ငါးရံခြောက် စပ်စပ်ချက်

တစ်ချို့ရက်လဲ ဘာချက်စားလို့ ဘာချက်စားရမှန်းမသိဘူး။ ဒါတောင် အသားမျိုးစုံစားလို့ တော်သေးတယ် ပြောရမယ်။ ကြက်သားကလဲ မစားချင်။ ကြက်သားကလဲ ဗမာကြက်မဟုတ်တော့ စားရတာက ပေါ့တော့တော့နဲ့။ ဆီပြန်ချက်တွေ ချက်မစားဘဲနဲ့ အကြော်အလှော်တွေလုပ်စားအုံးမှ။ ဒါနဲ့ ငါးရံခြောက် တစ်ပြားကျန်သေးတာကို သတိရတယ်။ အိမ်ကပါးထားတာ။ နောက်ဆုံးလက်ကျန် ငါးရံခြောက်ကို ဒီတစ်ခါ ချက်စားလိုက်ပါတယ်။ ပြီးတဲ့ တစ်ခါတုံးက ကြော်ပြီး ထောင်းတာမာတာနဲ့ ဒီတစ်ခါ တစ်မျိုးချက်စားလိုက်ပါတယ်။ ဆီနည်းနည်း အရည်ကျဲကျဲလေးနဲ့ စပ်စပ်လေးချက်လိုက်တယ်။ ပြီးတော့ ချဉ်ပေါင်ရည်ကျဲဟင်းရည်နဲ့ တွဲစားလိုက်ပါတယ်နော်။ အားမနာတမ်း သုံးဆောင်သွားပါအုံးလား။



ငါးရံခြောက် စပ်စပ်ချက်


ချဉ်ပေါင်ရည်ကျဲ ဟင်းရည် (ပုဇွန်ခြောက် ငပွလေးတွေကို ခပ်ထားပါတယ်။ မဆိုးဘူးသောက်လို့ကောင်းတယ်။)

ငါးရံခြောက်အတွက် လိုအပ်သောအရာ

ငါးရံခြောက်
ခရမ်းချဉ်သီး ၂ လုံး
ကြက်သွန်နီ ၂ လုံး
ကြက်သွန်ဖြူ ၅ တက်
ငရုတ်သီးစိမ်း ၅ တောင့်
ဗမာ နံနံ အနည်းငယ်


ငါးရံခြောက် စပ်စပ်ချက်နည်း

ငါးရံခြောက်ကို ရေစိမ်ထားပြီး အနေတော် အတုံးလေးတွေ တုံးပါ။ ကြက်သွန်ဖြူ နီကိုထောင်းထားပါ။ ခရမ်းချဉ်သီးကို ပါးပါးလှီးထားပါ။ ငရုတ်သီးစိမ်းကိုလည်း ပါးပါးလှီးထားပါ။ ချက်မယ့်အိုးတည်ပါ။ ဆီအနည်းငယ်ထည့်ပါ။ ဆီကျက်လာရင် ထောင်းထားတဲ့ ကြက်သွန်ဖြူနီကို ဆီသတ်ပါ။ ကြက်သွန်ဖြူနီများ အရောင်နည်းနည်း နီလာရင် လှီးထားတဲ့ ခရမ်းချဉ်သီးကိုထည့်ပါ။ အရောင်တင်မှုန့်အနီထည့်၊ ဆားထည့်၊ အချိုမှုန့်ထည့်ပါ။ ဆီပြန်လာအောင်ထားပါ။ ဆီပြန်လာရင် တုံးထားသော ငါးရံခြောက်ကိုထည့်ပါ။ ၃ မိနစ်လောက် ခဏလုံးလိုက်ပါ။ ပြီး ရေနွေးအနည်းငယ်ထည့်ပါ။ (အရည် စပ်စပ်လေးနဲ့ စားချင်လို့ ရေနွေးနည်းနည်းထည့်လိုက်တာပါ။ ဆီပြန်စားလဲရပါတယ်နော်။) ဆူလာအောင်ထားလိုက်ပါ။ ဆူလာပြီဆိုရင်တော့ ငရုတ်သီးစိမ်းထည့်၊ နံနံပင်ကို ထည့်အုပ်ပြီး မီးဖိုပေါ်ကချနိုင်ပါပြီရှင်။ ငါးရံခြောက်ချက်နည်း ရပါပြီရှင်။ သုံးဆောင်သွားပါအုံးလား။
ီ