ဒီနေ့တော့ ငါးရံခြောက်ကို ထောင်းပြီး ငရုတ်သီးနဲ့စပ်စပ်လေး တမျိုးကြော်လိုက်တယ်။ ဟိုနေ့က ရိုးရိုးဆီစမ်းစားပြီးပြီဆိုတော့ တမျိုးတဖုံပြောင်းလဲချက်မှ တော်တော့မည်။ တော်နေ ကိုယ်တော်က နုတ်သီးဆူနေအုံးမည်။ :D
ကြော်ပုံကြော်နည်း
ငါးရံခြောက်ကို မိနစ် ၃၀ လောက်ရေစိမ်ထားပါ။ ရေစိမ်ဖို့အချိန်မရလဲ အရေးမကြီးပါဘူး။ တခါတည်းပြုတ်လိုက်ရင်လဲ ရပါတယ်။ ငါးရံခြောက်ကို နူးနေအောင်ပြုတ်ပေးပါ။ ပြီးရင် ငါးရံခြောက်ကိုထောင်းပါ။(ထောင်းစရာ ငရုတ်ဆုံမရှိလဲ လက်နဲ့ဖိဖိပြီး ချေလို့ရပါတယ်)။ ကြက်သွန်နီ ၅ လုံးလောက်ကိုပါးပါးလှီးထားပါ။ ကြော်မယ့်အိုးထဲသို့ ဆီထည့်။ ဆီကျက်လာရင် ပါးပါးလှီးထားသော ကြက်သွန်နီကိုထည့်ပါ အရောင်အနည်းငယ် နီလာထိကြော်ပါ။ ပြီးထောင်းထားသော ငါးရံခြောက်ကိုထည့်ပါ။ အိုးမကပ်အောင် အဆက်မပြတ်မွေပေးပါ။ အရောင်နီလာအောင်အထိကြော်ပေးပါ။ ငါးရံခြောက်ရပြီဆိုရင် ချခါနီးကို ငရုတ်သီးခွဲခြမ်းဖတ်ထည့်ပါ။ အစပ်မစားရင်တော့ အချိုကြော်စားလဲကောင်းပါတယ်။ ကျွန်မကတော့ ဆား၊ အချိုမုန့်နည်းနည်းထည့်လိုက်ရသေးတယ်။ ငါးရံခြောက်က ဆားပေါ့ မို့လို့ပါ။ (ဆား၊ အချိုမုန့်က လိုအပ်ရင်တော့ထည့်ပါ)။ အိမ်က ကိုယ်တော်အကြိုက် နှာရည်များထွက်အောင် ငါးရံခြောက်ထောင်းကြော် စပ်စပ် လေး။ :D
No comments:
Post a Comment