ငါးရံခြောက်ကို ဆီစိမ်းနည်းနည်းပဲဆမ်းထားတာပါ။
ရေနွေးကြမ်းနဲ့တွဲစားလဲကောင်းပါတယ်။
အိမ်မှာတော့ ငါးခြောက်တွေဆိုရင် ကြော်ပဲစားတယ်။ ဖုတ်စားရင် ဟိုကျွမ်း ဒီကျွမ်း၊ ထုထောင်းလိုက်ရင်လဲ ဟိုကြေ ဒီကြေ နဲ့ဆိုတော့ စားရတာက နည်းနည်း၊ ပစ်ရတာက များများမို့လို့ ရေစိမ်ပြီး ကြော်စားလိုက်ပါတယ်။ ဖုတ်ပြီးစားရင်တော့ အနံကပိုပြီးမွှေးတာပေါ့။ ဒီမှာက ဖုတ်ဖို့ မီးသွေးမီးဖိုလဲ မရှိတော့ အိမ်ကပါးလိုက်သော ငါးရံကို ကြော်စားပါတယ်။
ကြော်ပုံကြော်နည်း
မကြော်ခင် ငါးရံကို ရေနဲ့ ၁၅ မိနစ်လောက်စိမ်ထားပါ။ ကြော်မယ့်အိုးထဲသို့ ဆီနည်းနည်းထည့်ပါ။ ဆီကျက်လာရင် ရေစိမ်ထားသော ငါးရံခြောက်ကို ထည့်ပြီးကြော်ပါ။ နီနီလေးဖြစ်အောင်ကြော်ပါ။ အိုးပေါ်က ချချခြင်း ထောင်းပါလေ။ ဒါမှ ငါးရံခြောက်က မွမွလေးဖြစ်မှာပါ။ မဟုတ်ရင် ငါးရံခြောက်က မာသွားတတ်လို့ပါ။ ပြီးရင် ဆီစိမ်းကိုထည့်ပါ။ အသင့်စားသုံးနိုင်သော ငါးရံခြောက်ဆီဆမ်းမွှေးမွှေးလေးရပါပြီ။
No comments:
Post a Comment