Saturday, January 30, 2010

ကြက်သားသုပ်

ကျွန်မက ကြက်ဆိုရင်အသားကို မကြိုက်ဘူး။ ရင်ဖုံမှလွဲလို့ ကျန်တဲအပိုင်းဆိုရင်တော့ ကြိုက်ပါတယ်။ ကြက်ဆိုအရိုးလေးကိုက်လိုက်ရမှကျေနပ်တယ်။ ရန်ကုန် ၁၉ လမ်း တရုတ်တန်းက ကြက်ခြေထောက်ပေါင်းဆိုအကြိုက်ဆုံးပေါ့။ အိမ်ပြန်တုံးက ၁၉ လမ်းမှာ သွားပြီး ၀ါးတီးဆွဲခဲ့သေးတယ်။ ကြက်အသဲအမြစ်ဆိုလဲ အမြစ်ပဲကြိုက်တယ်။ ဒီမှာက အသဲကြီးပဲသတ်သတ် အမြစ်ကြီးပဲသတ်သတ်ဝယ်လို့ရတော့ပိုကောင်းတာပေါ့နော်။ ဘဲမြစ်ဆိုပိုပြီးတောင်ကောင်းသေးတယ်။ ကြီးလဲကြီးတယ် စားရတာလဲ မာမာကျွတ်ကျွတ်လေး။ အဟီး ပြီးတော့ ကြက်ဆီဖူး(ဖင်ဆီဖူး)နဲ့ ကြက်အူလဲ ကြိုက်တယ်။ ကြက်အူကို ကြက်ကချင်ချက် ချက်သလိုချဉ်စပ်လေးချက်စားရင်ကောင်းမှကောင်းပဲ။ ကြက်ကချင်ချက်ချက်နည်းကိုတော့ ဒီမှာ ရေးဖူးပါတယ်။ (ကြက်အူကိုတော့ အသေအချာလေးရေဆေးရတာပေါ့နော်) ဒီမှာတော့ အဲဒါတွေဝယ်လို့မရတတ်ပါ။ ကြက်ဆီဖူးက ကြက်တကောင်လုံးဝယ်ရင်တော့ စားရပါသေးတယ်။ ဒီမှာ ကြက်အူကတော့ ရောင်ရမ်းပြီးတောင် မတွေ့မိ။ ဒီမိုးကောင်းသူတော့ ကိုယ့်အသားမဟုတ်တိုင်း သူများအသားကိုများပြောနေလိုက်တာ ဟိုဟာလေးကြိုက်တယ် ဒီဟာလေးကြိုက်တယ်နဲ့လို့ပြောတော့မှာပဲနော်။ ဒါမှ မဟုတ်လဲ ကြက်ဆီဖူးနဲ့ကြက်အူများ ပေါက်ပေါက်ရှာရှာကြိုက်လဲကြိုက်တတ်တယ် အံသြပါရဲ့နော် ဖြစ်နေတော့မည်။ အဟီး ပြောချင်တာက ကြက်ရင်ဖုံကိုချက်တာမစားချင်တာနဲ့ ဒီနေ့တော့ ကြက်သားသုပ်ချဉ်စပ်လေး လုပ်စားမှဆိုပြီးပြောချင်တာပါရှင်။ လေရှည်နေတာနဲ့ ကြက်သားသုပ်အကြောင်းပြောအုံးမှ။


ကြက်သားသုပ်၊ ပဲတောင့်ရှည်သုပ်၊ ဘူးသီးဟင်းခါး



ကြက်သားသုပ် ချဉ်စပ်လေး သုံးဆောင်သွားပါအုံးလား



ပဲတောင့်ရှည်သုပ် (မြေပဲဆံထောင်း၊ ကြက်သွန်နီ ဆီကျက်၊ ပဲကျက်မှုန့်၊ ပုဇွန်ခြောက်မှုန့်၊ ငံပြာရည်၊ အချိုမှုန့် ထည့်ပြီး သုပ်ထားပါတယ်ရှင်)


ဘူးသီးဟင်းခါး (ကြက်သားပြုတ်ရည်ထဲ ဘူးသီးရယ်၊ ပဲကြာဇံရယ်ထည့်လိုက်ပါတယ်)


လိုအပ်သောအရာ

ကြက်ရင်ဖုံ (မိမိကြိုက်နှစ်သက်သောအသားဆိုလဲရပါတယ်)
ခရမ်းချဉ်သီး ၂ လုံး
ဂေါ်ဖီထုပ်
ကြက်သွန်နီ ၂ လုံး ( ၁ လုံးကို ဆီကျက်ချက်)
ကြက်သွန်ဖြူ ၂ တက်
ငရုတ်သီးစိမ်း ၃ တောင့်
သံပရာသီးသေးသေး ၄ လုံး
ဗမာ နံနံပင်


သုပ်ပုံသုပ်နည်း

ကြက်သားကိုရေဆေး ဆား၊ အချိုမှုန့်ထည့်ပြီး အရင်ပြုတ်ထားပါ။ ဒီမှာက CP ကြက်တွေဆိုတော့ နာရီဝက်လောက်ဆိုရင်တော့ အသားများကျက်ပါပြီ။ ကြက်သွန်နီ၊ ကြက်သွန်ဖြူ၊ ခရမ်းချဉ်သီး၊ ငရုတ်သီး၊ ဂေါ်ဖီထုပ်၊ နံနံတို့ကို ပါးပါးလှီးထားပါ။ သုပ်မယ့်ပန်းကန်ထဲသို့ ပါးပါးလှီးထားသော ကြက်သွန်နီ၊ ကြက်သွန်ဖြူ၊ ခရမ်းချဉ်သီး၊ ငရုတ်သီး၊ နံနံတို့ကိုထည့်၊ ပြုတ်ထားတဲ့ကြက်သားကို အမျှင်လေးတွေနွှာပြီးထည့်၊ ဆား၊ အချိုမှုန့်ထည့်၊ သံပရာသီးညှစ်ထည့်ပြီး နယ်ပေးပါ။ အပေါ်ကနေ ကြက်သွန်နီဆီကျက်လေးကိုထည့်ပြီး စားလို့ရပါပြီရှင်။ ချဉ်ချဉ်စပ်စပ်နဲ့ အလွန်မြန်ဆန်သော ကြက်သားသုပ်ဟင်းတစ်ခွက်ရပါပြီ။ သုံးဆောင်သွားပါအုံးလား။

7 comments:

စူးနွယ်လေး said...

နေမကောင်းဖြစ်နေလို့ ဘာမှမစားနိုင်ဘူး
ကြက်သားသုပ်နဲ့ ဘူးသီးဟင်းခါးစားချင်လိုက်တာနော် ပုံတွေကြည့်ပြီး ဗိုက်ဆာလာပြီ

စူးနွယ်လေး said...

အရိုးကြိုက်တာချင်းတူတယ်

Evy said...

ကြက်သားသုပ် ကြိုက်တယ်။ ချဉ်ချဉ်စပ်စပ်နဲ့စားလို့ကောင်းတယ်

moemoestar said...

အသုပ်နဲ့ ဟင်းခါး
လိုက်မှလိုက်...

PAUK said...

ဒီက ကြက်တွေကို သိပ်မကြိုက်လို့...
သိပ်ချက်မစားဖြစ်ဖူး..မမိုးကောင်းသူ..
မမိုးကောင်းသူ သုတ်ထားတာမြင်တော့လည်း
စားချင်စရာ..။။
ပဲတောင့်ရှည်သုတ်လည်း..ကျနော်တို့ဖက်နဲ့တူတူပဲ။။
ကိုယ့်ဖာကိုယ်တော့ မသုတ်စားဖူးပါဘူး။။

Unknown said...

ကြက်သားသုပ် ကြိုက်တယ်
ဗူးသီးဟင်းခါးလေးနဲ့မို့ ပိုဂွတ်
ကြက်အူ၊ ကြက်မြစ် ကြိုက်တယ်
အသုပ်နဲ့ဆို ထမင်းစား ပိုမြိန်စေတယ်နော်
လုလု

မေကဆုန် said...

မမိုးရေ
ကြက်သား အစိတ်အပိုင်းတွေ ကြိုက်တာချင်း တူတယ်တော့
သို့ သော် ဖင်ဆီဗူးတော့ လုံးဝ မစား.. ;)