသေချာချာဆေးရတယ်။ လက်သန်းရဲ့လက်သည်းခွံလောက်သာရှိပေမယ့် သစ်တုံးမှာကပ်ပြီးပေါက်တတ်တာမို့ သဲတွေအရမ်းများပါတယ်။ အနည်းဆုံး ရေဆေးရတာ ၁၅ ခါကနေ အခါ ၂၀ ကြားတော့ အသာလေးရှိလိမ့်မယ်ထင်တယ်။ တကယ်လို့သဲမပြောင်ဘူးဆိုရင် စားရတဲ့အခါမှာ အရသာပျက်တယ်။ ပါးစပ်ထဲ သဲကျလိ ကျလိနဲ့။ အဲ........... မှိုကို ရေသေချာဆေးပြီးပြီဆိုရင် ငရုတ်ဆုံမှာထောင်းရပြန်တယ်။


ပြီးရင် မှိုကပ်ပေါင်းထဲ ထည့်မယ့်အဆာပလာတွေလုပ်ကြပြန်တယ်။ ထည့်ရတဲ့ အဆာပလာတွေက ငှက်ပျောဖူးရယ်၊ ကန်စွန်းရွက်ရယ်၊ ဖရုံညွန့်ရယ်၊ ကြက်သွန်နီ၊ ကြက်သွန်ဖြူ၊ ခရမ်းချဉ်သီး၊ ငရုတ်သီးစိမ်း၊ ရှမ်းနံနံ၊ ပုဇွန်ခြောက်ထောင်း၊ ငါးပိကင်၊ ဆား၊ အချိုမှုန့်၊ ဆီ၊ ဆန်ကြမ်းမှုန့် တို့ပဲဖြစ်ပါတယ်။ ငှက်ပျောဖက်လေးကိုလဲ မီးကင်ထားလိုက်ပါအုံးနော်။ အဆာပလာတွေနယ်ပြီးရင် ငှက်ပျောဖက်နဲ့ ထုပ်မှာမို့လို့ပါ။ ငှက်ပျောဖက်အစိမ်းဆိုရင် ကျွတ်လို့ ထုပ်လို့သိပ်မကောင်းဘူးနော်။

ငှက်ပျောဖူးကို ရင့်တဲ့အဖတ်တွေအရင်ခွာလိုက်ရပါတယ်။ ပြီးရင် နှစ်ခြမ်းခြမ်းပြီး ဓားနဲ့ပါးပါးလှီး ရေဇလုံထဲ ထည့်ထားပါတယ်။ ဆားနည်းပါ ထည့်ထားရင်တော့ ပိုကောင်းတယ်နော်။ ငှက်ပျောဖူးအရမ်းကြီးမည်းမသွားအောင်လို့ပါ။ ပြီးရင် ရေ ၂ ခါ၊ ၃ ခါ ပြန်ဆေးလိုက်ပါအုံး။ အဖန်ရည်တွေထွက်သွားအောင်ပါ။ ကန်စွန်းရွက်လဲ ရေဆေး ပါးပါးလှီး၊ ဖရုံညွန့်လဲ ရေဆေး ပါးပါးလှီး၊ ကြက်သွန်ဖြူ နီကိုထောင်း၊ ခရမ်းချဉ်သီးကိုလဲ နုတ်နုတ်ဆင်း၊ ငရုတ်သီး နဲ့ ရှမ်းနံနံကိုလဲ ပါးပါးလှီးထားလိုက်တယ်။ ကဲ.......... အဆာပလာတွေကတော့ပြင်ထားပြီးပြီးကွယ်။


ရောပြီးနယ်ဖို့ပြောတော့မယ်နော်။ ဇလုံကြီးကြီးနဲ့နယ်မယ်ကွယ်။ ဇလုံထဲသို့ ထောင်းထားတဲ့ မှိုကပ်ထည့်၊ အဖန်ရည်ထွက်အောင်ဆေးထားတဲ့ ငှက်ပျောဖူးထည့်၊ ကန်စွန်းထည့်၊ ဖရုံညွန့်ထည့်၊ ကြက်သွန်ဖြူ နီထောင်းထည့်၊ နုတ်နုတ်ဆင်းထားတဲ့ ခရမ်းချဉ်သီးထည့်၊ ပါးပါးလှီးထားတဲ့ ငရုတ်သီးစိမ်းနဲ့ ရှမ်းနံနံထည့်၊ ပုဇွန်ခြောက်ထောင်းထည့်၊ ဆားထည့်၊ အချိုမှုန့်ထည့်၊ ဆန်းကြမ်းမှုန့်ထည့်၊ ဆီနည်းနည်းလေးထည့်ပြီး သမသွားအောင် နာနာနယ်ပေးပါ။ (ဆီထည့်ရတာကတော့ အသီးအရွက်တွေ နည်းနည်းအိသွားအောင်ပါ။ ဆီမထည့်ပြန်လဲ ခြောက်ကပ်ကပ်ကြီးဖြစ်တယ်) နယ်ပြီး အပေါ့အငန် ဆားပြားလေး လက်ညိုးနဲ့ တို့ပြီး မြည်းချင်မြည်းလိုက်ပါအုံး။ အပေါ့ အငန် အစပ် အနေတော်ပဲဆိုရင်တော့ မီးကင်ထားတဲ့ ငှက်ပျောဖက်ထဲသို့ နယ်ထားတဲ့ မှိုကပ်ကိုအနေတော် ထည့်ပြီးထုပ်ပါ။ တစ်ခါစားလောက်ပေါ့။ ပြီးရင် ပေါင်းချောင်ထဲသို့ စီစီရီရီထည့်ပါ။ ပြီးရင် ဒယ်ပိုင်းထဲသို့ ရေထည့်ပါ။ ပေါင်းချောင်ကို အပေါ်ကနေတင်လိုက်ပါ။ ၁ နာရီလောက်ဆူနေအောင်တည်ထားပေးပါ။ ကျွန်မတို့တော့ အနံရလာတာနဲ့ တစ်ထုပ်လောက်အရင်ဆုံး မြည်းကြည့်လိုက်တာပဲ။ ၁နာရီလောက်ဆိုရင်တော့ အနံတွေလဲ မွှေးကြိုင်လာပါပြီ။ စားလို့လဲရပါပြီ။ မှိုကပ်ပေါင်းကို ထမင်းနဲ့တွဲစားရတာထက် ရေနွေးကြမ်းလေးနဲ့ ဒီအတိုင်းစားရတာကို အကြိုက်ဆုံးပဲ။ ပူပူလေးစားကောင်းမှကောင်းပဲ။ ရေးနေရင်း အိမ်ကိုတောင် သတိရလာပြီ။ အမေ့အိမ်ပြန်မှ ကချင်ပြည်နယ်အစားအစာတွေ တ၀ကြီးစားတော့မယ်။


မှိုကပ်ကိုထောင်းစားလဲ ရသေးတယ်နော်။ ထောင်းစားရတာတော့ လွယ်ပါတယ်။ ငရုတ်သီး နဲ့ ကြက်သွန်ဖြူကို ဒယ်ပိုင်းမှာ မီးဖြည်းဖြည်းနဲ့လှော်လိုက်တယ်။ ပြီးရင် ရေသေချာဆေးထာတဲ့မှိုကိုလဲ လှော်လိုက်တယ်။ ပြီးရင် မှိုရယ်၊ ငရုတ်သီးရယ်၊ ကြက်သွန်ဖြူရယ်၊ ဆားရယ်၊ အချိုမှုန့်ရယ် ထည့်ပြီး ထောင်းလိုက်ပါတယ်။နော်။ ဆီမပါဘဲနဲ့ စားကောင်းတယ်ကွယ်။ ဟိုနေ့က အမေ့အိမ်မှာ ၀ါဆိုသင်္ကန်းကပ်တယ်။ အဲနေ့က ဖုန်းဆက်လိုက်သေးတယ်။ ဘုန်းကြီးကို ဘာဟင်းတွေနဲ့ကပ်လဲလို့ မေးလိုက်တော့ မှိုကပ်ပေါင်း၊ ငါးအုံး၊ ကြက်သားအုံး နဲ့ ဘာညာ ဘာညာတွေပေါ့။ တခြားဟင်းတွေထက် ဒီဟင်းကို ပိုပြီးစားချင်ပါတယ်။ အမျိုးတွေလဲ စုံလို့ပေါ့။ ကဲ ရှည်လဲ ရှည်သွားပြီ။ အသီးအရွက်ပေါင်းတာတွေကိုတော့ ဒီလောက်နဲ့ပဲ ရပ်လိုက်ပြီနော်။ ကျန်တဲ့ဟင်းတွေလဲ ရှိသေးတာမို့ ဆက်လက်ပြီး ပို့စ်တင်ပါအုံးမယ်။ ညီမလေး မေကဆုန် နည်းနည်းကြာသွားလို့ စိတ်ဆိုးနဲ့နော်။

ကျန်းမာ ချမ်းသာကြပါစေ။

10 comments:

Anonymous said...

မစားဘူးဘူး အဲ့ဒါ

မေဇင် said...

မမ....ပေါင်းတာရော ထောင်းတာရော မစားဖူးဘူး...စားကြည့်ချင်တယ်...။ မမလုပ်ကျွေး...း)

နွေးနေခြည် said...

လုပ်ရတာ လက်ဝင်လိုက်တာ.. စားတော့စားချင်တယ် ဟိး)

ချက်ဖြစ်ရင် ခေါ်လိုက်ပါနော် မမမိုး ဟီဟိ

MrDBA said...

စီဒီတွေမှာ ကပ်ပေါက်တဲ့ မှိုကိုရော ..မန်းကိုပေါင်းကျွေးကြည့်ပါလားငှင် ...

စန္ဒကူး said...

တော်တော်လက်ဝင်မယ့်မှိုကပ်ပေါင်း.. စားဖူးကြည့်ချင်လိုက်တာ.. အဲဒီမှိုသေးသေးလေးတွေ ပုံရှိရင်တင်ပေးအုံးနော်..

subuueain said...

စားချင်ပါတယ်ဆိုပြော ပြောနေကြတယ်နော် :)

Anonymous said...

မရေ.......
မြူးလဲစားချင်တယ်သိလား
အကုန်ကြိုက်တယ်

မေလေး said...

မမ လုပ်တတ်ဘူးးးမမအ်ိမ်လာလည်ရင် ချက်ကျွေးနော်။

မိုးကောင်းသူ said...

ထောပတ်သီး ညီမလေး
ဟုတ်တယ်။ ကချင်ပြည်နယ်က သူတွေပဲ စားဖူးလိမ့်မယ်ထင်တယ်။

ညီမလေး မေဇင် နဲ့ နွေးနေခြည်
အစ်မ လုပ်ကျွေးချင်ပါသော်လည်း မှိုကပ်မရှိလို့နော်။ :D

ကိုကြီး ဒီဘီ
စီဒီမှာကပ်တဲ့မှို ပေါင်းကျွေးလိုက်လို့ ရှောနေပါအုံးမယ်လေ။

ကူးကူးရေ
ပုံရရင် တင်ထားပေးမယ်နော်။ စားရတာတာ ကောင်းတာ။ လက်ဝင်တယ်ဆို။

စုဘူးလေး
မှိုကပ်ရရင် လမ်းခေါ်လိုက်မယ်။

မြူး
သတိရစေတဲ့ ဟင်းတွေ အစ်မနဲ့ တော်တော်တူတယ်ဟုတ်။

မေလေး
ချက်ကျွေးအုံးမှာ။ :D

Unknown said...

ဟိုက်.... ဒါတောင် အပိုင်း၁ ရှိသေးတယ်..... :D
ဘယ်အချိန်ကတည်းက လွမ်းနေတယ်မသိ.....
ရေးပြထားတာကိုက စားချင်စရာ....