ဒီနေ့တော့ ကြက်သားကိုဘယ်လိုလုပ်စားရမလဲလို့စဉ်းစားနေတာ။ ဒီကကြက်တွေကလဲ CP ကြက်ဆိုတော့လဲ ဗမာကြက်လောက်အရသာမရှိဘူးပေါ့နော့်။ သူများအသားတွေကို အရသာမရှိဘူးလေး ဘာလေးနဲ့။ ဟီး။ တပတ်စာ ၀ယ်ထားတာလဲ ကြက်ပေါင်နဲ့အရိုးပဲကျန်တယ်။ ရေစိမ်ခေါက်ဆွဲ(ခေါ်)ရှမ်းခေါက်ဆွဲနဲ့ ဂျုံခေါက်ဆွဲတော့ ၀ယ်ထားတာရှိတယ်။ အဲဒီတော့ အရိုးလေးနဲ့ အုန်းနို့ခေါက်ဆွဲချက်ရမလား၊ ရှမ်းခေါက်ဆွဲချက်ရမလား၊ ကြက်ပေါင်းရေစိမ်ခေါက်ဆွဲချက်ရမလားလို့ စဉ်းစားလိုက်တယ်။ သြော်……ကျွန်မနယ်လေ အုန်းနို့ခေါက်ဆွဲချက်ဖို့ အုန်းနို့ပါ့ မရှိတာ။ အုန်းနို့ခေါက်ဆွဲ ဘယ်လိုချက်မလဲနော်။ အုန်းနို့သွားဝယ်ရမှာလဲပျင်းတော့ အုန်းနို့ခေါက်ဆွဲချက်ဖို့ စာရင်းထဲက ထုတ်လိုက်။ အင်း ရှမ်းခေါက်ဆွဲလေးချက်ရင် မုန့်ညှင်းချဉ်နဲ့ဆို ရှယ်ပဲ။ ဟီး ဒါချက်မယ်လို့ စဉ်းစားလိုက်ပြန်တယ်။ သြော်……မေ့တတ်လိုက်လေ တိုပန်ကျန်(ခေါ်) တရုတ်ပဲငါးပိပါကုန်နေပြီ။ တိုပန်ကျန်(ခေါ်) တရုတ်ပဲငါးပိကိုတော့ China Town တွင်သွားဝယ်ရအုံးမည်။ ဟွန့် မရှိတာနဲ့ အကုန်တာနဲ့ဟုတ်ရော။ အဟီး........အမှန်က မိုးကောင်းဆန်ဆီးခေါက်ဆွဲလေးနဲ့ မုန့်ညှင်းချဉ်နဲ့စားလိုက်ရလဲ ရှယ်ပဲ ရှယ်ပဲ (မိုးကောင်းဆန်ဆီးခေါက်ဆွဲချက်နည်းဒီမှာရေးဖူးပါတယ်) ။ ဒါချက်ဖို့က ဝေးသေးကျွန်မမှာဆန်ဆီးခေါက်ဆွဲပါ့မရှိတာ။ နောက်ဆုံးပိတ်တော့ ထူးပါဘူးလေဆိုပြီး အလွယ်ဆုံး ကြက်ပေါင်းရေစိမ်ခေါက်ဆွဲပဲချက်ဖို့ပဲ စဉ်းစားလိုက်ပါတော့တယ်ရှင်။ ဘာခတ်တုံး လက်ကျန်မုန့်ညှင်းချဉ်ကို ခေါက်ဆွဲနဲ့စားရဖို့အရေးကြီးတယ်။
ကဲ.............. ကြက်ပေါင်း ရေစိမ်ခေါက်ဆွဲ သုံးဆောင်သွားပါအုံးလား။ သုံးဆောင်သွားပါအုံးလို့ခေါ်ရတာတော့ အားနာသားလေ။ ဖြူဖြူဖတ်ဖတ်ကြီးဆိုတော့ စားလို့မကောင်းလောက်ပါဘူးလေနော်။ :)
အနီးကပ်အရိုက်လွန်သွားတယ် ခေါက်ဆွဲတောင်မမြင်ရတော့ဘူး။ ဟီး
လိုအပ်သောအရာ
ရေစိမ်ခေါက်ဆွဲခြောက်(ခေါ်)ရှမ်းခေါက်ဆွဲခြောက် နာရီဝက်လောက်ရေစိမ်ထားပါ။ ဒါမှပြုတ်ရတာပိုအဆင်ပြေပါတယ်။ (ကျွန်မကတော့ ၀မ်းဘဲတံဆိပ်ပဲဝယ်လေ့ရှိပါတယ်)
ကြက်သား
ကြက်သွန်ဖြူ ၃ တက်
ဂျင်း လက်တဆစ်
စောကောဆီကျက် (စောကောအကြောင်းကိုဒီမှာရေးဖူးပါတယ်)
မြေပဲဆံထောင်း (မထည့်လဲရပါတယ်)
ပဲပင်ပေါက်ရေနွေးဖျော(မကြိုက်လဲ မထည့်ရင်ရတယ်နော်) ကျွန်မတို့အိမ်မှာတော့ ဆောင်းတွင်းဆိုရင် ပဲလိပ်ပြာရွက်(ခေါ်)ပဲရွက်ပေါ်တဲ့အချိန်မို့လို့ ပဲရွက်ကိုရေနွေးဖျောထည့်ပါတယ်။
မုန့်ညှင်းချဉ်(သို့)ရှမ်းချဉ်
ကြက်သွန်မြိတ်
ကြက်ပေါင်းဟင်းရည်ချက်ပုံ
ကြက်သားကို ဆား၊ အချိုမှုန့်နဲ့နယ်ပေးပါ။ ပြုတ်မယ့်အိုးထဲသို့ ရေထည့်၊ နယ်ထားတဲ့ကြက်သားထည၊့် ကြက်သွန်ဖြူထည့်၊ ဂျင့်ထည့်ပြီး ပြုတ်ထားပေးပါ။ နာရီဝက်လောက်ပြုတ်လိုက်ရင်ပဲ ကြက်သားပေါင်းဟင်းရည်ရပါပြီ။ အမှန်တကယ်ကတော့ ကြက်ပြုတ်ရည်လို့ပြောရမှာပေါ့နော်။
ကြက်ပေါင်း ရေစိမ်ခေါက်ဆွဲပြင်ပုံ
ရေစိမ်ခေါက်ဆွဲ(ခေါ်)ရှမ်းခေါက်ဆွဲကိုရေနွေးနဲ့ပြုတ်ပေးပါ။ စားမယ့်ပန်းကန်ထဲသို့ ပြုတ်ထားတဲ့ခေါက်ဆွဲထည့်၊ ရေနွေးဖျောထားတဲ့ပဲပင်ပေါက်ထည့်၊ ကြက်ပေါင်းဟင်းရည်ထည့်၊ မြေပဲဆံထောင်းထည့်၊ စောကောဆီကျက်ထည့်၊ ကြက်သွန်မြိတ်ထည့်၊ ဆား၊အချိုကိုထည့်ပြီး စားသုံးနိုင်ပါပြီရှင်။ ကဲမလွယ်ဘူးလားလေ။ သုံးဆောင်သွားပါအုံးလား။
(ဒီနေ့ ကျွန်မမှာ ကြက်သွန်မြိတ်မရှိလို့ မထည့်လိုက်ပါဘူး)
